فعلا محتارة ساعديني دكتورتنة الغالية

[البياتية]

السلام عليكم ورحمة الله :mbv:عزيزتي اخذت بنصيحتج ورحت لدكتورة بان المعموري وسوتلي سونار يوم 10 من الدورة وجان حجم البيضة 17 ونص ويوم 11صار20 طبعا بدون استخدام اي منشط وانطتني ابرة اوتريفيل يوم 11ساعة12باليل ضربتهة ويوم 13رحت للمركز سوتلي حقن ساعة 3العصر رغم اخذو العينة من زوجي ساعة9الصبح المهم حسيت بالالم وعادي بعدهة ونطتني دافستون مرتين باليوم وتاخرت عدي الدورة 6ايام لان دورتي كلش منتضمة بالضبط28يوم المهم صار عدي الم فضيع ونزل تكتلات دموية رحت للطبيبة بمنطقتنة جان تكلي صاير تكيس بالبويضة علة المبيض الايمن كلللللللش جبير تقريبا بحجم الرحم 30*32وكالتلي خامس يوم الدورة تاخذين برموليوت مرتين مدة عشرين يوم سؤالي عزيزتي شنو برايج السبب رغم مبايضي نشطة والاشعة الملونة كلش زينة والرحم جيد وهل هذا ياثر علة عمل المبيض ؟وهل ممكن ينزل من وحدة لان ثاني يوم الدورة نزلت كتلة كلش جبيرة وقوية اجلكم الله اضطريت اسحبهة بايدي؟صح اني المبيضين نشطة بس اعتمادي علة المبيض الايمن لان الايسر اجريت بيه عملية بعد حملي الاول الاكتوبك وصار عدي حمل وراهة طبيعي يتذكرون البنات واستمر6اشهر وصارت ولادة مبكرة وماتت الطفلة بعد الولادة مباشرة وصارلي9اشهر من اجهضت وكل التحاليل البرولاكتين وlh>>>>>>>fshطبيعية وزينة شنو راي حضرتج داافكر كلش بطفل الانابيب بس خايفة علما صار علة زواجي سنتين و8اشهر وعمري 28سنةارجو الرد بسرعة واسفة علة الاطالة:mbv::mbv::mbv:

[الفراشة العراقية]

ان شاء الله دكتورة جاوبج
وربي يرزقج بالذرية الصالحة

[لافندر]

الله يكون بعونج بياتيه والله يرزقج الذريه الصالحه يارب يارب

[زوزه]

ياربي الله يشوف بحالج واكيد الدكتورة متقصر بالاجابه

[البياتية]

:7878545:مشكورات غالياتيانتضر رد الطبيبة والله كريم

[الألق]

حبيتتي ربي يفتحها بوجهج ويرزقج قادر ياكريم

[بديل القمر]

البياتيه اني صدق مو دكتوره بس احسسج تاخذين علاجات هوايه وانتي مابيج شي
خليها على ربج وريحي بالج والله النفسيه الها عامل قوي
وانتي صار عدج حمل طبيعي يعني مابيج شي
لاتحوسسسين بنفسج حبيبتي انتي وضلي على الدعااااااااء


...........
اسفه دكتورتنااااااا
ادري بيج ودج تبسطيني هسسسسسه

[د.فراشة الليل]

السلام عليكم
حبيبتي البياتيه اسفه عالتاخير بالرد
بس كانت عندي ظروف
حبيبتي ممكن يكون هذا حمل وصار اسقاط كان المفروض تتاكدين
وعلى كل حال الكيس ممكن يروح بالعلاج المنتظم
واتركي مسألة اطفال الانابيب هسه ..وحاولي محاوله ثانيه بس سوي سونار يوم 12 من الدوره بدون منشطات
لان المنشطات هي اللي تسبب الكيس
لان البيضه تكبر اكثر من حجمها الطبيعي وتتكيس فما تتلقح وميصير حمل
حبيبتي خلي ايمانج كبير برب العالمين وانت ان شاء الله تصيرين حامل لان سابقا حملتي بدون اي مشكله
هسه اهم شي ينزل الكيس..وبعدين مسألة الحمل
وماعندج غير العافيه والله يرزقج الذريه الصالحه ان شاء الله


بدوله حبي ما ازعل كلامج صحيح كثرة الادويه مرات هي اللي تمنع الحمل
على شنو ابسطج انت شطوره ومعلوماتج حلوه

[نور الصباح]

عندج العافية حبيبيتي والله كريم ويرزقج بالذرية الصالحة ويرزق كل محرومة يااااارب
وخاصة وانتي صاير عندج حمل سابق ليش هل قلق والادوية
انطي النفسج فرصة وخليها على الله وهو خير معين ويفرح قلبج قادر وكريم

[هباوووي]

حبي زنوبه ربي يرزقج بالذريه الصالحه عاجلاً غير اجل واني رايي من راي بديل ماطول حملتي مره بصوره طبيعيه يعني مابيج شي خلي الادويه لانه كثرته صدكي تضر هوايه لانه مهما ان كان هيه مواد كيمياويه وياربي يرزق كل محرومه

[Lo0oLo]

الله يسهل امرج ويفرجها علج ويرزقج بالذريه الصالحه يارب

[البياتية]

مشكورات حبيباتي علة ردودكم ودعواتكم الله لايحرمني منكم واوكفلكم بالافراح يارب ومتشوف وحدة بيكم الي شفتة

[عيون حلوه]

لاحول ولاقوة الابالله
الله يباوع على حالج ربج رحيم وميعوف عبادة بضيق ابد

[مروشه]

حبي الله كريم
الله هو أرحم الراحمين
الله يفرحج ان شاءالله ويرزقج الذريه الصالحه بحق محمد وال بيت محمد

[أنــتـــــےـ عمـــــےـري]

الله يسهل عليج عمري ويرزقج بالذريه الصالحه عاجلا غير اجل

[البياتية]

الحمدلله الي عوضني باخوات حنونات مثلكم مشكورات غالياتي ظلت يم الله هو ارحم

[ريان]

الله يرزقج بالذرية الصالحة ويريح بالج امين

[البياتية]

مشكورة غاليتي ريان علة دعواتج الحلوة

[جمان]

الله يساعدك عزيزتي ان شاء الله تحصلين ع الاجابة وربي يرزقج بالذرية الصالحة لتكطعين امل ع ساعة تفرج اهم شي الحاله النفسية لتفكرين هواية وذبيهة ع الله
دمتي بخير

[الورده الماويه]

حبيبتي اشالله ربي ارزقج بذريه****علفكره انه مثلج عندي تكيس وماكواي حل:ghghty::ghghty::ghghty: