المساعد الشخصي الرقمي

مشاهدة النسخة كاملة : دردشة خياطات عراقيات


الصفحات : [1] 2 3 4 5

‏وردة حبيبي
04-10-2010, 11:53 PM
السلام عليكم

لكثر هاويات الخياطه في القسم ولتشجيع اكثرحبيت افتح دردشه خاصه كل مايحب فن الخياطه وايضا من يرغب بتعليم الخياطه لنتكلم عن تجاربنا اليوميه عن الخياطه وعن نجاحات وفشل الخياطه التي قمنا بمارساتها وعن احتياجات الخياطه وقصص عن يوم مميز في حياتك وعن كل شئ لايحتاج اشرح اكثر لان الموضوع مبين من عنوانه ويسعدني التفاعل بالموضوع

‏وردة حبيبي
05-10-2010, 06:33 PM
تغريد بمناسبه افتتاح الدردشه اريد هديه منج صوريلي الملقط مال المكينه اوفر

مكارم
05-10-2010, 07:04 PM
موضوع حلو خياطتنا الغاليه
يارب الحلوات يفيدهم بجهود الطيبات

ـأأمـ ثومهـ
05-10-2010, 09:42 PM
يسلموووووووووووووووووووووو ع الفكره الحلوه

وان شاءالله اكون من المشاركات به

:heart(2):

تغريد البلابل
06-10-2010, 12:06 PM
الف الف مليون مبروك
اتدللي حبي وردتنا ان شاء الله اصور الملقط اي شي اتدللي
والي عده موديلات مال فستان قماشه ايكون فانيله مشجر يمكن اصوره الكم اريد افكار حلوة
اريد مال كعده نسوان مو مال حجاب واني البسه ثلوخات (على كوله مثموث)

‏وردة حبيبي
06-10-2010, 03:02 PM
شكرا حبيبتي تغريد وانشالله احنه موجودات ونكولج على افكار يجوز اتفيدج

خاله مكارم وام ثومه منورات الدردشه واكيد بوجودكم تحله

تغريد البلابل
06-10-2010, 06:02 PM
ان شاء الله ورداية حبي
اليوم نزلت درس خياطة فستان لطفلة بالابيض والاسود
بس مع الاسف نقصت وحده من الصور
انطوني رئيكم بيه حبايب


http://iraqiyat.net/vb/showthread.php?p=670643#post670643

‏وردة حبيبي
07-10-2010, 01:55 AM
شفته الفستان يخبل عاشت ايدج ومنتظرهه اتنزلين القميص الوردي مال المدرسه يعجبني اشوفه

تغريد البلابل
07-10-2010, 10:31 AM
اشكرك ورداية حبي على كلامج
هو كامل بس تدرين لان اسوي بيه كتابة وتوضيح اتاخر بترتيبه حتى الصور اتصير اقل واشرحه بنفس الوقت على الصورة وهسة عندي اكثر من سبع شغلات ماختله صور بس اريد ارتبه مثل بقية الدروس وماناسيه الملقط مال مكينة الاوفر

تغريد البلابل
09-10-2010, 01:58 PM
هذه الملقط مال الماكينة الاوفر ورداية
شوفي ايكون طويل ومعكوف لسهولة اللضم

http://www.iraqiyatup.co.cc/uploads/images/iraqiyat-2c77c354c7.jpg (http://www.iraqiyatup.co.cc/uploads/images/iraqiyat-2c77c354c7.jpg)

تغريد البلابل
09-10-2010, 02:00 PM
هذه قطعة القماش الي كتلكم عليه هي بنفسجي غامق بس طلعت زرقاء

http://www.iraqiyatup.co.cc/uploads/images/iraqiyat-2a3c69ba9b.jpg (http://www.iraqiyatup.co.cc/uploads/images/iraqiyat-2a3c69ba9b.jpg)

وهاي فتحته علمود اتبين التشجيره

http://www.iraqiyatup.co.cc/uploads/images/iraqiyat-0fee7b3184.jpg (http://www.iraqiyatup.co.cc/uploads/images/iraqiyat-0fee7b3184.jpg)

اتمنى ان تعطوني كم فكرة

مكارم
09-10-2010, 02:36 PM
ماشاء الله غرود
شغلك مايعلى عليه
الف عافيه على البنوتات
بس هاي القطعه شكد طولها وعرضها حتى نسهل الامر بالافكار

زوزه
11-10-2010, 01:14 AM
اي والله وردايه حلو الموضوع وحتى نتعلم الخياطه والفصال

تغريد البلابل
11-10-2010, 12:14 PM
اقتباس:
المشاركة الأصلية كتبت بواسطة مكارم http://iraqiyat.net/vb/style-3shery/images/buttons/viewpost.gif (http://iraqiyat.net/vb/showthread.php?p=673509#post673509)
ماشاء الله غرود
شغلك مايعلى عليه
الف عافيه على البنوتات
بس هاي القطعه شكد طولها وعرضها حتى نسهل الامر بالافكار



الله يخليج خالة وميحرمنه من كلامك الحلو:heart(6):
خالة اريده فستان قصير ونص كم لو ربع بس او بلا هم اقبل ههههه
اني ردت اسويه لف للخصر وينزل عدل بس صار عندي كومه من هذه الفصال ردت اغير اشويه:101:

تغريد البلابل
16-10-2010, 07:19 PM
اشو ماكو سوالف وينكم ولاوحده جابتلي فكرة
ورداية هم ماكو مدري ليش ان شاء الله خير

ـأأمـ ثومهـ
16-10-2010, 09:26 PM
والله أني عندي افكار بس كلها ع قماش ساده

وهالفترة خربان واهسي بالخياط صار اسبوعين ماشايفه المكينه مرات احبها ومااعوفها ومرات اكرهاا

:999:

تغريد البلابل
16-10-2010, 10:11 PM
هلة بام ثومة
عادي حبي واذا ساده اكدر اسويه يعني
والله اني هم مرات يخرب واهسي حتى الكفه ماعندي واهس هههههههههه

ـأأمـ ثومهـ
16-10-2010, 10:22 PM
زين انتي طويله قصيره سمينه لا او الصدر جبير لا

لانه اتعرفين كل جسم الا فكره وتصميم ايناسبه

‏وردة حبيبي
18-10-2010, 06:45 PM
السلام عليكم شلونكم بنات والله مشتاقتلكم هوايه واني لان زوجي مسافر مره اجي بيت اهلي ومره بيت اختي وصارلي كومه عايفه الخياطه اتمنى ارجع البيتنا حتى اخيط بس مع الاسف اعتقد بعد ماكو استقرار شويه امور اللجوء متدهوره بهولندا مااعرف شلون ادعولي بنات

رنوة
18-10-2010, 07:06 PM
مشكورة وردة عالموضوع والفكرة التخبل
بس حبيت اسال الاخوات الي عدهم خبرة بماكينة الخياطة هاي جيرانة خياطة تريد تبيع مكينتهة ورحت شفتهة نوعهة البولونية بيهة زكزاك وتشتغل مابيهة شي والميز مالتهة كلش حلو تريدهة ب100 الف شتكولون سعرهة مناسب لو غالية

لافندر
18-10-2010, 07:12 PM
شدعوه قابل بيهه اتوماتيكتطريز ولو اني موخبره بس تعالي شوفي المكاين هنا ما ادري نزلت للعراق منهه لو لا او تمتتيك بس تخلين شكل الورده او بطه وتخلين الالوان حسب الرقام وطرز وحدهه وانت صافنه وتخبل
بس يجوز هاي الاسعار بل العراق اخذي اوتماتيك لتاخذين مستعمل دوري ما معقول العراق مابي هشكل
تحياتي يعمري

لافندر
18-10-2010, 07:14 PM
اني اريد فكره قميص حلو ياتغريد بس شنو اريدهه عدل وسهل يعني مو صعب مال حجاب اني بس اريد القياسات خاف اخربط بيهه ما اعرف شون اخذ قياس وشكد ازود علي حته ميخرب الخياط واذا ضبطتهه وتعلمت منج يابهه اله شسويلج ادزلج فيزه الامريكا هههه اذا كدرت تحياتي حبحب

‏وردة حبيبي
18-10-2010, 08:57 PM
هلو لافندر منوره طبعا المكينه ادكولين عليه اتمنى عندي مثله بس اهنا ماشفت منه كلش عاجبتني واريد اسالج انتي اتخيطيين على الباترون لو بدون باترون اذا على الباترون اكدر اعلمج شلون تاخذيين القياسات

‏وردة حبيبي
18-10-2010, 08:58 PM
رنوه حبيبتي اذا اتكدرين اصوريين المكينه وتنزليه هنا حتى البنات الي بالعراق يعرفون تسوهه لو لا

تغريد البلابل
18-10-2010, 10:00 PM
اقتباس:
المشاركة الأصلية كتبت بواسطة أم ثومه http://iraqiyat.net/vb/style-3shery/images/buttons/viewpost.gif (http://iraqiyat.net/vb/showthread.php?p=680444#post680444)
زين انتي طويله قصيره سمينه لا او الصدر جبير لا

لانه اتعرفين كل جسم الا فكره وتصميم ايناسبه




هههههههههههه مدري ليش ضحكت بس عادي حبي لاطويلة وقصيرة لاسمينة ولاضعيفة وصدري لاجبير ولاصغير
عرفتيني مو ؟
صرت حزورة

تغريد البلابل
18-10-2010, 10:08 PM
اقتباس:
المشاركة الأصلية كتبت بواسطة ‏وردة حبيبي http://iraqiyat.net/vb/style-3shery/images/buttons/viewpost.gif (http://iraqiyat.net/vb/showthread.php?p=682140#post682140)
السلام عليكم شلونكم بنات والله مشتاقتلكم هوايه واني لان زوجي مسافر مره اجي بيت اهلي ومره بيت اختي وصارلي كومه عايفه الخياطه اتمنى ارجع البيتنا حتى اخيط بس مع الاسف اعتقد بعد ماكو استقرار شويه امور اللجوء متدهوره بهولندا مااعرف شلون ادعولي بنات


ياعيني ورداية والله مكانك خالي
الله يسهل امورك حبيتي

اقتباس:
المشاركة الأصلية كتبت بواسطة رنوة http://iraqiyat.net/vb/style-3shery/images/buttons/viewpost.gif (http://iraqiyat.net/vb/showthread.php?p=682152#post682152)
مشكورة وردة عالموضوع والفكرة التخبل
بس حبيت اسال الاخوات الي عدهم خبرة بماكينة الخياطة هاي جيرانة خياطة تريد تبيع مكينتهة ورحت شفتهة نوعهة البولونية بيهة زكزاك وتشتغل مابيهة شي والميز مالتهة كلش حلو تريدهة ب100 الف شتكولون سعرهة مناسب لو غالية



هلو عزيزتي ماسامعة اني بالبولونيه بالعراق نعرف البراذر وهاي الاصلية بس القديمة بالنسبة للسعر اذا متاكدة اصليه اني اشوف زين لان اهنا بسوريا الصيني الجديد ب8000 ليرة يعني 180 دولار وانتي حسبي بالعراقي صحيح جديدة بس صيني وانتي بعد بكيفك

اقتباس:
المشاركة الأصلية كتبت بواسطة لافندر http://iraqiyat.net/vb/style-3shery/images/buttons/viewpost.gif (http://iraqiyat.net/vb/showthread.php?p=682160#post682160)
اني اريد فكره قميص حلو ياتغريد بس شنو اريدهه عدل وسهل يعني مو صعب مال حجاب اني بس اريد القياسات خاف اخربط بيهه ما اعرف شون اخذ قياس وشكد ازود علي حته ميخرب الخياط واذا ضبطتهه وتعلمت منج يابهه اله شسويلج ادزلج فيزه الامريكا هههه اذا كدرت تحياتي حبحب


هههههههههههه يا جنك على باترون اتدللي ولعيونيك راح انزل اشلون تاخذين القياسات على جسمك بالصور واذا مدزيتيلي فيزة عااااااااااااااااااااا اخرب القياسات مالتج هههههههههههه

رنوة
18-10-2010, 11:56 PM
مشكورة حبيبتي غرودة على ردج تسلمين عمري

دودي دودي
31-10-2010, 07:22 PM
عزيزتتي الماكينة البولوني خوش ماكينة بس اهم شي نظيفة وما داخلة تصليح وهاذا سعرها تقريبا

بس حاولي اتحصليها باقل ثمن اني عندي مثلها خوش ماكينة

ان شاء الله كدرت افيدج بمعلوماتي

تغريد البلابل
05-11-2010, 10:35 PM
هلو بنات اشلونكم ماكو فعاليات خياطات شي
اني ملتهية بتعزيل البيت والفرش وطلعنه الملابس الشتوية وكومة اقمشة عندي شتوية الي وللبنات
ان شاء الله من اخيطه انزله الكم

‏وردة حبيبي
06-11-2010, 05:36 PM
اي تغريد منتظرين خياطتج وطبعا مع طريقة العمل والله اتمنى اني هم انزللكم بس انشالله عن قريب من استقر وارجع البيتي

ـأأمـ ثومهـ
07-11-2010, 10:05 PM
هلووووووووووووووو اشلونكم اني اليوم بديت اخيط وطبعا حيل مالي واهس بس شسوي العيد اقترب

وهاي القماش نيلي فانيله

http://www.9o9i.com/upfiles/WW755700.jpg (http://www.9o9i.com/)

وهاي النقشه طبعا كصيتها من عبايه داذبهاا وكلت حرمات خلي اكصها احطها بغير شي واجه وكتها

http://www.9o9i.com/upfiles/BcI55700.jpg (http://www.9o9i.com/)

ان شاءالله باجر ابدي اخيطه واشوفه الكم

:ev:

تغريد البلابل
08-11-2010, 12:08 AM
ان شاء الله ورداية ترجعين بالسلامة
بالف عافية ام ثومة
انشاء الله تخيطيه وتلبسي بالف عافية

Lo0oLo
10-11-2010, 10:39 PM
سلام عليكم

ممكن تقبلوني خياطه مبتدئه ههههه

تغريد البلابل
10-11-2010, 10:56 PM
هلوووووو بنات
راح انزل اهنا كم صورة لموديلات ملابس لخاطر عيون زوجة الغالي لان طلبت مني هاي الشغلات
وراح تجي تختار واحد منه حتى ارسمه اله الباترون واعلمه اشلون اتسويه

من رئي هذه الموديلات اسهل شي للخياط وامطلع اللحومات مال الكدام بس الضهر يطلع احلى

ممكن ايصير قطعة وحده وممكن قطعتين



هذه الصورة من الامام

http://up.foraten.net/uploads/f4669e705e.jpg (http://www.foraten.net/)

وهاي من الجانب

http://up.foraten.net/uploads/85a8214f48.jpg (http://www.foraten.net/)

وهاي نفس الفكرة بس اشويه تغيرات


http://up.foraten.net/uploads/18c3425c19.jpg (http://www.foraten.net/)


http://up.foraten.net/uploads/1d79418b22.jpg (http://www.foraten.net/)


واذا قطعتين ممكن الفوك ايصير مثل هاي


http://up.foraten.net/uploads/58735c5a8a.jpg (http://www.foraten.net/)


والجوه تكدرين اتسوي مثل هاي الصورة

http://up.foraten.net/uploads/07308f866b.jpg (http://www.foraten.net/)


واريد بس اتكليلي القماش بي مطاطية يعني ينطي من تلبسي لو عادي لان الفصال يختلف
واتدللي عيوني اختاري وانطيني خبر
واذا معجبك ولا واحد انتي جيبيلي اي صورة تعجبك واسويلياج واهنا بالمنتدى كومه اكو صور لاهاي الشغلات
واتدللللللللللللللللللللي

تغريد البلابل
10-11-2010, 10:59 PM
ميت هلة بام حسوني عيوني نوررررررتي

ـأأمـ ثومهـ
10-11-2010, 11:07 PM
http://up.foraten.net/uploads/f4669e705e.jpg (http://www.foraten.net/)


كلش حلو وكلش سهل يسلمووووووووووووووووووووووو


منوره أم حسوني

:heart(6):

Lo0oLo
10-11-2010, 11:44 PM
تسلمون حبيباتي


غروده تعبتج عمري هذا حلو

http://up.foraten.net/uploads/f4669e705e.jpg (http://www.foraten.net/)

بس لان اني اريده مثل مكتلج مثل الفستان يعني شويه اطول ههههه

القماش مو مطاط عادي بس خفيف يعني لاشيفون ولا جرجيت بيناتهم

تغريد البلابل
10-11-2010, 11:55 PM
احبي ام حسوني شتسوين بي طويل ههههههههههههه
زين حبي باجر انزلج الرسم اله والتوضيح واذا هذا الموديل مو مشكله اله مطاط لان الحزام يلمه سويه اشويه عريض وضبي بالحزام لو اتحبين اتسويه لاستيك على داير الصدر يعني مثل الاحمر تقريبا والطول خليه على ميكفي القماش بس الوره ايكون مفتوح للظهر

Lo0oLo
11-11-2010, 12:02 AM
ههههههههههههه لايعني مو كلش طويل ولا هيج فد مره هههههههههه

اي عادي حبي على راحتج باج اشتري لاستيك وشريط للنص

تغريد البلابل
16-11-2010, 03:20 PM
السلام عليكم
مل عام وانتم بخير
ام حسوني اعذريني اتاخرت بس النت دمرني يمكن صار 20 مرة احمل الصور واشرح واتروح كل الكتابه:wqewr:

الامام تقيسين الخصر والورك واسفل الصدر وتقسمي على اربع القماش مثني يعني من اتقصيه وخلي بي عرض 7 الى عشر سم و
الورك اسفل الخصر بشبر تقريبا مكانه العرض مالته
ومن جوه عرضيه اشويه وقصي الجوانب مثنيه مثل مامسويه بالخط الوردي يطلع احلى



http://up.foraten.net/uploads/ff55a58025.jpg (http://www.foraten.net/)


ومن وره تقصين من الوسط مثل ما واضح عندك على الخط المنقط
طبعا الطول حسب ما انتي تحبين

http://up.foraten.net/uploads/5d0db138d7.jpg (http://www.foraten.net/)

نجي للجزء الاعلى ومثل ما باين عندك الطول تقريبا شبرين او اكثر حسب كبر الصدر والعرض من جوه نصف الصدر اذا مفتوح وربعه اذا مثني القماش والعرض مال القماش من قوك الخط العدل تقريبا شبرين مثني واربع مفتوح وهو حسب ايدك وشبرك اكبر اصغير بس تقريبا خلي بيه اشويه كسرات او خرطة ناعمة بالوسط تطلع احلى وتكعد الصدر اكثر

http://up.foraten.net/uploads/8721a9465e.jpg (http://www.foraten.net/)

وهذ من تفتحي ايصير هيج

http://up.foraten.net/uploads/4013c2b316.jpg (http://www.foraten.net/)


وهيج راح اتسوين الرده بيدك

http://up.foraten.net/uploads/0df5804a59.jpg (http://www.foraten.net/)


وبعدين اتشدي من وره هيج


http://up.foraten.net/uploads/2f45998e07.jpg (http://www.foraten.net/)

وهذا هيج ايصير باللبس هاي اني اشكد عيب هههههههه:cc:لبسته فوك البجامة الي لابسه جواه بلوزين ههههههههه

http://up.foraten.net/uploads/e229359cf1.jpg (http://www.foraten.net/)

وبعدين اكفين الجوانب والجزء الاعلى ومن جوه وره الكسرات الناعمة او الخرطة تخيطي بالتنورة الجوه وراه اتخلين الحزام الستان او الي تحبي وتشدي وتلبسيه واتراويه االه ابو حسوني واتكليلنه سوه شغل لو لا:6767:
طبعا ميت مر سويت التعديل وكل شرح كمت اكتبه واحفظه يله طلع ادتمرت من النت
ان شاء الله ايكون الشرح وافي حبي زواي شي اتدللي

Lo0oLo
16-11-2010, 10:15 PM
هههههههههههههههههههههه
حلوه بجامتج طالعه عبالك نونو لابس صدريه
حبيبه كلبي شكد اشكرج والله تعبتج هوايه
واكيد الشرح وافي وان شاء الله اطبقه وادعيلج ياورده
الله يخليج حياتي ويخليلج بنوتاتج

تغريد البلابل
17-11-2010, 11:22 PM
ههههههههه اشكرك قلبي ان شاء الله اتسويه حبي واتدللي من اعيوني

Lo0oLo
18-11-2010, 12:08 AM
غروده بارحه حطيته براس وفصلت وخيطت
وصار اوكي وحلو بس عريض واذا اكصفه عالجسم ميفوت هههههههه
شتكولين اخلي لاستيك لو يصير محلو ؟؟

تغريد البلابل
20-11-2010, 01:54 PM
حبي تقصدين الفوك لو الجوه ميفوت
اذا الجوه حبيبتي اذا كلش خلي سحاب جانبي اذا اتحبي اضيق لو جربي اللاستيك يعني اذا تخرطي بيدك اول قبل متخليه وشوفي ياهو الاحلى وانزلي صورته حبابة حتى انشوفه

Lo0oLo
23-11-2010, 10:26 PM
هههههههههه طبعا بعدني خالته وصافنه عليه
اني والخياطه الا من يجيني الواهس كلش
خل اجرب السحاب احلى لان اكيد ضيك احلى
واكيد اشوفلجياه حبي

تغريد البلابل
25-11-2010, 11:12 PM
اي اكيد الخياط اهم شي الواهس

‏وردة حبيبي
30-11-2010, 03:43 AM
السلام عليكم شلون الخياطات ماشالله داتبدعون حبي زوجه الغالي جبتلج باترون نفس الموديل داتخيطي طبعا تغريد ماقصرت وشرحه كان واضح بس شفت هذا بالنت كلت انزله حتى يسهل عليج الفصال اكثر
http://www.hawaland.net/up/uploads/hawaland-ca62c09a46.jpg

تغريد البلابل
30-11-2010, 01:53 PM
عاشت ايدج ورداية باترون حلو وشرح واضح
ام حسوني اشوكت راح انشوف الفستان ؟

ـأأمـ ثومهـ
01-12-2010, 06:57 PM
عاشت ايدج ورده كلش حلووووووووووووووو وعجبني

‏وردة حبيبي
01-12-2010, 08:41 PM
العفو حبيباتي تغريد وام ثومه

ام كرم
02-12-2010, 11:16 AM
[السلام عليكم ياريت لو ماكو زحمة تساعديني بخبرتج حبيت اخيط عباية خليجية بسيطة او الي انسميها نحنا الجبة للطلعات السوق اوالمستشفيات تكون بسيطة وسهلة واخليلها شوية فاصات وكرستالات او الشرائط الخاصة بل عبائت مع العلم اني هم عندي شوية خبرة عن الخياطة

تغريد البلابل
03-12-2010, 12:03 AM
منورات عزيزتي اشتياق
يعني اتريدين البارتون لو موديلات ؟

ام كرم
03-12-2010, 09:03 AM
[لو تكدرون وبلا زحمة بس كم موديل لان اني اعرف اشون اخيط

‏وردة حبيبي
04-12-2010, 02:35 AM
اشتياق يعني تريدين موديلات عبايات بس

ام كرم
04-12-2010, 07:38 AM
[اي ولله بس لو بيها ازعاج ما يحتاج راح افكر اني اشون اخيطها بس حبيت استفاد من خبرتكم

تغريد البلابل
06-12-2010, 10:56 PM
عزيزتي اشتياق تكدرين اتشوفين بسحر الانوثة موديلات كلش لهواية مال عبايات
واذا تحبين من تختارين وحده خليه ونحاول نساعدك بالباترون

Lo0oLo
07-12-2010, 02:03 AM
هلو خياطات شلونكم

سؤال هاي الصدريه شلون اخيطها
يعني اكصها مثل مكصيت الفستان ؟؟؟
http://medium.tradera.com/793/113359793_1.jpg

‏وردة حبيبي
07-12-2010, 07:34 PM
حبي زوجه الغالي افتحي الدكمه وخليه على جريده ورسمي شكلها على الجريده وبعدين جيبي القماش وخلي الجريده الي قصيته نفس شكل الصدريه وقصي اثنين يعني قطعتين متشابه حتى اصير وحده بطانه وحده الوجه وخيطيه كلها ومن الطارف خليله دكمه اتمنى اكون ساعدج وانشوف باقي البنات يجوز عدهم طريقه اسهل

ـأأمـ ثومهـ
11-12-2010, 10:37 PM
مساء الخيررر بنات

عندي فكرة مسابقه للخياطات يعني كل فترة اثنين اينزلون شي من خياطهم ويشرحون عليه بالتفصيل وبعدها نصوت وانشوف منو احلى تفصيل وخياطه

حبيت اشوف التفاعل منكم حتى نبدي بيها

ووبس

:th_countsheep:

رنوة
11-12-2010, 11:38 PM
والله فكرة اتخبل
ومنهة يصيرلنة واهس وكل وحدة تكوم تجتهد اكثر وتطور نفسهة حتى تفوززز
وخلي نشوف راي البقية اكيد مؤيدين

‏وردة حبيبي
12-12-2010, 07:09 PM
هلو بنات شلونكم اشو تغريد هل ايام ماكو ظل بالي عليه

‏وردة حبيبي
12-12-2010, 07:12 PM
راح انزل موضوع اقتراح المسابقه ونشوف شكد عدد الي يحبون يشاركون واذا العدد اقل شي اربع عضوات انشالله نبدي المسابقه واتشاور ويه الاداره على الجوائز

مكارم
12-12-2010, 08:34 PM
ماشاء الله منوره الدردشه بخياطاتنا الحلوات
ودا يبعدون
يبارك بعمركم حبايبي على مساعدتكم وحدتكم للثانيه
هاي العراقيه دومها خدومه

رنوة
13-12-2010, 02:55 PM
وين صارت سالفة المسابقة ورداية

ـأأمـ ثومهـ
13-12-2010, 04:37 PM
اي حبيبتي ورداية راح اسويها لانه ماافتهم اني بهالسالفه

امبينه راح اتكسرينه رناوي بأبداعاتج

:748798663:

رنوة
13-12-2010, 04:59 PM
لك عيني ابو الثوم هو انت اكو احد يكدر يوصلك ما عاش الي يكسرج حبي

تغريد البلابل
13-12-2010, 09:01 PM
هلووووووووووووووو بنات اشلونكم
اشكرك ورداية على السؤال
ملتهية بالثلوج اهنا وماعندي نت
بالتوفيق اتريدون اتسون مسابقة
اني النت ابد ميشجع على هيج وم اكيد اكدر اشارك الا اذا خليت وقت اطول للتطبيق

‏وردة حبيبي
14-12-2010, 01:58 AM
هلو عمري تغريد منوره الدردشه والله يساعدج على النت عمري تغريد انتي حظري نفسج وانشالله وقت المسابقه طويل انسوي حتى نكدر نبدع على راحتنا مو مال استعجال انخيط الشي وننتظرج لان انتي الاسطه مالتنه هههههههههه

رنوه حبي والله هل ايام ملتهيه لان محرم وكل يوميه بالجامع اروح وارجع ساعه 12 هسه اتفق ويه ام ثومه اذا اتحب هي اتنزل الموضوع وهسه بس انشالله نجمع اسماء الي يشتركون واني من يوم الخميس اخر يوم اروح وارجع اتفرغلكم انشالله

رنوة
14-12-2010, 11:58 PM
ان شالله يعمري بانتظارج

تغريد البلابل
15-12-2010, 09:02 PM
هلو عمري تغريد منوره الدردشه والله يساعدج على النت عمري تغريد انتي حظري نفسج وانشالله وقت المسابقه طويل انسوي حتى نكدر نبدع على راحتنا مو مال استعجال انخيط الشي وننتظرج لان انتي الاسطه مالتنه هههههههههه

رنوه حبي والله هل ايام ملتهيه لان محرم وكل يوميه بالجامع اروح وارجع ساعه 12 هسه اتفق ويه ام ثومه اذا اتحب هي اتنزل الموضوع وهسه بس انشالله نجمع اسماء الي يشتركون واني من يوم الخميس اخر يوم اروح وارجع اتفرغلكم انشالله
الله يخليج عمري تسلمين
والله يتقبل طاعاتكم حياتي

اني هم مشغولة وماخيط هاي الايام بلكت الاسبوع الجاي احاول ابلش

‏وردة حبيبي
17-12-2010, 11:47 PM
بنات دخلو هنا
http://www.iraqiyat.net/vb/showthread.php?t=57901

تغريد البلابل
22-12-2010, 09:58 PM
هلو بنات تعالو كملو اسوالف اهنا
رحت البارحة لباب توما واشتريت كومة اقماشات لان مكدرت اقاوم كالعادة
اخذت قماش صوف مشجر لزنوبة وقماش سادة صوف رصاصي الي واله وقماش مقفل صوف لزينة الوسطى وقماش موهير هم لزنوبة وهسة هم شفت واحد بطريقي مسوي تنزيلات على الاقمشة اخذت منه كم قطعة لان صديقاتي اموصيني عليه خطيه لان ميندلون اكثرهم بالسيدة كاعدين ماكو هيج شغلات حلو
بالنسبة للمسابقة على الاكثر انزل كوت اريد اسويه لزنوبة نيلي راح اخيطه بس بي نواقص اروح اشتريله بلكت الاسبوع اللخ
طبعا هسة اتكولون اشو كله لزنوبة بس هي لان الاكبر ولان اتحجبت والي بالسوق الي على كده كله مو مال حجاب لو كبير عليه يطلعه مخربطه والشي الحلو كلش كلش غالي

ـأأمـ ثومهـ
22-12-2010, 10:45 PM
والله اني هم عاجبني اخيط كوت يله حتى اخذ الفكره منج اذا عجبتني

تدرين ولا اعرف بنوعيه الاقمشه واسمائهم كلها ماما اجيبها

رنوة
22-12-2010, 11:58 PM
هلو حبايب
ليش هو شكو هنا بالعراق غير الكشمير والكودري بالصيف والقديفة بالشتا والله جزعنا متكلولي وين الكة اقمشة غير هذي النوعيات

‏وردة حبيبي
23-12-2010, 02:19 AM
رنوه اني عندي كومه اقمشه تعالي انطيج مني هههههههههههه كل مااطلع اشتري اكو واحد يبيع اقمشه رخيصه بس هنا عدهم لوازم الخياطه غاليه يعني اغلى من القماش بااضعاف ههههههههههههه

رنوة
23-12-2010, 04:17 PM
زين لعد نسوي اتفاق اني ادزلج لوازم خياطة وانت تدزيلي القماش واخذ فرق خخخخخخخخخخخخ
والله ورداية احنة هنا ماكو تنزيلات للقماش وسعرة بيه وميصعد

تغريد البلابل
23-12-2010, 10:39 PM
ياعيني ام ثومة الله يخليلج ماما
ليش رنوة اني من جنت بالعراق بغداد بالكرادة الاقمشة اتخبل خصوص معروف ياسر ومياسة واقمشة ليث بالعرصات واكو محمع بالكرادة جان كله اقمشة بس هو الخياط قل بالعراق لان الجاهز ديجي احلى والناس صاير تكدر تشتري بس ايخيطون الدشاديش الكدري الي لو تذبحيني مالبسه واتخبل من اخيطه لااحد
بس اهنا افتقد بس البازة الشتوية ماعدهم احبه كلش للجهال مال بيت بجامات هسة فديوم انزللكم صورة البجامة الي سويته لزنوبة دزولياه من العراق
اليوم هم اشتريت بعد اقماش لصديقاتي واخذت لزينة الوصطانية مقفل برتقالي مجنت ناوية اخذله بس هي كلش اتحب البرتقالي كامت اتكمز من شافته
ورحت واحد ايبيع اكسسوارت اتخبل بقيت ساعتين بس اتفرج عاااااااااااااااا
اهنا كلش يهتمون بالخياط

‏وردة حبيبي
23-12-2010, 10:55 PM
الف عافيه الاقمشه تغريد الله ذكرتيني بالكراده شكد مشتاقتله وياسر ومياسه صاير كراده داخل معروف اذكر بس جنت اصغير كل انواع الاقمشه جانت موجوده بالعراق بس هسه يمكن قلت مااعرف وياسر ومياسه بعده لو عزل

رنوة
23-12-2010, 11:57 PM
والله ما اعرف اني ما اشتري من الكرادة بس مو اروح دائما ما الكة اقمشة على كولة تغريد الجاهز ديجي احلى وحتى ارخص

‏وردة حبيبي
24-12-2010, 02:40 AM
اي هنا هم الجاهز ارخص اني من اخيط شي يطلع اغلى من الجاهز بهوايه بس اني عندي هوايه واريد استمر حتى اتعلم يعجبني كلشي اتعلم والخياطه الا بالاستمرار يله الواحد يتعلم

تغريد البلابل
24-12-2010, 06:39 PM
اي صحيح ورداية اني فترة حتى مخيطت عبالكنسيت اشوية بس رجعت وراه وهو كل يوم تطلعموديلات وقصات شكل حتى طريقة الخياط تختلف عن قبل اني من اشتري جاهز مرت دائما اقلب بيه واشوف اشلون مخيطين التفاصيل الدقيقة لان اهم شي نظافة الخياط من يخلص من جوه وبره

‏وردة حبيبي
24-12-2010, 11:14 PM
اني مااشتري البطانه لان صدك هنا البطانه اغلى من الوجه هههههههههههه قماش البطانه اغلى من قماش الي اخيطه فمرات اذا شي يحتاجله بطانه اخلي نفس القماش بطانه

ـأأمـ ثومهـ
24-12-2010, 11:40 PM
والله الصراحه اني اخيط عامي شامي بس ماادري ليش ايصير ويايه اي شي اخيطه بس ايكولولي عندج فن ونظيفه بالخياط الحمدالله والشكر والله احلى شي بحياتي انو اعرف اخيط
ذاك اليوم مره خالي ودت قماش للخياطه حتى اتخيطلها فستان كلتله صعب وانتي سمينه لازم فد شهر يكمل والقماش ميكفي كتلها جيبي اشوفه جابته شفته كلتلها اشون اتريدي كلتلي دلع وينزل عادي ونص ردن كتلها ساعه يكمل بعدها كتلها اني راح اسويله موديل حتى ايصير احلى طبعا اني خايفه لانه اول مره اشيل مسؤؤليه انو اخيط لاحد واحتمال احرم القماش بس اخذته وهسه كلش فرحت لانه خيطته وكملتهوطبعا ساعتين كمل وصار صدك حلو وعجبني وهيه كلش فرحت بي واذا ما كملت فستاني هالاسبوع انزل هذا للمسابقه وان شاء الله يعجبكم

‏وردة حبيبي
25-12-2010, 09:31 PM
محتاره شخيط واشو الواهس مدايجيني بنات جيبوا صور موديلات هنا حتى بلكي نشوف موديل حلو واخيطه نشجع ويصيرلنا واهس بس موديلات سهله اريد

تغريد البلابل
26-12-2010, 10:06 PM
هلو يا نادرات اشلونكم
عفية عليج ثوماية اني مرات تطلع بيدي هيج شي مال ساعة ويكمل ومرات يبقى لسنة والله اطلعه ومخلصان ههههههههه
ورداية شتريدين موديل فستان اشلون القماش الي عندك

رنوة
28-12-2010, 11:56 PM
اكول وين صارت المسابقة شنو هذا الهدوء قبل العاصفة اني اليوم سويتلي فد شي يمكن انزلة باجر للمسابقة بس ترة هذا الشي على كدوتي لحد يعيب

ـأأمـ ثومهـ
29-12-2010, 01:25 PM
اي والله رناوي اني عندي فستان امكمله حتى الصور بس دانتظر اخلي فستاني وراح واهسي بي واليوم دافكر كلت خلي انزل هذا حتى تتحرك المسابقه وان شاءالله اليوم انزله اذا الله راد

:103657:

رنوة
29-12-2010, 02:31 PM
ان شالله حبيبتي بس هسة راح انزل بجامة طفل مو مال المسابقة اما فستان المسابقة همينة انشالله اليوم انزلة

‏وردة حبيبي
29-12-2010, 09:51 PM
هلو بنات شلونكم اخباركم الحمد الله صارت حركه بالمسابقه طبعا خياطتكم اتخبل عاشت ايدكم رنوه وام ثومه واني ورى راس السنه ابلش لان مادايصيرلي وكت زوجي هل ايام كله عطله ودانطلع وماكو مجال اخيط ولحد الان مااعرف شخيط وعندي كومه قماشات

رنوة
29-12-2010, 11:52 PM
الف عافية ورداية تونسي حبي شبيهة الدنيا والخياط والمسابقة يجي وكتهن

