دكتوره اريد مساعدتج بخصوص ابني

[مروشه]

سلام عليكم ورحمة الله وبركاته
شلونج دكتوره
عندي سؤال بخصوص ابني عمره 3سنوات بالضبط صارعنده فجأة بالليل تقئ هوايه يعمي شنو انطي يرجعه حتى المي وصارت عنده سخونه انطيته شراب بنادول للاطفال ونزلت حرارته بس ظل للصبح يتقئ وديته للمستشفى كالوا التهاب باللوزتين وانطوني شراب كفلكس بس من انطي يرجعه رحت للدكتوره مره ثانيه كتبتلي ابر انتيبايتك اسمهاsefotaxباليوم ابره كامله 3ايام ضربته منها 2 وبعده يصخن ليش دكتوره شنو السبب وحتى كام مياكل وخامل بس ينام واليوم انتبهت عليه شفته صارت زركه ساعه وراحت بس نفسه طبيعي واصابيعه مصارت زركه كلش خوفني شنو السبب اتمنى الرد السريع وطولت عليج هوايه
مشكوره دكتوره

[مروشه]

العفو دكتوره نسيت اكتب انو صار عنده اسهال بس مو هوايه مرتين ال 3باليوم بس كلش اسهال تكرمين ومن ترتفع حرارته كمت انطي تحاميل خافض حراره

[لافندر]

حبيبي الله يحفظه ويعافي عاد كون متتاخر الدكتوره

[د.فراشة الليل]

حبيبتي مروه
عادي التهاب اللوزتين يخلي يتقيأ
وجان المفروض تنطي ابره مال تقيؤ اسمها بلاسيل
وابر الالتهابات هذي كلش زينه استمري عليها
والحراره متنزل الا يخف الالتهاب...وحاليا اكو بالصيدليات لزقات كخافض حراره احسن من التحاميل
لان هي تسوي عنده اسهال مرات..وانطي سوائل دافيه
وشراب تولين دي كلش زين
وان شاء الله ماعنده غير العافيه

[مروشه]

مشكوره دكتوره والله ينطيج العافيه اني انطيته أبره مال تقيأb6وكف التقيأ بس اليوم الحمدلله احسن شوه ماكو سخونه الف الحمدلله والشكر بس شويه احسه خامل مثل اللي مابي حيل يتحرك.دكتوره شنو هذا شراب تولين دي مال شنو واشكرج مره ثانيه عمري

[مروشه]

حبيبتي لافندر مشكوره على الدعوه الحلوه ويارب يحفظلج اطفالج عمري

[د.فراشة الليل]

هذا حبيبتي شراب للانفلونزا
والاحتقان اللي يصير بالبلاعيم
وعادي الخمول بس تخف الانفلونزا يرجع طبيعي

[مروشه]

اشكرج مرة ثانيه دكتوره مقصرتي والله ينطيج الصحه والعافيه