سؤال للدكتورة الغالية

[ضوء النجوم]

مرحبا دكتورة شلونك

عندي سؤال عن حبوب منع الحمل اني اللي اعرفة بس يستخدم الحبوب خامس يوم الدورة
بس ماعندي معرفة باستخدامة كلش يعني اذا يستخدم من خامس يوم الدورة الى اول يوم الدورة الثانية او يستخدم لمدة 21 يوم ويكطع يعني قبل نزول الدورة الثانية وهل هو حبوب منظم للدورة الشهرية عندما يستخدم لمدة 3 اشهر متواصلة يعني اقصد نفس الحبوب هي مانعة للحمل وهي منظمة للدورة الشهرية

اتمنى تفيدني يادكتورة بهالشي
مع تحياتي

[د.فراشة الليل]

حبيبتي ام حمودي
حبوب منع الحمل تستخدم من خامس يوم من الدوره ولمدة 21 يوم
واكو نوع يحتوي مقوي لمدة 7 أيام اخرى .يعني تصير 28 حبه
بس المهم هي ال 21 حبه .بعد ان تنتهي تنزل لدوره بكم يوم ,ووهي تعتبر منظمه للدوره
لكن مو كل نوع منظم هو مانع للحمل
يعني صحيح حبوب المانع تنظم الدوره ,,لكن اكو نوع منظم للدوره بس مو مانع ,,افتهمتي قصدي؟؟
اتمنى اكون فدتج واي استفسار او توضيح اني موجوده

[ضوء النجوم]

مشكورة دكتورة تعبتج وياية اعذريني

انا عندما راجعت دكتورة اخصائية كتبت لي اسم المانع yasmin وكالت لي هذه هي مانعة للحمل وهي تضبط الدورة بنفس الوقت وكالت استخدميها لمدة 3 اشهر متواصلة حتى تنضبط الدورة كلش واستخدامها من 5 يوم بالدورة يعني استخدمها لمدة 21 يوم واكطعها حتى لو مانازلة الدورة لو اكطعها لمن تنزل الدورة القادمة

[د.فراشة الليل]

لا حبيبتي ام حمودي
تستخدمين الحب من 5 يوم الدوره
وتكملين 21 حبه وخلص متشترين شريط ثاني
وتنتظرين الدوره تنزل
وتبدين بشريط ثاني من 5 يوم وهكذا...

[ضوء النجوم]

اشكرج دكتورة تعبتج وياية
تحياتي لكي

[ام ساره]

خوش معلومات مشكورة