تغريد البلابل
30-12-2010, 12:33 AM
هلو بنات
اني خيطت الكب وصورت الخطوات بس بقت الياخة والشدات الي راح اسويه بدل الدكم بس اسم الله عليكم من البارحة رقبتي كعدت متشنجة يمكن من المخدة وماكدر احرك جسمي واني من متخلص الشغلة بالخياط كلش اضوج اخاف ايروح واهسي ويبقى على قلبي
وطبعا النت هم كلش مخبلني حتى مواضيعكم مدا اكدراشوف الصور مالته مدتطلع عندي بلكت باجر يستعدل واشوفه

‏وردة حبيبي
30-12-2010, 01:48 AM
هلا حبي تغريد سلامتج ماعندج غير العافيه انشالله اصيرين زينه ويكمل الكب ومنتظرين انشوفه

ـأأمـ ثومهـ
30-12-2010, 11:25 AM
ورده حبيبي انتي الاحلى يمعوده اطلعي يا مسابقه هع

يوووه تغريد سلامتج انتي مثلي اذا ميكمل ايروح واهسي بي وينضم

تغريد البلابل
30-12-2010, 10:29 PM
اشكركم حبايب على الدعوات
ام ثومة الفستان حلو من ايدج بالتوفيق

ـأأمـ ثومهـ
31-12-2010, 03:09 PM
هلووو اشلونكم اليوم حبيت اشوفكم شي

وهيه علاكة الدناديش اني هيج اصيحلهاا ههههه

http://www.9o9i.com/upfiles/f8294702.jpg (http://www.9o9i.com/)


http://www.9o9i.com/upfiles/sfG94702.jpg (http://www.9o9i.com/)

[/URL]
[URL=http://www.9o9i.com/]http://www.9o9i.com/upfiles/UGJ97527.jpg (http://www.9o9i.com/)



هاي اي شي اريد اذبه اشوفه بي نقشه اكصها واضمها بيها دكم بيها سحاب وغيرهاا كلهن اضمهن اهناا ومن اريد اخيط شي اطلعها واكعد ارهم

ماادري حبيت اشوفها الكم:ev:

رنوة
31-12-2010, 05:19 PM
والله خوش علاكة عفية عليج ثوماية خوش فكرة

مكارم
31-12-2010, 07:20 PM
حلوه علاكتك ام ثومه
بس تعرفين اني شمسويه الباكيتات مال القمصان او الدشاديش او علب الحلويات
افرز بيهن السحابات وحده ووحده الدانتيلات وهكذا
احسن من الهوسه
وكل واحد وطبعه

تغريد البلابل
31-12-2010, 07:28 PM
هاي شنو ثوماية اشو مشفت بس دناديش وين العلاقة؟
اني هم هيج اسوي دائما خو من جنت بالعراق عندي صناديق كومه من هيج سوالف هسة بس كيس واحد بس حلوات كلش ومفيدة

ـأأمـ ثومهـ
31-12-2010, 08:41 PM
اي رناوي فكره كلش حلوه

خالتي اني وين اوصل يمج اصلا اني خربطه بخربطه وكل مااخيط شي اجي اطلع كلشي واكعد ارهم وبعدها اكعد الملم

اي تغريد ايفيدن هيج سوالف

:023:

~~الـــحـــنـــونـــة~~
01-01-2011, 10:57 AM
صباحكم فل وعسل وياسمين

شلونكم ياغاليات

اتمنى الكل تجي نسوي عرس للغالية بنت الغالية

http://www.iraqiyat.net/vb/showthread.php?p=759289#post759289 (http://www.iraqiyat.net/vb/showthread.php?p=759289#post759289)

رنوة
01-01-2011, 11:46 AM
هلا بالحنونة نورتينا وهسة ارووووووووحححححححححح رككككككككضضضضضضض

فضه
01-01-2011, 05:48 PM
شكرا عالموضوع اني اكول الخياطه عندي عالحاله النفسيه اذا مرتاحه يعجبني كل شي اخيط بس اذا ضايجه :cxxvnjklkjkjh:ابره ماالظم بس لننسه الخياطه نعمه من رب العالمين والله يحفظ الوالدة اللي علمتني وشكرا:hghyui:

تغريد البلابل
01-01-2011, 06:26 PM
منورة فضة ميت هلة بيك ان شاء الله نستفاد من خبراتك وانشوف تفانينك

‏وردة حبيبي
01-01-2011, 08:56 PM
منوره عمري فضه اني كلش فرحت من شفت اكو خياطه جديده جايته حبي فضه الخياطه صدك بالحاله النفسيه بس اني كل مااجي هنا واشوف البنات ينزل مواضيع خياطه يصيرلي واهس وارح ركض اخيط انشالله انشوف خياطتج عن قريب ويله اذا اجاج الواهس شاركي بالمسابقه

‏وردة حبيبي
01-01-2011, 08:59 PM
هلو بنوتات الحلوات شلونكم غبت يوميت لكيت الدنيا مكلوووووبه هاي شنو الابداع مالتكم والله كلكم خياطتكم حلوه

ام ثومه العلاكه مالتج والله تفيد اني ماعندي علاكه حرامات بس هسه اسوي مثلكم كل مااذب شي اخذ منه لوازمه

رنوة
01-01-2011, 09:18 PM
هلو حبيباتي شلونكم والله مبدعين ورائعين غرودة انتي تخبلين وايدج تنلف بذهب
فضة حبي 200 هلا بيج نورتينا وخلي نشوف عمايلج بسررررررررررررعةةةةةةةةة

تغريد البلابل
02-01-2011, 08:23 PM
هلو بنات
اني هذا الاسبوع ما اكدر اكمل خياطة الكب لان صديقتي راح اتسافر لاامريكا واني ملتهية وياه بالسوق بلكت الاسبوع الجاي هو بس بقت الياخة

‏وردة حبيبي
03-01-2011, 03:40 AM
حبي تغريد اخذي راحتج احنه مامستعجلين ومانريد نستعجل حتى الخياطه تطلع حلوه اني انشالله باجر ابلش واخيط

فضه
03-01-2011, 07:38 PM
شكرا خواتي العزيزات عالترحيب وانشالله بس اتعلم تنزيل موضوع الصور مدا اعرف اصغرهه :0888:

ـأأمـ ثومهـ
04-01-2011, 12:20 AM
هلوووووووووووو بنات اليوم حيل انقهرت الصبح لانه فساتني الاخضر الي امخيطته جنت امنكعته حتى اغسله وحاطه وياه الشال ماادري وصاير لون احمر بي حيل انقهرت لانه كلش حبيته من خيطته

‏وردة حبيبي
04-01-2011, 01:05 AM
هلو بنات شلونكم اخباركم انشالله بخير

ام ثومه حرامات يعني بعد مايطلع اللون

فضه حبي اني اعلمج بس كوليلي ساعه بيش اتكعدين بالمنتدى حتى اعلمج

ـأأمـ ثومهـ
04-01-2011, 11:31 AM
اووووف حاولت بي مافاد يله الحمددالله والشكر

فضه
04-01-2011, 11:49 AM
شكرا ياورده عالمساعده تسلميلي ولتنقهرين ام ثومه خيطي مثله اذا تكدرين وهاي احنه مبتلين بالنوعيات التعبانه من الاقمشه زوجي كلما يلبس فانيله بيضه بيهه طمغه :e9e63(12):

رنوة
04-01-2011, 03:15 PM
زوجي كلما يلبس فانيله بيضه بيهه طمغه
ههههههههههههههههههه

رنوة
04-01-2011, 03:18 PM
سودة علية ثومة يللة حبيبتي فدوة الج بعد لتنكعين الملابس سوة هي عاد شلون اقمشة وجمالة مو رخيصة

تغريد البلابل
04-01-2011, 06:35 PM
هلو بنات اشلونكم
بعدني مخيطت كلش ضايجة :cxxvnjklkjkjh:
علمود صديقتي الله يسهل عليه بس راح اشتاقله كلش:tgtyt7:

رنوة
04-01-2011, 08:56 PM
حبيبتي احنة كلنة خواتج وصديقاتج لتضوجين حياتي انت

تغريد البلابل
05-01-2011, 12:46 PM
الله يخليج رنوة ادري كلكم خواتي بس اني مو طبيعتي احجي الي بقلبي بسهولة بس هاي البنية من اشوفه لو اخابره كلشي احجيله واشكيله (والشكوى لرب العالمين)وبناتي كلش ايحبوه واهنا بالكوه تلكين هيج انسانة وبصعوبة تلكين احد تفتحين قلبك اله
صارت مصارحات مو دردشة خياطات :217:

رنوة
05-01-2011, 10:59 PM
الله يعوضج حبيبتي والله صدك سالفتج تقهر يللة هي مسالة وقت وتتعودين

‏وردة حبيبي
06-01-2011, 03:46 AM
الله يساعدج تغريد والله مو سهله حجيج صدك صعب الانسان يلكه صديق يوفي اني دائما بصداقتي انضرب بوري بحيث هسه ماعندي صديقه مقربه رغم كومه بنات بعمري هنا بس مع الاسف كله مصاااااالح الصداقه هنا انشالله تلحكيه انتي هم

ـأأمـ ثومهـ
06-01-2011, 01:46 PM
وردايه اني نفسج كلهن بس مصلحه والي احبهن والزينات مو يمي:mbv:

فضه
06-01-2011, 03:48 PM
من أحاديث النبي الأكرم محمد (صلى الله عليه واله وسلم) في الصداقة والاخوه: - خير الأصحاب عند الله خيرهم لصاحبه.- المرء مع من أحبَّ يوم القيامة- أقلُّ ما يكون في أخر الزمان أخ يوثق به أو درهم من حلال- استكثروا من الأخوان فإن لكل مؤمن شفاعة يوم القيامة.- ما تحابّ اثنان في الله تعالى إلا كان أفضلهما أشدهما حباً لصاحبه
- لا خير في صحبة من لا يرى لك مثل ما ترى له. -

‏وردة حبيبي
08-01-2011, 02:00 AM
السلام عليكم شلونكم انشالله بخير

ام ثومه انتي نيالج تجيج الافكار بالحمام اني تجيني باليل واظل بس افكر ويصير عندي ارق واظل للصبح ماانام هسه صار يومين مانايمه بس افكر موديل حتى انزله بالمسابقه وتجيني هواي موديلات بس اكول لا هذا يرادله كومه شغل وهم يجي موديل ثاني بالي بس اكو لا لازم اطلع واشتري سحاب او فد شي ماعندي ودنيا بارده مابيه حيل اطلع واخيرا اجه موديل بالي بسيط اليوم خيطة نص وانشالله باجر اكمله اذا طلع حلو انزله واذا لا اخيط غيره هههههههههههههههه

‏وردة حبيبي
08-01-2011, 02:02 AM
هسه البنات الي بقو ننتظر مواضيعهم

اني وتغريد وفضه ورنوه وزمردا صح لو ناسيه احد

واي شاركوا زوجة الغالي وام ثومه و دن دن

فضه
08-01-2011, 07:20 AM
لعنة الله عله ابليس اني يجيني الفصال بالصلاة الى ان اخلص الصلاة انسه الموديل

رنوة
08-01-2011, 12:05 PM
ههههههههههههههههههههههههه
فضة اني مثلج والله لو اكبر حسبة تنحل بالصلاة وتنسي وراهة هذا ابليس الله يلعنة

البياتية
08-01-2011, 12:17 PM
هههههههههه والله فضة ورنوة موبس انتو حبيباتي لعد هو شنو شغلة استغفر الله الله يلعنة اختي مفد مرة وكفت تصلي اذا مكمزت وكفخت واحد من جهالهة خطية الله يسهللكم جميعا وتطلعون بافكار حلوة لان فعلا شغلكم شي احلة من شي وممتع ودنستفاد كلش هواية الله يطيكم الصحة والعافية

‏وردة حبيبي
08-01-2011, 08:24 PM
استغفر الله اكوم اصلي احسلي واني هم مثلكم اصارع ويا الصلاه اصلي وهناك الكه روحي كبالي موديل ههههههههههه وارد احاول انسى وهم نفس الشي هاي الشغله متعبتني

