الاهتمام بالشعر

[ام ياسر]

نبتدي برنامج لكي سيدتي

حلقت اليوم العناية بالشعر
لانه المثل يكول الشعر تاج راسج

عزيزتي, عانستي,سيدتي , زميلتي, بت شعبتي , بنت كليتي ,بت خالة امي , بت عمتي , بت عمة ام مرت خالهه لجيراننه ...اهلا بيج

الشعر: هو تاج راسج , المفروض تداريه و تهتمين بيه , و هو رمز جمالج , و هو املج , و مستقبلج , و حلم حياتج , و ,.. و ...و وووو...المهم
حتى تكدرين تتعاملين وية شعرج بشكل صحيح ...اكو طريقتين:

1-الطريقة الصعبة:
ا-استعمال الشامبو الصحيح :يعني اهتمي بنوعية الشامبو اللي تستعمليه كون فد شي غالي ..ابو الخمس تالاف و فوك ..لان اذا اقل يعني شعرج قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات توكع من راسج على فجأة ...

ب-الحمام الزيتي: حتى تغذيه, لو بس بيج خير تغذين روحج؟؟؟ ..هذا تاج راسج اذا راح منين تجيبين تاج راس بعد؟!!؟؟

ج-المي الزين:ترة مينه تلف..من هسة اكللجياهه ..اشتري بطالة فرات و غسلي شعرج بيهه ..فدوة الفلوس الج و لجمالج عيني ..واحد جم مرة يعيش..و شكو بيهه اذا شربو الجهال من الحنفية و تمرضوا..الاعمار بيد الله

د-المشط: رحمة لوالديج شعرج كاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الجهال متعبيج و كهرباء ماكو و ابو الجهال يريد عشه..بس مشطي شعرج لخاطر الله ..مشطي شعرج خللي تصير بيج شوفة

ه-القراصة و الطاك: اهم شي ..الفركيتات و القراصة ام الوردة و ام الريشة ..و الطاك اللي هلكبره ..اللللللللللللله عبالك معركة براسج

2-الطريقة السهلة:
اولا:عوفي شعرج براحته . .ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس و فرقة ميتاليكا الطاكة ..و من يسألوج كولي :مودة ..و موتي من الحر وية طفية الكهرباء ..

ثانيا: او....شيلي شعرج كله..زينيه صفر مثل العسكرية ايام ؟؟؟ ...خلصي منه و من ضيمه ..و خللي راسج يشم هوة و يشوف دنيه ..و من يسالوج كولي:
كرعة و اخبل شحال لو عندي شعر

:dgdgs:

[kada1984]

ههههههههههههههههههههههههههههههههه
شكرا على النصائح

[غادة الكاميليا]

نصيحة حلوووووووووووووووة ههههههههههههههههه
http://www.arabsys.net/pic/bsm/96.gif

[هناء الرضا]

النكته اضحكتني والنصيحه اهوااااااااااي مفيده الله يعطيك العافيه

[دلوعه حبيبي]

ههههههههههههههههههههههه
يسلموووووووووووو

[um. nooran]

هههههههههههههههه
ههههه

[صدق الوفا]

موضوعك مفيد وكلامك عسل عسل عسل مشكوره ياعمري:8977856:

[زهرات النرجس]

هههههههههههههههههههههههه

حلوة عجبتني الطريقة السهلة مال ازينة صفر ههههههه