انا والضغط والنونو محتاجة مساعدة

[غادة الكاميليا]

السلام عليكم

دكتورة فراشة الليل المحترمة

قبل فترة تقريبا اسبوعين بديت احس بدوخة وبعد موعدي وية دكتورتي كالت ضغطج الواطئ صاعد (9) وهذا مو زين

كالت راقبي الضغط وارتاحي واعملي حمية وابتعدي عن الملح

اني سويت مثل ماكالت وبقى الضغط على حاله

وبعد اسبوع قسته طلع العالي 13 والواطئ 10 طبعا دكتورتي اتخبلت كالت موزين ابدا وصفتلي حبوب لمعالجة ارتفاع الضغط الشرياني حبتين باليوم وحولتني على دكتور قلبية مختص


ماحصلت موعد عند دكتور القلبية وبعدها بيومين رحت قست ضغطي طلع 11 على 8 يعني نزل شوية وارتاحيت

اتصلت بالدكتورة كالت لاء بعدج بالخطر وضروري تروحين لدكتور القلبية واستمري بالعلاج


السؤال هنا هل حبوب الضغط تأثر على الجنين؟؟؟؟

واشكد الضغط المناسب يعني اشكد يطلع واكول اني هسة بالسليم؟؟؟

[د.فراشة الليل]

حبيبتي غدوش سلامتج وماعندج غير العافيه
طبعا ارتفاع الضغط مع الحمل خطير جدا..انتبهي على نفسج حبي
بالنسبه لحبوب الضغط (الدوميت)مابيها اي مضاعفات ومتأثر عالجنين ولازم تستمرين عليها وتتبهرزين بالاكل..وراح يستجيب ضغطج
ولازم تسوين تحليل الالبومين بالادرار
اذا ماكو البومين بالادرار والضغط بده ينزل لاتخافين بس استمري عالعلاج وتقليل الدهن والملح بالاكل..وحتى اللحوم الحمراء اتركيها
واذا ضغطج استقر بحيث العالي لازم اقل من 14 والواطئ اقل من 9
فهذا اوكي
وديري بالج على حركة الطفل وراقبيها دائما
وسلامتج الف سلامه

[مكارم]

ربي يتمملك بخي غدوشه ديري بالج على نفسك والنونو
والحمد لله دكتورتنا ماقصرت اتبعي تعليماتها وان شاء الله بالسليم

[غادة الكاميليا]

تسلمين دكتورة

البارحة رحت لدكتور اختصاص وكال نفس كلامج ووصفلي حبوب اسمها لوتينول حبة وحدة بعد الفطور

وكال استمري على حبوب الدكتورة وامتنعي عن الملح تماما وسوي دايت واتركي الخبز واشربي لتر حليب كل يوم

ووصفلي تحليل بعد 10 ايام ومعاينة بعد 12 يوم

والله كريم




خالتو الغالية تسلمين ربي يحفظج من كل شر لاتنسيني من دعواتج دائما

[بديل القمر]

بسم الله عليج يالغاليه
ماتشوفين شر ياربي والله راح تخلين قلبنل عليج
حبيبه غدوش
استمري على التعليمات
ولاتخافين هنوب اخاف الخوف يرفع الضغط خليج غدوش الي نعرفهااااا ام ززززززززززززززززززززززززززززززززززززززززززز

وربي يتمملج على خير وسلامه

[جويل]

الله يسهل عليج
والله اني هم صار عندي ارتفاع ضغط من كنت حامل واخر فتره الحمل تركت الملح ومره رحت للدكتوره شافت ضغطي صاعد نيمتي نهار كامل بالمستشفى لحد مستقرت حالتي وكالت اذا ابقه اسويلج عمليه وانطلع الطفل لان خطر عليه بس حمد لله استقر وراها اتبهرزت قللت ملح اشرب مي هوايه علمود يصير ادرار بس منطوني اي حبوب وراها جبت عادي والحمد لله والشكر لتخافين هوايه يصير عدهم ارتفاع ضغط بالحمل
ان شاء الله اجيبين بالسلامه واصير سوالف

[أنــتـــــےـ عمـــــےـري]

الله يتمم عليج بالخير والسلامه حبيبتي

[غادة الكاميليا]

اقتباس:
المشاركة الأصلية كتبت بواسطة بديل القمر http://www.iraqiyat.net/vb/style-3shery/images/buttons/viewpost.gif (http://www.iraqiyat.net/vb/showthread.php?p=686883#post686883)
بسم الله عليج يالغاليه
ماتشوفين شر ياربي والله راح تخلين قلبنل عليج
حبيبه غدوش
استمري على التعليمات
ولاتخافين هنوب اخاف الخوف يرفع الضغط خليج غدوش الي نعرفهااااا ام ززززززززززززززززززززززززززززززززززززززززززز

وربي يتمملج على خير وسلامه










تسلمين قلبي بدولة
يمكن هو الخوف هم سوة عمايلة وارتفع الضغط:148:
الله كريم

[غادة الكاميليا]

اقتباس:
المشاركة الأصلية كتبت بواسطة جويل http://www.iraqiyat.net/vb/style-3shery/images/buttons/viewpost.gif (http://www.iraqiyat.net/vb/showthread.php?p=694435#post694435)
الله يسهل عليج
والله اني هم صار عندي ارتفاع ضغط من كنت حامل واخر فتره الحمل تركت الملح ومره رحت للدكتوره شافت ضغطي صاعد نيمتي نهار كامل بالمستشفى لحد مستقرت حالتي وكالت اذا ابقه اسويلج عمليه وانطلع الطفل لان خطر عليه بس حمد لله استقر وراها اتبهرزت قللت ملح اشرب مي هوايه علمود يصير ادرار بس منطوني اي حبوب وراها جبت عادي والحمد لله والشكر لتخافين هوايه يصير عدهم ارتفاع ضغط بالحمل
ان شاء الله اجيبين بالسلامه واصير سوالف








تسلمين جويل
واني هم تركت الملح نهائي وشوية نزل الضغط
بس المهم يستقر حتى اطمئن
وعلى الله يكون ضغط حمل ويروح بعد الولادة
تسلمين قلبي الله يحفظج من كل شر.

[غادة الكاميليا]

اقتباس:
المشاركة الأصلية كتبت بواسطة أنــتـــــﮯـ عمـــــﮯـري http://www.iraqiyat.net/vb/style-3shery/images/buttons/viewpost.gif (http://www.iraqiyat.net/vb/showthread.php?p=694451#post694451)
الله يتمم عليج بالخير والسلامه حبيبتي






علية وعليج وعلى كل الحوامل قلبي ام رغيد:006: