الى محترفات وهاويات الخياطة

[رنوة]

مرحبا حبيباتي
اليوم وبهذا موضوعنة نريد نعرف من كل وحدة تعرف اتخيط حتى لو كانت مبتدئة شلون اتعلمت الخياطة
ومنو علمها واذا اكو اساليب ممكن الوحدة تتعلم بيهة الخياطة فنحاول نذكرهة حتى الكل يستفاد منهة مثلا مواقع بالنت او كتب او دورات الخ...؟؟؟
هسة المطلوب كل وحدة تفوت تعرف اتخيط تحجيلنة عن تجربتهة بالخياطة لأي مستوى وصلت وشلون وصلت ....

وووووسلامتكم

[‏وردة حبيبي]

عاشت ايدج رنوده على الموضوع الجميل والي يشجع على الاستمرار بالخياطه من خلال تجارب الاخرين اني بالنسبه الي كان عندي اوليات من امي من اني وصغيره جنت اخيط البزونتي واللعابات وايضا شورات الي وبعدين تركت الى حد ازوجت واجيت الهولندا فصار عندي وقت فراغ فصار عندي واهس اطور نفسي واتعلم الخياطه بالبدايه اخيط الاشياء الاعرفه مرات مضبوطه ومرات لا وقمت ابحث من النت على التعليم الخياطه الى حد ما عثرة **** خاص لتعليم الخياطه وصدك يعلم زين وهي الخياطه على الباترون والحمد الله ضبطتة الرسم الباترون والان عندي شي دااطبقه على الباترون واذا نجح اكوللكم عليه وانزلكم تعليم رسم الباترون كنت اصور صعب بس طلع كلش سهل

[رنوة]

كل الهلا بيج ورودة وهسة انت احسن خياطة وتجاربج الي شفناهة تشهد ويارب تتطورين اكثر واكثر

[ـأأمـ ثومهـ]

يسلموووووووووووووووووووووووووو ع الموضوعــ الحلووو حبـي

تعليمي وحبـي للخياطه جان من قبل أمي حبيبتي من جنت صغيره ماما جانت عدها ورشه خياطه وعاملات عدها يم بيتنا وجانت مختصه فقط خياطة الاطفال وبرأيي خياطه الاطفال اصعب شي فـاأمي جانت من اتخيط اتكعدنه يمها حتى اتعلمنا أني وأختي واخويه من جنا صغار لمـن صرت متوسطه كمت اموت من المكينه والخياطه وجنت أعشق الرسم وبس ارسم بعدها كمت اصمم ملابس بالرسم وماما اشوفها واتكولي راح افصلها وانخيطها وشوفي اشون اتكون حلوه وبالفعلــ عجبتني الفكره كمت أصمم وارسمه وهيه اتفصله كدامي ومن هذا اتعلمت وهسه اي شي اريد اخيطه ارسمه اول شي واخذ رائيها وافصله كدامها لانه للاسف مااحب افصل ع الباترون وبعدها اخيطه والي يشوفو ميصدكون هذاخياط ومو بس القماش حتى الاشياء الي ماللبسها ارجع افتكها واخيطها من جديد وبفكره جديده وكلـ يوم داطور نفسي

والحمدالله والشكر

:477:

[مكارم]

موضوع رائع
طبعا انا الوالده الله يرحمها كانت تخيط لنا شغلات بسيطه للبيت ونفانيف للعصريه مال البيت
اني يعجبني
بس شلون اتعلم كمت اتعلمت وحدي على الباترون مال بوردا
وكمت اخيط لي ولالبيت كلهم ومرات بلا باترون اخلي الملابس واكص عليها باترون وارجع افصل
جنت اخيط ملابس للدوام والقمصان تجنن بس هسه لا مقلله لان ماتسوى الواحد يخيط بس شغلات بسيطه للبيت
اي تمام

[رنوة]

كل الهلا بيج كليبي ام ثومة ويارب يحفظ الوالدة ويخليهة الج وفعلا ملابس الاطفال اصعب شي وانشالله في تطور مستمر الى ان نشوفج مصممة عالمية

[رنوة]

مكارم حبي الله يرحم الوالدة ويرحم امواتنة وامواتكم جميعا
بس اني اشوفهة تسوى هم تقضين وقت فراغج بشي مفيد وهم تستمتعين بهذا الوقت لان الخياطة متعة لمحبيها
وشكرا الج

[رنوة]

وبالنسبة الية.....
طبعا اني احب الخياطة موت واتمنى اوصل لمرحلة اخيط كل ملابسي بنفسي بس بعدني مبتدئة صار 4 او 5 سنوات احاول تعلم اكيد موبصورة مستمرة بين فترة واخرى افتك القديم وافصل عليه واخيط نفانيف اطفال وهسة اني اعرف اخيط الدشداشة العادية طبعا هية فصالات هواية يعني خيطت اشكم فصال ومنجحت من اول مرة وضليت احاول الى ان دبرتهة
وهسة دا اخيط ملابس ابني جعفوري يعني مثلا كلبية او بجامة والحمد لله دتطلع حلوة
وجاري التجارب

