امهات اليوم ام امس ؟؟؟

[لوبي]

أمهات اليوم أم أمس ؟؟؟



السلام عليكم ورحمة الله وبركاته......




الأم هي الحب والحنان والعطاء والتضحية....


الأم غذاء وعلم وتواصل....



من وجهة نظرك الشخصية.....



اي الامهات انجح في توفير المناخ المناسب لنمو الطفل العاطفي والعقلي والنفسي....؟



هل هم امهاتنا (امهات الامس)؟؟؟؟؟


أم الأم الحديثة المتعلمة والعاملة؟؟



هل كانوا امهاتنا يربون عقولنا بالالعاب ويركزون على نفسياتنا


ام نحن الأمهات المتعلمات والعاملات هل لدينا وقت لاطفالنا.....



لكل جيل ايجابياته وسلبياته... قد طرحت بعض جوانبه...


فما رأيكم؟؟؟؟ اي من الجيلين افضل في تربية الابناء ... وذلك دون الابخاس من حق الجيل الاخر...


وكما اشير ايضا اننا لا نعمم... فما قد يقال عن البعض لا يقال عن الاخر...


ما رأيكم؟؟؟؟؟؟؟؟



أم اليوم أو أم الأمس؟؟؟؟؟




............


شنو رأيكم ؟؟؟؟

[لولــــه]

فعلا موضوع حلو قابل للنقاش
اني راي ان كل وقت و كل جيل له ايجابيات و سلبيات

بس بصوره عامه اني اشوف امهاتنا لهم صبر و قابلية تحمل اكثر من عدنا
ما هو السبب لا اعرف احتمال ضغوط العصر الحالي و الحياة الصاخبه التي نعيشها
فوقتهم كانت الحياة هادئه

مشكوره حبي لوبي على الموضوع الحلو

[لوبي]

اي والله ياام هاله فعلا امهاتنا كانو جديرات اكثر بتربيتنا وطلعو جيل ناضج مو مثل امهات هل الوكت ههههههههههههههههه حشى الزينين طبعا لو خليت قلبت بس انت تعرفين هذا العصر وهل الجيل الصاعد مايحتاج له تربيه هو مربي روحه من بطن امه على مزاجه وكيفه هههههههههههههههه

[ايمان الاسلام]

والله امهات اول احسن من امهات الحين

[ام علاوي الوكح]

هلو عيني لوبيوالله خليتي ايدج على الجرح
اني طالعة روحي من هذا الموضوع
اني ام ل ثلاث اطفال ابني الجبير سنتين والتوام 7 اشهر
مكضية يومي بس اصيح واصرخ وانعل حضي على شنو ما ادري
ابدا ما تحمل منيبجون
لعد امي شلون بعمري جان عدها 7 اطفال وقهر ابوية والبيت والخطار
وابد ما شفتها فد يوم صيحت علينا
دائما اسال نفسي ليش اني هيج معقولة ما احبهم
لا والله اموت عليهم
بس مدري شبينا احنا امهات هل وقت
طبعا مو الكل
دوختكم
بس والله الموضوع كلش حلو
متابعتكم
خلي نسمع ارائكم
اختكم ام علاوي الوكح

[ورد الجوري]

بصراحة برايي امهات قبل احسن
اني طول الوكت افكر اوكل ابني زين والعبه زين وافهمه زين وتالي احس نفسي مقصرة ومرات تجيين اوقات اريد ابجي
لان مااعرف شسويلة اذا يبجي او يصير على طلبه (يعاند)او ماادري احس الوكت تعبنه او احنا مو صبورييين مثل اهلنة ماادري اكو خلل وين مااعرف

مرات اكول راح العب ويا واشتغل وانسى ويضيع الوكت مرات اكعد ع النت فد نص ساعة وهو يتنحس وماللحك العب ويا

مااعرف اسح امهاتنا فعلا امهات عظيمات

[لوبي]

http://foryou1345.jeeran.com/f10نسخ.jpg

[ام ماهر]

والله موضوع رائع عاشت ايدج لوبي

الام هي الام مهما تغير الزمان والمكان ولا نستطيع ان نقول ان امهات قبل احسن من هالوقت

كل جيل يختلف يعني اقصد امهات قبل مو كلهم زينات وامهات هالوقت مو كلهم مو زينات

كل جيل بيه الزين والمو زين حشاكم

[DaNdOnA]

والله الموضوع كلش حلو عاشت ايدج كبدي لوبي

واني اشوف انه صح الام قبل مجان عدها شي يلهيها عن اطفالها

بس هسه اكو شي يلهي الام عن اطفالها


بس هذا ميعني انه هية راح تقصر بتربية اطفالها لان اكو امهات ميديرون بال لاولادهم واني شايفة هذا

النوع من الامهات

واكو بالعكس اكو اشياء هواية بحياتهم تلهيهم عن اطفالهم بس عدهم بالدرجة الاولى تربية اطفالهم

وعينهم عليهم وين ما كانوا


مشورة عمري لولو ما قصرتي