ـأأمـ ثومهـ
08-01-2011, 08:51 PM
ههههههههههههههههههههههههههههههههههههه والله ضحكتوني اني هم بالصلاة ميت مره اغلط لانه كل الافكار تجي استغفر الله اليوم لبست الفستان الاسود كلهم كلولي امين اشتريتي غير افرح من اسمع هيج:trt::ghghty:

فضه
08-01-2011, 11:32 PM
بالعافيه عليج الثوب صدك شعور حلو من واحد يكول اني مخيطته :wqe: مستحب قرائة سورة القدر اثناء لبس الثوب وشكر الله عليه للفائده سؤالي للخوات منو تعرف وين يبيعون مجلة بوردا ابغداد

رنوة
08-01-2011, 11:41 PM
البياتية حبيبة قلبي تسلمين على كلامج الي كلة عسل ياوردة انت
ثوماية عافيات عليج الثوب ان شالله تعيشين وتخيطين وتلبسين حبيبتي
فضة عمري تلكيهة بمحلات لوازم الخياطة مرة شفت محل لوازم كبير يبيعهة بس والله مدا اتذكر وين بس هي مو باي محل تنلكي اذا شفتهة نوبة الخ راح اجي اكولج حياتي

ـأأمـ ثومهـ
09-01-2011, 11:24 AM
يسلموووووووووووووووووو حبيباتي ان شاءالله اقراها فضه

‏وردة حبيبي
09-01-2011, 07:50 PM
ههههههههههههههههههههههههههههههههههههه والله ضحكتوني اني هم بالصلاة ميت مره اغلط لانه كل الافكار تجي استغفر الله اليوم لبست الفستان الاسود كلهم كلولي امين اشتريتي غير افرح من اسمع هيج:trt::ghghty:

بالعافيه ام ثومه اني جنت قبل احجي بس هسه لا لان كام ياهو الي شوفني عندي قماش اريدج اتخيطي لو انوب يجون يجبولي ملابس مثلا سحاب مفتوك او دكم او كصفيلي اوتقصير تعالي خيطيه كمت اكولهم اني مااعرف اخيط هو اني ملابسي مااصلحه نوب اصلح مال غيري والخياطه تعب زوجي من يريد اكصرله بنطلون لو اصلحه شي شهر او اكثر يله اسوي هههههههههههه

تغريد البلابل
09-01-2011, 08:58 PM
هلووووووووووووووو اشلونكم
شلونكم حبايب
ورداية حبي الله يسمع منك واخلص
اني يمكن مراح انزل الكب الي خيطته لبنتي راح انزل سترة سويته قبل فترة وخلصت الدروس مال تحضيره

مكارم
09-01-2011, 09:07 PM
ماشاء الله حبايبي الخياطات مبدعات

بس عندي ملاحظه على الصلاة
هههههههههههههه
حلوه كل الافكار تجي وياها
بس انتو حاولوا من تصلون تنظرون ل اقدامكم اي للسجاده هاي احسن طريقه جربوها وان شاء الله يبعد عنكم ابليس اللعين

ـأأمـ ثومهـ
09-01-2011, 09:39 PM
وردايه صحيح هم مرات ايكولولي بس دائما اكول ااخيط بس لروحي لانه صح تعب

تغريد منووره اي شي اتنزلين حلو من ايدج

اي والله خاله ماما هم دائما اتكولي حاولي اتباعين ليجوه وركزي بس هم اغلط مرات

تغريد البلابل
10-01-2011, 09:28 PM
هاي من منورتنا خالة الغالية
الله يهدي الجميع والله اني هم جنت هيج ابد ما اركز بالصلاة بس اشوية احسن هسة مو عجزنه ههههههههههه لازم واحد يفكر بالكلام والنظر لازم اكيد لموقع السجود وميصير النظر يتحول لااي مكان بس الفكر اشلون بيه
الحمد لله

صدفه
12-01-2011, 12:38 AM
هلو حبايب شلونكم

انا بالنسبه الي

زفت بالخياطه مااعرف شيء

بس اعرف اخيط للعابتي هههههه

وبالابره يعني مو بالماكينه

رنوة
12-01-2011, 12:45 AM
ههههههههههههههههههههه
عندججججججججججج لعاااااااااااابة
شتسوين بيها

‏وردة حبيبي
12-01-2011, 01:05 AM
هلو بنات شلونكم انشالله بخير الكل منورين صدوفه هاي شنو بعدج تلعبين بيت بيوت هههههههههههههه

اني طبعا كملت صار يومين خياطه بس بعد انزل الصور مااعرف لان دااخيط للمسابقه كلش صار ثكيله للخياطه وهواي عراويج طلعتلي وهسه بقه هم تنزيل الصور الخياطه القبله احس كلشي سهل بس هاي مااعرف ليش هيج وحتى دااغصب روحي دااخيط بدون واهس هههههههههه يمكن لان وعدكم ولازم اوفي بوعدي

ـأأمـ ثومهـ
12-01-2011, 05:17 PM
هههههههههههههههه صدوفه تدرين اني عمري 23 ولحد هسه عندي ثلاث لعابات محتفضه بيهن وكل مره اخيط وابدل ملابسهم كلش احب هالسوالف

تدرين وردايه ماادري ليش راح حماسي بالمسابقه حتى نسيتها

فضه
12-01-2011, 05:33 PM
حبيت اشارك بالمسابقه جان عندي ثوب اسود فصلته واخذتله صور بالموبايل بس نسيت اخذله الصوره النهائيه لان انطيته للبنيه شكد امطفيه :cgfghfgbcg:

ـأأمـ ثومهـ
12-01-2011, 05:43 PM
يووووه واشراح اسوين فضه صدك امطفيه يبوو عليج هههه

فضه
12-01-2011, 07:45 PM
ههههه عندي ثياب مخيطتهن بس ممصورتهن انما ارجع افتك واصورهن خخخخ

ـأأمـ ثومهـ
13-01-2011, 10:26 AM
ليش اترجعين اتفتكين يمعوده صوري اجزاء منها اشون سوت زوجه الغالي بس المهم توصللنا الفكره والموديل والخياط ايكون نظيف

‏وردة حبيبي
14-01-2011, 12:59 AM
هههههههههههههههه صدوفه تدرين اني عمري 23 ولحد هسه عندي ثلاث لعابات محتفضه بيهن وكل مره اخيط وابدل ملابسهم كلش احب هالسوالف

تدرين وردايه ماادري ليش راح حماسي بالمسابقه حتى نسيتها


ثومه شو ماعندج صبر ههههههههههههه

هان زادا 5
15-01-2011, 09:48 AM
يله بنات هاي شنو ام ثومه شنو راح الحماس لعد اني اكول ام ثومه خوش خياطه
وانتظر خياطج

رنوة
15-01-2011, 01:33 PM
انتظروني حبابين على ما اكمل لتبدون المسابقة
والله ما عندي وقت عيال وطفل واليوم يركض ركض بسرعة يخلص ولا الحك اسوي شي الروحي ادعولي الله يسهلهة علية

ـأأمـ ثومهـ
15-01-2011, 04:45 PM
وردايه هههه اي ابد ماعندي والله

هان زاداا اني اول وحده نزلت خياطي ونزلت اثنين وراه وعندي واحد لاخ جاهز هسه انزله

رناوي حبيبي هوه صارلنه اهوايه منتظرين بقت ع شويونه اخذي راحتج عيوني انتي

‏وردة حبيبي
15-01-2011, 06:38 PM
رناوي اخذي راحتج كلنا نمر بضروف وقتنا قصير ماشوفين سويت المسابقه وقتها مفتوح لان اعرف مو الكل راح يخلص بسرعه بس ام ثومه ماشالله عليه سريعه والله يسهل للجميع انشالله

تغريد البلابل
15-01-2011, 08:57 PM
هلوووووووووووووووو
اشلونكم
مداكدر الزم الماكينة بلكت اكدر انزل السترة الي سويته بس الله يهدي للنت
:hghtrgf:

‏وردة حبيبي
15-01-2011, 11:27 PM
طبعا بنات بوجودكم ونشاطاتكم وخياطتكم الحلوه قسم الخياطه صار بي حركه قبل جان واكف وكل فتره ينزل موضوع ويكون منقول بس ماشالله هسه كله المواضيع الي بي حصريه والفضل يعود الكم اشكركم من كل قلبي والله فرحانه لان هذا يطور من منتدانه واني كلش منتدى عراقيات عزيز عليه

تغريد البلابل
15-01-2011, 11:57 PM
حبيبتي النور نورك وافكارك الراقية واطلالتك المميزة

ـأأمـ ثومهـ
16-01-2011, 07:12 PM
تدرين ماما من هلكد ماانزل مواضيع اتكولي هسه ايطردوج لانه كل اهدومج بالنت صار :093:

رنوة
16-01-2011, 07:21 PM
ههههههههههههههههههههههه
منو يطردج ثومة ياريت لو تضلين هيج ومتكطعين

ـأأمـ ثومهـ
16-01-2011, 08:32 PM
رناوي ههههههههههههههه اني ماعندي حل وسط لو اهجم لو اعوف وطبعا مو كلشي اخيطه انزله مرات اتعاجز انزل الصور حتى كمت مااعرف وين اودي الهدوم الكنتور انترس عاا:145787:

‏وردة حبيبي
16-01-2011, 08:59 PM
ام ثومه اني عندي 3 كناتير كلهن متروسات ملابس 2 ابو 4 بيبان واحد ابو 3 بيبان هههههههههههه

رنوة
16-01-2011, 09:18 PM
الله يزيد ويبارك احلى شي الواحد يلبس ويكول اني خيطته حتى لو شي بسيط المهم مفيد

تغريد البلابل
16-01-2011, 10:41 PM
هلو بنات اشلونكم
اني امي كل متجي اتكلي الكنتور راح ايسافر ههههههههههه من الهدوم الكومة مالتي ومال بناتي
بس صار فترة دا اسوي تعزيله لان يدخل الموسوم ويطلع شتا لوصيف واكو اهدوم مخالته على جسمي وكلت خاف حرام اني وبناتي عدنه كومه واكو ناس ملاكيه تلبس وعلمت بناتي هم على هذا الشي اي ملابس منلبسه اهواية او اشويه تعبت اطلعه على صفحه حتى اشوف ناس انطيه الهم
ورداية انتو يمكن ماعدكم هاي الفقرة ما اكو محتاج بهولندا ههههههههههه

‏وردة حبيبي
17-01-2011, 06:48 PM
اي تغريد ماكو فقير انطي ولا عدنا مال نظم هدوم الشتا ونطلع هدوم الصيف لان الصيف عدنا ايام معدوده ههههههههههههه

رنوه اني بس كم شي مخيطه كل الي مخيطه منزلته بالمنتدى بس هنا دائما يصير تخفيضات على الملابس ومااكدر الا اشتري لان اشوفه رخيص يعني والله صير سعر الملابس بسعر مسواك تسوكي فلهذا الشي مليانه الكناتير ههههههههههههه

تغريد البلابل
17-01-2011, 09:21 PM
تلبسيهم بالعافية ورداية

shams
17-01-2011, 10:32 PM
السلام عليكم ارجو ان تقبلوا عضويتي معكم

‏وردة حبيبي
18-01-2011, 02:01 AM
منوره عمري شموسه وياهلا ومرحبا بيج

ـأأمـ ثومهـ
18-01-2011, 09:31 PM
هلو بنات اشلونكم

حابه اطلب منكم طلب وان شاءالله تقبلون

اني بالبدايه جنت حابه انزل فستاني للمسابقه وخرب واهسي بي وماكملته وهسه كملته ممكن ابدل موضوعي وانزل فستاني لو ميصير :yhtyrt:

‏وردة حبيبي
19-01-2011, 01:31 AM
حبي ام ثومه مااريد اصعبه عليج واكولج مايصير اذا حابه فستانج يكون بالمسابقه نزلي واني ابدل عنوان الموضوع واكتب خاص بالمسابقه

ـأأمـ ثومهـ
19-01-2011, 10:59 AM
اي والله تسلمين البارحه يله خلصته واليوم ان شاءالله انزله

‏وردة حبيبي
20-01-2011, 12:46 AM
بنات رنوه راح تشترك بالبجامه لان ماعده وقت هل ايام اتخيط بس اني وعدته اذا تخيط شي قبل انتهاء المسابقه اله الحق سوي تبديل بالموضوع

واتمنى من باقي المشتركات شوي يعجلللللللللللللون بالخياطه لان انريد ننهي المسابقه اتااخرت هوايه

