المساعد الشخصي الرقمي

مشاهدة النسخة كاملة : استفسار

ضوء النجوم
25-10-2010, 09:17 PM
مرحبا دكتورتنة العزيزة
عندي سؤال واتمنى الاجابة علية بسرعة
اختي حامل وعليها شهرين وتقول فجأة بالليل نزل عليها دم مثل دم الدورة الشهرية ووراجعت طبيبة وكتبتلها حبوب مع ابرة بس صارلها 3 ايام وماانكطع بس خف ممكن اعرف شنو السبب وهل خطورة على الطفل ولا لا وهل تاخذ سونار لتتاكد من صحة الجنين

مع تحياتي
د.فراشة الليل
26-10-2010, 10:14 AM
السلام عليكم
حبيبتي اكيد هذي الحاله خطره(نسميها اسقاط مهدد)
والسونار كلش ضروري حتلى تتأكد من وجود نبض الجنين والاطمئنان على وضعه.
الطبيبه انطتها مثبتات للحمل..بس السونار ضروري.
ممكن يكون تقدم بالجاره مبكر ..او الجنين لاسمح الله ضعيف وممكن الحمل ميستمر.
ما أريد أخوفج ..بس الحاله تستوجب التأكد..وطمنيني على وضعها حبيبتي
ضوء النجوم
26-10-2010, 08:26 PM
مشكورة دكتورتنة العزيزة هي ان شاء الله باجر تاخذ سونار وتتاكد وان شاء الله اطمنج
تحياتي
ضوء النجوم
27-10-2010, 01:27 PM
مرحبا دكتورة
اختي اخذت سونار وكالت الهة الدكتورة اقل من شهرين توج طابة بالشهر الثاني وتكول الجنين مابي ااي نبض يعني بهالفترة يبين نبض الجنين لو بعد مع العلم بعد النزف مستمر عليها
د.فراشة الليل
28-10-2010, 04:06 PM
حبيبتي النبض يبين في الاسبوع الثامن والتاسع من الحمل
فلاسمح الله اذا كملت الشهر الثاني وماكو نبض معناته اسقاط
فحبي خلي تبقى عالابر المثبت والحبوب اذا كانت اكيد اقل من شهرين
بس لازم تفحصها طبيبه نسائيه مادام النزف مستمر ولاتتهاونون بالموضوع
مع خالص حبي,,وتمنياتي بالشفاء
ضوء النجوم
28-10-2010, 06:28 PM
اشكرج دكتورتنة تعبتج وياية وان شاء الله هي اسبوع القادم راح تاخذ سونار ثاني لمعرفة نبض الجنين والله كريم