رنوة
20-01-2011, 11:23 AM
مشكورة ورداية حبيبتي

‏وردة حبيبي
20-01-2011, 09:45 PM
العفو حبي رنوه

‏وردة حبيبي
31-01-2011, 01:19 AM
بنات طبعا اني اسفه على تااخير بتصويت المسابقه عندي مشكله صغيره بالمسابقه انشالله بس تنحل ابلش بالتصويت وهم هاي فرصه الي يحب يشترك بالمسابقه وينزل موضوعه بهل ايام اتحملو اشويه اوكي

تغريد البلابل
01-02-2011, 02:48 PM
سلام بنات اشلونكم
الصور الضاهر انحذفت من موضوعي مال المسابقة لازم احمله مرة لخ لو اشلون ورداية تنتظريني على الاسبوع الجاي حبي ممكن لان ماعندي نت هسة اني من مكتب برة البيت انتظر تتصلح حاسبتي حتى اجمل الصور مرة لخ

‏وردة حبيبي
02-02-2011, 01:18 AM
هاي شنو سوه بينا مركز صوصي حذف الصور كله ام ثومه هم موضوعه انحذف الصور لازم نتظر اتعدلوهه يله انبلش بالتصويت هاي هم مشكله تااخر التصويت اصبروا

ـأأمـ ثومهـ
02-02-2011, 12:11 PM
لالالالا مامعقوللله يبوووووووووووووو اشون حظ عليه اكولج بس الصوره الاخيره محتفظه بيها الباقي كله امسحه بس راح احاول اطك صوره للاجزاء مالته وانزلهن اوكي

فضه
02-02-2011, 12:15 PM
هذا شبيه مركز صوصي شكله فرخ
ماكو مركز احسن منه

تغريد البلابل
09-02-2011, 08:47 PM
هلو بنات اشلونك حبايب هاي شنو القصة يمكن انحسدنه ههههههههههههه على المسابقة وراحت الصور اني مخزنة الدرس بس مركز عراقيات يطلع مكان المركز والكتابة اتغطي على الدرس ومد يطلع حلو اشلون وين احمله:wqewr:

‏وردة حبيبي
09-02-2011, 11:36 PM
عمري تغريد حملي على هذا المركز
http://files.mothhelah.com/

واذا ماتكدرين اتنزلين الصور بوضوعج دزيلياهن برساله خاصه واني انزلهن وام ثومه هم نفس الشي يله حتى نبدي التصويت

تغريد البلابل
09-02-2011, 11:56 PM
يعني انزله بنفس الموضوع مو نفتح موضوع جديد صحيح

‏وردة حبيبي
10-02-2011, 12:03 AM
بكيفج اتريدين موضوع جديد واحذف القديم او تريدين نفس الموضوع

ـأأمـ ثومهـ
10-02-2011, 12:27 PM
هلووو اسفه وردايه لانه مادزيت الصور والله مشغوله اهوايه باجر ماعندي شي وبأذن الله ادزهن الج

تغريد البلابل
16-02-2011, 10:33 PM
هلووووووووووووو بنات اشو هدوء اشعجب ورداية اشوكت يصير التصويت للمسابقة
اكول هذا الهدوء الي يسبق العاصفة هههههههههههههههههه
اني هاي الايام ملتهية بالحياكة اكثر ان شاء الله من اكمل هم انزل الكم الي اشتغلته

تغريد البلابل
27-02-2011, 09:53 PM
وينكم بنات ليش بطلتو تجون للدردشة بالي يم ورداية
ام ثومة هم مكطوعة ورنوة ماله طلة اهنا وفضة وصدفة وينكم بنات

‏وردة حبيبي
27-02-2011, 09:58 PM
هلو حبي تغريد شلونج والله مداادخل لان مريضه صارلي اسبوعين انفلونزا مدااطيب انشالله من اطيب ارجعلكم سلامي للكل

ـأأمـ ثومهـ
27-02-2011, 09:59 PM
والله اني هم ضل بالي كلش ع وراديه ان شاءالله ايكون المانع خير

واني كلش خربان واهسي بالخياط

تغريد البلابل
27-02-2011, 10:56 PM
زين سمعتو اصياحي واجيتوا ههههههههههههه
الحمد لله على سلامتك ورداية
مبروك ام ثومة فوزك حبي تستاهلين والله انتي ما شاء الله اول وحده شاركتي وغيرتي اموضوع

اشرقت الاء
03-03-2011, 08:05 PM
بسم الله الرحمن الرحيم هلو حبيباتي خياطات عراقيات اني عضوة جديد ة وياكم واتمنى ان اكون مفيدة وحبيت اشارك وياكم بلدردشة اكون سعيدة اذا قبلتوني

رنوة
03-03-2011, 09:36 PM
مرحبا حبيباتي شلونكم كلكم تغريد اشكرج حبي على السؤال جنت غايبة عنكم بسبب سفري وهسة رجعت حيييييييييل مشتاقتلكم ولابداعاتكم
اشرقت الاء اهلا وسهلا بيج حبيبتي احنة كلش سعداء بوجودج ويانة

تغريد البلابل
04-03-2011, 01:59 AM
منورة عزيزتي اشرقت الاء الدردشة والقسم
الحمد لله على سلامتك رنوة والله مكانك خالي

رنوة
05-03-2011, 12:36 AM
الله يسلمج حبيبتي غرودة والف مبروك فوزكم انت وام ثومة والله تستاهلون لان صدك مبدعات

تغريد البلابل
07-03-2011, 11:28 PM
شكرا قلبي رنوة
وينكم اشو هدوء
لا ورداية ولا ام ثومة وباقي البنات

رنوة
08-03-2011, 08:17 PM
مرحبا
بنات عندي طلب شوية صعب من خياطاتنة المحترفات بس اكيد بيه فائدة كبيرة لهواية بنات مبتدئات مثلي اتمنى انة وحدة من خياطاتنة الحلوات الحبابات تسويلنة دورة خياطة مفصلة بعدد مشتركات معين ومدة معينة تبدي بيهة تفصيل وخياطة الدشداشة بعدين البجامة والتنورة والسترة .....الخ طبعا مع التنفيذ على القماش من قبل استاذة الدورة والمشتركات واكيد هوااااااااية بنات واني اولهم راح يسجلون بالدورة يللة منو الي راح تنقذنة وتسويلنة الدورة بس طبعا بدون باترونات وهاي الخبصة نريد شي مبسط وواضح اتمنى الرد السريع على طلبي

ـأأمـ ثومهـ
08-03-2011, 09:08 PM
اممم صار اشكد ماجايه اهنااا

والله يا تغريد واهسي راح بالخياطه من وره خشمي داخيط عاا

والله رنوه السالفه ع بالي بس المشكله مااعرف اتحمل هيج مسؤليه احسها اكبر مني والا السالفه كلش بسيطه وكلش مفيده وحلوه خلي انشوف شنو رأئي تغريد وردايه اذا عجبتهم السالفه ابدي وياهم وافتح الدوره بس المهم مااكون وحدي

:060:

تغريد البلابل
08-03-2011, 11:05 PM
حبي رنوة اني طارحة هاي الفكرة على الادارة وان شاء الله ايصير خير
بس اصبروا

ـأأمـ ثومهـ
09-03-2011, 02:29 PM
اني اجت ابالي فكره يعني مثلا اسوي دوره لتعليم مثلا دشداشه معينه وهكذا كل مااخيط شي اسوي دوره بي

اذا عجبتكم الفكره حتى ابدي بيها ان شاءالله

رنوة
09-03-2011, 02:59 PM
اي والله ثومة خلي نبدي عالسريع لان اني عندي مجال بس هذا الشهر وراهة مراح افرغ حبابة خلي نستعجل شوفي تغريد ووردة شلون يسوون اعلان او شي حتى نجمع مشتركات شرط التطبيق العملي حتى تعبج ميروح مشكورة حبيبتي على المبادرة الحلوة

ـأأمـ ثومهـ
09-03-2011, 03:08 PM
اي حبيبتي اكدر بالاسبوع الجاي اسويها بس خلي اشوف رأئي تغريد وردايه بهالشي وايصير خير

تغريد البلابل
09-03-2011, 11:30 PM
حبي رنوة اذا نسوي دورة لازم من الاساسيات نبدي يعني مو دشداشة واشوية اشوية
بس تكدر ثوماية تسوي موضوع ورشة دشداشة واتطبق والي يريد يسئل شي على راحنه ميحتاج اعلان
لان اني ما اوعدكم بالدشداشة بصراحة ممكن اسويلك الباترون وتفصيله
بس اني مالبسه بصراحة ولا احبه فاشلون اسوي قماش هههههههههههه المنه انطيه
شوفي الموضوع ثوماية ورشة دشداشة والي تحب تشارك

رنوة
10-03-2011, 01:56 PM
هلاو حبي غرودة
بالنسبة للباترون هم نحتاجة هو ضروري بس اعتقد مو كل الملابس تحتاج باترون يعني مثلا نسوي باترون للسترة والتنورة وفستان السهر والبنطلون شبقة بعد هههههههههههه
اما ملابس البيت مثلا الدشداشة والبجامة والفستان والزي الهندي يعني الملابس الي ميشترط بيهة تكون على قالب الجسم اعتقد ممكن تكون بلا باترون
والمبتدئة تحتاج النوعين
اني اقترح ثوماية تسويلنة ورش للي بلا باترون
وانت تعلمينة شلون نشتغل على الباترون مثلا شلون نخيط السترة والياخة مالتهة وشلون نشطبهة اني عندي هواية معلومات بهذي لخصوص وايضا عندي تطبيقات بعضها كان ناجح بس ينقصني الكثير واكيد احب استفاد من خبراتكم

ـأأمـ ثومهـ
10-03-2011, 09:01 PM
صح كلامج غروده اذا ع الاساسيات هوه اني مااعرفه ولا اتعلمت عليها هع هع ومااعرف اعلمها اصلا بس الاشياء البسيطه اعرفها :bv:

تدللين رناوي عيوني ان شاءالله اذا باجر مااطلع من البيت انزل الموضوع من عيوني وعرضته ع مريم وكلش حبت الفكره:677:

اشرقت الاء
10-03-2011, 09:54 PM
:mq:حبيباتي الخياطات الحلوات اني ما عندي مانع اسويلكم ورشة بس كولولي شنو المطلوب ... اني راح اكول لكم وانتو صححولي .... اولا انزل الاحتياجات الازمة بلقطعة الي حابين نعملها .... ثانيا انزل صور الموديل من كل الاتجاهات حتى يسهل العمل ....ثالثا نبدي العمل ....ونزل صور الخطوات الاساسية من الاف الى الياء....اذ هذة هية فكرة الورشة اني مستعدة اتعاون وية اخواتي ..حتى انسوي ورش لتطبق الموديلات المطلوبة .. ها بقى شي اتكولولي شنو حابين تتعلمو اني حاضرة وان شاء الله ايصير خير وانجح وياكم ....:mq::mq:

تغريد البلابل
10-03-2011, 10:21 PM
سلام بنات
حبيتي رنوة شنو ماكو بس التنورة والسترة والدشداشة ههههههههه يمعوده ملايين الموديلات اكو
بس اذا تعرفين الاساسيات اتصير كله سهلة عليك

رنوة
11-03-2011, 12:08 AM
مشكورة ثوماية بعد عمري انت

رنوة
11-03-2011, 01:10 PM
:mq:حبيباتي الخياطات الحلوات اني ما عندي مانع اسويلكم ورشة بس كولولي شنو المطلوب ... اني راح اكول لكم وانتو صححولي .... اولا انزل الاحتياجات الازمة بلقطعة الي حابين نعملها .... ثانيا انزل صور الموديل من كل الاتجاهات حتى يسهل العمل ....ثالثا نبدي العمل ....ونزل صور الخطوات الاساسية من الاف الى الياء....اذ هذة هية فكرة الورشة اني مستعدة اتعاون وية اخواتي ..حتى انسوي ورش لتطبق الموديلات المطلوبة .. ها بقى شي اتكولولي شنو حابين تتعلمو اني حاضرة وان شاء الله ايصير خير وانجح وياكم ....:mq::mq:

:14786::14786:
تسلمين ياوردة بس نتمنى منثقل عليج

رنوة
11-03-2011, 01:14 PM
سلام بنات
حبيتي رنوة شنو ماكو بس التنورة والسترة والدشداشة ههههههههه يمعوده ملايين الموديلات اكو
بس اذا تعرفين الاساسيات اتصير كله سهلة عليك

هلاو حبيبتي
صحيح اكو هواية موديلات بس مثلا الدشداشة او البجامة اسهل شي ممكن اي واحد يتعلم بسرعة علمود هيج
واما السترة والياخة هاية العقدة مالتي
وان شالله هم نتعلم موديلات اخرى على ايد البنات ميقصرون بس شوية شوية
واني الاساسيات كلهة اعرفهة وحتى الباترون اعرف اسويه وان شالله سهلة

اشرقت الاء
11-03-2011, 02:28 PM
حبيبتي رنوة لا بيهة ثقل ولا شي اني اتمنى اسوي شي حلو بلمنتدى واتعاون وياكم حتى احس اني وحدة منعدكم (ها لو هاي طردة بنزاكة انتتو اكيد شفتو شغلي وعادي احمللكم الورشة قبل لا اسويها ) شكرا حبيبتيhttp://www.bntmofeid.com/up2/upfiles/Zoi41825.jpg (http://www.bntmofeid.com/up2/)

مكارم
11-03-2011, 02:49 PM
يبارك بعمرك غاليتي اشرقت الاء
وان شاء الله الكل يستفاد من خبرتك في الخياطه وانا معكم في اي شي تحتاجوه

اشرقت الاء
11-03-2011, 06:53 PM
الله ايخليك اختي مكارم وبارك الله بيكhttp://www.bntmofeid.com/up2/upfiles/Oq758815.gif (http://www.bntmofeid.com/up2/) http://www.bntmofeid.com/up2/upfiles/oLV58815.gif (http://www.bntmofeid.com/up2/)

رنوة
11-03-2011, 07:02 PM
حبيبتي رنوة لا بيهة ثقل ولا شي اني اتمنى اسوي شي حلو بلمنتدى واتعاون وياكم حتى احس اني وحدة منعدكم (ها لو هاي طردة بنزاكة انتتو اكيد شفتو شغلي وعادي احمللكم الورشة قبل لا اسويها ) شكرا حبيبتي

http://www.bntmofeid.com/up2/upfiles/zoi41825.jpg (http://www.bntmofeid.com/up2/)



لااااااااااااااااااااااااا بالعكس حبيبتي طبعا والله العظيم شغلج يخبل مو طبيعي الله ينطيج العافية هو احنة نطول وحدة مثلج تعلمنة شنو طردة يمعودة والله مصدكنا هيج ابداعات تدخل لمنتدانا وتشارك ويانة بعد عمري انت والله موقصدي اني كلش اسفة اذا فهمتي قصدي غلط اعذريني وبعدين انت وحدة منعدنة اصلا كلنة هنا خواتج وعلوااااااه لو تسويلنة دورة هسة ام ثومة ان شالله تبدي بورشة دشداشة بناتية منزلة الموضوع شوفيه وانت اذا تحبين تبدين ورشتج واني اتمنى هذا الشي وباي موديل انت تحبيه هم نزلي اعلان مثل اعلان ام ثومة واني شخصيا راح اشترك بالورشتين حتى اذا اثنينهم بنفس الوقت واذا اكو وحدة ثالثة هم ادخل اموت على الخياطة بس ينرادلي هواية تقوية ومعلومات

رنوة
11-03-2011, 07:04 PM
يبارك بعمرك غاليتي اشرقت الاء
وان شاء الله الكل يستفاد من خبرتك في الخياطه وانا معكم في اي شي تحتاجوه


تسلمين خالتي الحبيبة دائما سباقة للخير الله ينطيج الصحة والعافية ويباركلج باحبائج

اشرقت الاء
11-03-2011, 07:22 PM
فدوة لعيونج رناوي اني اضحك وياج حبيبتي احنا اهنا كلنا اخوات بالله ,,, واني اعتبر نفسي اقل وحدة بيكم (طبعا مو بلعمر هههههه ) حبيباتي اتمنى الكم الموفقية انشا الله فد كم يوم انزل الورشة خلي تبدي ام ثومة حبيبتي الله ايوفقها واني راح اسويلكم فستان بيت بسيط بس اشوية ينرادلة تركيز اندعولي بوسات لعيونج الحلوة حبيبتي http://www.bntmofeid.com/up2/upfiles/D1I59770.gif (http://www.bntmofeid.com/up2/) http://www.bntmofeid.com/up2/upfiles/JXc59770.gif (http://www.bntmofeid.com/up2/)

رنوة
11-03-2011, 07:36 PM
الله يوفقج وينطيج كل الي تردية ويرضيج بحق الحبيب محمد (ص)
وهاية هم بوسات مني لعيونج ياوردة

ـأأمـ ثومهـ
11-03-2011, 08:24 PM
ولجن اشكد تحجن هع هع

هلا اشرقت يله شوفينا ابداعاتج بس ياريت شي بسيط اسوين لانه مو الكل يعرف ايخيط واني اكيد راح اشترك بي:dr:

اشرقت الاء
11-03-2011, 10:54 PM
ولجن اشكد تحجن هع هع

هلا اشرقت يله شوفينا ابداعاتج بس ياريت شي بسيط اسوين لانه مو الكل يعرف ايخيط واني اكيد راح اشترك بي:dr: هلا بيج حياتي ام ثومة الوردة ,,,,شوفي اني ابد ما اضحك ولو ضحكت فابتسامة بس لو تدرين لوين طكيت الضحكة من قريت تعليقج
بعد عمري الله ايخليلج ثوماية :co::co:

تغريد البلابل
12-03-2011, 03:33 PM
هلو بنات الدردشة اشلونكم
حبايب اني حضرت الدروس واني النسبة الي احب ابدي بالاساسيات
حتى الي متعرف تتعلم من البداية
ان شاء الله ابدي بيه الاسبوع الجاي
والله يسهل على الجميع
منوووووورة خالتي الغالية

رنوة
12-03-2011, 05:25 PM
اوكي حبي غرودة طبعا لازم الكل يعرف الاساسيات مشكورة على المبادرة الحلوة واني هم اشارك بالدورة مالتج

تغريد البلابل
12-03-2011, 08:30 PM
ان شاء الله حبيبتي رنوة
الله يسهل ونسويه باقرب وقت

اشرقت الاء
13-03-2011, 11:18 AM
الله يسهل عليج وعلينا حبيبتي غرودة واحنا ننتضر الدروس وان شاء الله نستفاد كلناhttp://www.bntmofeid.com/up2/upfiles/59H03685.jpg (http://www.bntmofeid.com/up2/)

فضه
13-03-2011, 11:59 AM
اكووووووووول بنات المسؤولات المشرفات ليش متسوون اعلان اعلى الصفحه بالمنتدى
حتى ايكون الاشتراك اكثر شكرررا

تغريد البلابل
13-03-2011, 09:56 PM
هلو بنات اشلونكم
حبيبتي فضة ان شاء الله انسوي اعلان باقرب وقت لان الدروس بعد مابادية
هاي مشاركات من البنات الورشات الي يفتحوه
لان اني راح ابدي من الصفر ههههههههه من الاساسيات

تغريد البلابل
13-03-2011, 11:48 PM
طبعا بنات اكو اهنا راح ايسون بعدي الام بازار سوق خيري واني دا اشارك بي بالخياط وبالحياكة وهذا الاسبوع داشتغل وان شاء الله من يخلص ارويكم الشغل والمعرض

رنوة
17-03-2011, 07:10 PM
هلو حبيباتي صارلي فترة من اشتريت اقمشة ما اعرف اسمائهم ردت اسوي فساتين مال سهرة البسهن بالمناسبات شكد دا احاول اتخيل موديلات ماكو ابالي افكار كلت خلي اسأل الخياطات المحترفات بلكي يساعدوني
القماش الاول هو مطاطي لونة برتقالي لماع كلش حلو اريد اسويه فستان بيه كلوش من جوا وبعد ما اعرف شنو التفاصيل وهاية صورتة
[/URL]

http://im2.gulfup.com/2011-03-17/1300385970121.jpg (http://www.up-00.com/)

والثاني هو شوية خفيف ولماع ولونة نيلي



[URL=http://www.up-00.com/]http://store1.up-00.com/Mar11/fGU86200.jpg (http://www.up-00.com/)


انتظر ردودكم واقتراحاتكم مع الشكر لاحلى خياطات

رنوة
17-03-2011, 07:11 PM
طبعا ما اعرف شلون اصغر الصور علمتني لولة (ثوماية) بسسسسسسسسسسسسس ماريد اتعب روحي وافتهم خخخخخخخخخخخخخخخخخخخخخ

ـأأمـ ثومهـ
17-03-2011, 09:27 PM
اووووووف منج هسه ارجع اعلمج مره الخ وصغرتهن تدللين

رنوة
17-03-2011, 10:20 PM
دائما تحرجيني بكرمج
اشكرج حبيبه قلبي انت

رنوة
22-03-2011, 11:52 PM
اشو ماكو خياطات هنا شكو
اكول عود اني نزلت صور واسئلة بخصوصهم ولا وحدة جاوبتني زعلت

فضه
23-03-2011, 12:19 AM
هسه ادورلج رناوي
اكول بنات اذا عدكم فصالات صدر مال دشداشه شي غريب نزلوا انشوف
شوفوا هذا الصدر بنيه دزته قياس دشداشه داخيطلهه
http://www.9o9i.com/upfiles/ikr27765.jpg
ضاربه الصدر اول شي لاصق ومخططه الاقلام ومخيطه شريط اسمه يمكن قيراج طابكته ومخيطته
وبعدين مخيطه فوكاه الدانتيل شوفوا
http://www.9o9i.com/upfiles/ejc27765.jpg

هوه مبالغ بيه بس فكرة القيراج عجبتني

فضه
23-03-2011, 12:38 AM
هلو حبيباتي صارلي فترة من اشتريت اقمشة ما اعرف اسمائهم ردت اسوي فساتين مال سهرة البسهن بالمناسبات شكد دا احاول اتخيل موديلات ماكو ابالي افكار كلت خلي اسأل الخياطات المحترفات بلكي يساعدوني
القماش الاول هو مطاطي لونة برتقالي لماع كلش حلو اريد اسويه فستان بيه كلوش من جوا وبعد ما اعرف شنو التفاصيل وهاية صورتة


http://im2.gulfup.com/2011-03-17/1300385970121.jpg (http://www.gulfup.com/)

والثاني هو شوية خفيف ولماع ولونة نيلي



http://store1.up-00.com/Mar11/fGU86200.jpg (http://www.up-00.com/)


انتظر ردودكم واقتراحاتكم مع الشكر لاحلى خياطات
شوفي هذا
http://www.9o9i.com/upfiles/feu29455.jpg
اذا عندج ساده طعميه والافضل احمر واشتري شذر خليله للصدر
وهذا
http://www.9o9i.com/upfiles/68y29455.jpg
هذا ماعليج بالفصال الجوه بس شوفي الصدر
الفكره اتكدرين تشترين صدر جاهز وتركبيه
وهذا مثله
http://www.9o9i.com/upfiles/zaq29455.jpg
وهسه هم اشوفلج والاحسن دزيلياه افصله هههههههه

فضه
23-03-2011, 12:50 AM
http://www.9o9i.com/upfiles/zos30224.jpg
هذا بسيط تكصين وصله عله عرض الصدر وتخرطيهه من الامام وتشكلين فيونكه والتعاليك
بعدين كصي الكلوش وسديهه وخيطي الصدر وياهه

اشرقت الاء
23-03-2011, 08:10 AM
هلو حبيباتي صارلي فترة من اشتريت اقمشة ما اعرف اسمائهم ردت اسوي فساتين مال سهرة البسهن بالمناسبات شكد دا احاول اتخيل موديلات ماكو ابالي افكار كلت خلي اسأل الخياطات المحترفات بلكي يساعدوني
القماش الاول هو مطاطي لونة برتقالي لماع كلش حلو اريد اسويه فستان بيه كلوش من جوا وبعد ما اعرف شنو التفاصيل وهاية صورتة


http://im2.gulfup.com/2011-03-17/1300385970121.jpg (http://www.gulfup.com/)

والثاني هو شوية خفيف ولماع ولونة نيلي
حبيبتي رنوة شوفي هذا البودي نفس اقماشج تقريبا
http://www.bntmofeid.com/up2/upfiles/eDU56550.jpg (http://www.bntmofeid.com/up2/) وهذة ثانيةhttp://www.bntmofeid.com/up2/upfiles/9sj56550.jpg (http://www.bntmofeid.com/up2/) طبعا هذا خياطتي وهذة للمشجر اتكدرين اتضيفيلها ردن http://www.bntmofeid.com/up2/upfiles/kAB56550.jpg (http://www.bntmofeid.com/up2/) وهذة الي سويناها بلورشةhttp://www.bntmofeid.com/up2/upfiles/AHK56550.jpg (http://www.bntmofeid.com/up2/) وهذة اني امسويها سودة بس فكرتها حلوة تكدرين تستفادين منها قصة الصدر كلش حلوةhttp://www.bntmofeid.com/up2/upfiles/hWl56550.jpg (http://www.bntmofeid.com/up2/)

http://store1.up-00.com/Mar11/fGU86200.jpg (http://www.up-00.com/)


انتظر ردودكم واقتراحاتكم مع الشكر لاحلى خياطاتووووووووووووووووووووووووووووووووو

رنوة
23-03-2011, 10:28 AM
وااااااااااااااااااااااااااااااااااااااااااااو تسلم ايديكم حبيبة قلبي فضة والاء الحلوة تسلمولي الله ليحرمني منكم تعبتكم

رنوة
23-03-2011, 10:30 AM
فضة انت بس كولي وين بيتج هسة اجيج حتى تفصليلي خخخخخخخخخخخخخخ

رنوة
23-03-2011, 10:33 AM
الاء هذا الثوب الاسود بديييييييييييع وفيكة كلش شنو هذا الخياط الحلو تسلم ايدج وردة
طبعا كلما تنزلين صور اني اباوع على بيتج يخبببببببببببل وديكوراتة حيل غريبة ومرتبة اكيد هذا الترتيب كلة لاديج الحلوات

اشرقت الاء
23-03-2011, 11:36 AM
حياتي الله ايخليج رناوي كلة كدامج عمري اي شي ايعجبج اني ادزة الج هذة الصالة بلطابق الثاني اني امسويتها خاصة بية يعني امخلية مكينة الخياط ومكينة الاوفر والقماشات يعني امسويتها ورشة وكعدة للحبايب الي يجوني اتمنى فديوم تجين يمي انت والبنات كلكم والله اتمنى اني احب اجواء الصداقة

رنوة
23-03-2011, 02:25 PM
بيتج عامر ان شالله حياتي تستاهلين اكثر على هالاخلاق الحلوة حرامات لو اني قريبة عليج والنبي جان جيتج المشكلة اني ابغداد وانت بالديوانية حسب ما اتذكر واني هم اموت على الصداقة وخصوصا اذا جانت الصديقة وحدة مثلج

اشرقت الاء
23-03-2011, 05:06 PM
حبيبتي رناوي الله ايخليج وانشا الله الايام كدامنا لابد مانلتقي بيوم على خير

فضه
23-03-2011, 11:02 PM
تدللين رناوي واني مثلج هم اظل اتفرج عله صور الاء الديكور مرتب وهيه هم شكلهه مرتبه
وماشالله خياطج الاء توووب
وياريت بعد اتنزلين صور خياطج نستفاد من الفصالات هسه فصال الاسود عجبتني الفيكه
صدك من وين تجيبين الفصالات:bf:
رتوه اني هم بغداد مافيدج ههههه

اشرقت الاء
24-03-2011, 08:26 AM
اهلا بيج فضاوي حياتي اني صار رأيي انزللكم صور بيتي موالخياط هههههههههههههه حبيباتي بغداد مو بعيدة احنا دائما نروح يعنيي للزيارة بالكاظمية والكرادة والمنصور ها اكثر السعدون لان طبيب مصطفى هناك ,, عدنا اقارب بمناطق ببغداد يعني فد يوم تلكوني هاجمة عليكم هههههههههههههه

رنوة
24-03-2011, 11:03 AM
هلاو فضة حبيبتي ليش متفيديني والله اتمنى اتعرف عليكم اكثر ازوركم وتزوروني والاء هم طلعت تجي لبغداد يعني اكو امل باللقاء ويييييييييييييييييييييي هذا يوم عيد يوم الي اشوفهة هاجمه علية

رنوة
24-03-2011, 11:10 AM
http://multiply.com/mu/lwiza/image/1/photos/332/600x600/43/algerian-home-clothes-exclusive-naoel-42.jpg?et=Ff%2B2gneKESZzd%2BHNq1mCOw&nmid=206253211

http://multiply.com/mu/lwiza/image/1/photos/332/600x600/45/algerian-home-clothes-exclusive-naoel-44.jpg?et=cjz8nDVxtleTiwzMOGvgcA&nmid=206253211

http://multiply.com/mu/lwiza/image/1/photos/332/600x600/48/algerian-home-clothes-exclusive-naoel-47.jpg?et=XOnC7U%2B2QgZ%2B3Qppf41yYw&nmid=206253211

http://multiply.com/mu/lwiza/image/1/photos/332/600x600/50/algerian-home-clothes-exclusive-naoel-49.jpg?et=yNISU344iKQBgLzsyNWwcA&nmid=206253211
http://multiply.com/mu/lwiza/image/1/photos/332/600x600/51/algerian-home-clothes-exclusive-naoel-50.jpg?et=egyJ9R7AeCZ%2CBWVtxqe%2CKA&nmid=206253211

http://multiply.com/mu/lwiza/image/1/photos/332/600x600/52/algerian-home-clothes-exclusive-naoel-51.jpg?et=sOhQ3iOarOh7t1DvU4t0pg&nmid=206253211

http://multiply.com/mu/lwiza/image/1/photos/332/600x600/57/algerian-home-clothes-exclusive-naoel-56.jpg?et=nq3ss4e0jS0JsjXNlqvQ8g&nmid=206253211

http://multiply.com/mu/lwiza/image/1/photos/332/600x600/59/algerian-home-clothes-exclusive-naoel-58.jpg?et=Rzmc%2Cofgc7h274zyiUlriA&nmid=206253211


حياتي فضة هذي موديلات دشاديش ان شالله تستفادون منهة انت والبنات
انتظري اكو بعد

رنوة
24-03-2011, 11:22 AM
http://multiply.com/mu/lwiza/image/1/photos/332/600x600/66/algerian-home-clothes-exclusive-naoel-65.jpg?et=W8bdYWT4jvtbNyB1zFbsrQ&nmid=206253211http://multiply.com/mu/lwiza/image/1/photos/332/600x600/75/algerian-home-clothes-exclusive-naoel-74.jpg?et=%2C5P0ho5WWjshHd%2B4Th9iBg&nmid=206253211

http://multiply.com/mu/lwiza/image/1/photos/332/600x600/76/algerian-home-clothes-exclusive-naoel-75.jpg?et=kS44NThJKbQeNRIknSrZTQ&nmid=206253211

http://multiply.com/mu/lwiza/image/1/photos/332/600x600/80/algerian-home-clothes-exclusive-naoel-79.jpg?et=irHvTNrn8pmBaE1DOUJMIg&nmid=206253211

http://multiply.com/mu/lwiza/image/1/photos/332/600x600/81/algerian-home-clothes-exclusive-naoel-80.jpg?et=1dgHklAmV8JY9yQsY6YMpQ&nmid=206253211

http://multiply.com/mu/lwiza/image/1/photos/332/600x600/98/algerian-home-clothes-exclusive-naoel-97.jpg?et=iBkI%2CzxyXcnPOrBFAMDNyg&nmid=206253211

فضه
24-03-2011, 12:41 PM
شكرا رنوه حبي هم عندي مثل هذي الموديلات شكرا بس حبيت اشوف خياطكم
صدك انتو تخيطون للناس بفلوس لو بس الكم
اني اخيط لصديقاتي اقاربي بفلوس
والاء انتي وين بالعراق اني بغداد بالحريه ونتشرف وين متكونين

مكارم
24-03-2011, 01:43 PM
ماشاء الله
صار فتره ماداخله هنا
بس الدشاديش كلش حلوه فصالاتهم واني عندي 2 كاعدات على النص يمكن احور بيهم على بعض الموديلات اللي منزليهم
الاء اني قبل يومين جنت بالديوانيه مرت للكراج حتى اجي لبغداد
طلعنا قرايب
هههههههههههه

اشرقت الاء
24-03-2011, 04:35 PM
اهلا بيج فضة حبيبتي اني من الديوانية واني بديت تقريبا من 3 اشهر بمشروع الخياطة وماشية والحمد لله اهلا بيج حياتي مكارم والله لوعندي علم ابجيتج للديوانية جان اجيتج واتعرفت عليج بلمناسبة انت من وين

اشرقت الاء
24-03-2011, 04:38 PM
رناوي تسلمين كلش حلوات الدشاديش

رنوة
24-03-2011, 07:27 PM
تتدللون حبايب
خالة مكارم منورة
فضة حياتي اني مبتدئة شوية شوية دا اتعلم يعني مو مال اخيط بفلوس خاف اخرب هدوم العالم خخخخخخخخخخخخخخخخخخخخخخ

تغريد البلابل
25-03-2011, 12:39 AM
هلووووووووووووووووووووووو
ابد ما احبكم محد سئل عليه
ملتهين بدشاديشكم هههههههههههههههههههههه
الموديلات كلش حلو الي منزلته رنوة ياريت لو اتسوين موضوع وحده اتخليه بيه حتى البنات يستفادون من ايريدون موديلات دشاديش بيت او كلابيات
والاء خيطك مرتب عاشت ايدج والله يرزقك اني هم عندي اقارب بالديوانية هههه
رنوة لو فضة من منكم بالحرية بيت اخوية هم بشارع المدارس بس هسة اتحولو مدري وين بالضبط لان اني اهنا من اتحولو
منورة خالتي الغالية
فضة موديلاتك حلوة تسلمين والدشداشة الوردي حلو صدره لو على قماش سادة
ام ثومة ما كو فعاليات
زين اني محد يجي اهنا زيارة اشوفه بس خالتي الغالية اجت وشافتني ؟

اشرقت الاء
25-03-2011, 02:26 PM
غرودة حبيبتي اتمنى اجي بلعطلة لسوريا ,,,,, يارب اندعيلي ,,,, اشلون محد امتابع اخبارج اني اعرف انتي مشغولة بلبازار الي يمج ها بلمناسبة مثل شنو يعني البازار يعني انتو تشتغلون وتعرضون بلمعرض وتبيعون بشكل مؤقت لو شكل دائمي مثل الجمعيات الي كانت عدنا سابقا او انت تنضمي بوحدج او مجموعة ,,,, ضوجتج مو هواي احجي هههههههههههههه

رنوة
25-03-2011, 05:14 PM
هلااااااااااو حبي غرودة مكانج جان خالي
ههههههههههههه حلوة مال ملتهين بدشاديشكم
اني بيتنة بالسيدية فضة بيتهة بالحرية
وبالنسبة للموضوع فضة نزلت موضوع خاص مال فصالات دشداشة هم حلوات

رنوة
25-03-2011, 05:15 PM
اكول تغريد شوكت تبدين الدورة مالتج منتظرين حبي

رنوة
25-03-2011, 05:16 PM
طبعا وردة حبيبي صارلهة فترة غايبة محد يعرف اخبارها

تغريد البلابل
25-03-2011, 07:14 PM
هلو حبايبي
اتشاقه وياكم
الاء ان شاء الله تجين بالعطلة ونتعرف عليك
طبعا البراز اتاجل علمود الضروف اشوية اهنا ايخافون
بالنسبة للبزار اكو معهد تابع لليو ان يشترون قماش وخيوط صوف وحرير ومال تطريز ويخلون الطلاب يشتغلون بيه ويبعوه بالبزار الي سوق خيري ويرجع للطلاب الوارد يعني اني اساعد البنات بالافكار والخياط والحياكة والتطريز بس واعلمهم واقدملهم افكار اشويه جديدة لان دمروني البنات هم بس دشاديش هههههههههههههههههه
رنوة يسلم بيج وراعيه حبي
اني والله حضرت الدروس اشوف الادارة وابدي
وبالنسبة الج هم فتحي موضوع لو مابج حيل اتنسخين الصور خطيه تتعبين رايحة جايه هههههههههه لان الموديلات غير شكل