[مكارم]

اقتباس:
المشاركة الأصلية كتبت بواسطة رنوة http://www.iraqiyat.net/vb/bahaar/buttons/viewpost.gif (http://www.iraqiyat.net/vb/showthread.php?p=660877#post660877)
مكارم حبي الله يرحم الوالدة ويرحم امواتنة وامواتكم جميعا
بس اني اشوفهة تسوى هم تقضين وقت فراغج بشي مفيد وهم تستمتعين بهذا الوقت لان الخياطة متعة لمحبيها
وشكرا الج



حياتي تمام الخياطه متعه لكن انا عندي هوايات كثيره من ضمنها الخياطه ولكن الهوايه الاصليه هي الحياكه
وكذلك انا اطرز والاعمال اليدويه احبها كذلك
والعمر والصحه بعد لاتسمح بالجلوس امام ماكنة الخياطه طويلا
وشكرا لردك اللطيف

[الصيدلانيه]

انا ايضا تعلمت من كنت ارى والدتي تخيط وهي تقص اقابلها واقعد وكانت نومه الظهريه بالصيف ما اطيقها فاروح اطلع قماش من الكنتور واقص بكيفي على خيالي شلون اتخيل الملابس تصير واخرب واخيط بكيفي واشياءتنجح واشياء لا
وبعدها هم شفت عمتي وحماتي يخيطون على البا ترون شفته سهل وتابعت فترة وياهم بس ما استخدمته وحدي ابد
وبعدها استمريت وتعلمت ولكن فترات متقطعه
الان اعرف بس امشي نفسي بس وترتيبات للجها ل
واللي عنده واهس ووقت كلشي يتعلم والمسائل كلها سهله وممو مستحيله لكن التمرن وكثرة التجارب تسهل الامر

[تغريد البلابل]

السلام عليكم
اني جيت ونورت البيت
الموضوع رووووووووووعة
اني والدتي هم خياطة بس مجانت تقبل اتعلمني اتكلي تعب عليك الدراسة اوجب جنت رسامة هم
وبعدين فد يوم بلا حسه جنت بالثالث متوسط يمكن خليت دشداشتي على قماشي الجديد وفصلت وخيطته بدون محد يدري لان اني كلش جريئه بالمقص ما اخاف منه وطلعت مضبوطه بس الكتف ضيق جنت ما خاله بيه عرض للخياط
وبعدين شافته الوالدة صفنت عليه اتعجبت طبعا بس هم اترزلت وراها كامت اتخلين اكعد على المكينة وكلش هم حريصة على الماكينة يعني مخربته فد يوم حتى من جنت صغيرة وهي تفصل واني اخيط الى ان بالخامس علمي رحت وياه لخياطة جانت تفصل واحنه نخيط بالبيت وشفت عده فصالات كومه وتطريز على الماكينة وسويت الي وراويته كامت تنطيني اشكال التطريزات اسويه واتعلمت اكثر
وحتى من جنت بالكلية مع انه هندسة مدني وصعبة بس الشاطر شاطر جنت بالوف الجمعة والسبت اخيط لصديقات الي وياي شغىت اتخبل
وبعدين من اتخرجت متعينت وكعدت سنتين بالبيت هم بس اخيط مره على الباترون ومره هيج بس احب اطور دائما احب نفس الشي لان العالم بتطور دائم
ومن اتزوجت خيطت بدلاتي كله بس مال الزفاف مع الاسف ملحكت عليه
وراه لبناتي كومه اسوي شغلات وحتى لزوجي سويتله بنطلون رجالي وقمصان كم مره ماعده شغلات البيت بس مجرد اجرب مو اكثر لان احب التجربة اشوف نفسي اكدر لو لا
واهنا من جيت لسوريا كلش رهيبين بالخياط وحبيت اتعلم التصميم على اصوله فدخلت دوره تفصيل الباترون الفرنسي الاصلي وهسة اكدر اسوي اي باترون اشوفه وباي قياس مطلوب
يعني اعتبر نفسي محترفة والحمد لله رجالي ونسائي

[تغريد البلابل]

اقتباس:
المشاركة الأصلية كتبت بواسطة مكارم http://iraqiyat.net/vb/bahaar/buttons/viewpost.gif (http://iraqiyat.net/vb/showthread.php?p=660882#post660882)
اقتباس:
المشاركة الأصلية كتبت بواسطة رنوة http://www.iraqiyat.net/vb/bahaar/buttons/viewpost.gif (http://www.iraqiyat.net/vb/showthread.php?p=660877#post660877)
مكارم حبي الله يرحم الوالدة ويرحم امواتنة وامواتكم جميعا
بس اني اشوفهة تسوى هم تقضين وقت فراغج بشي مفيد وهم تستمتعين بهذا الوقت لان الخياطة متعة لمحبيها
وشكرا الج



حياتي تمام الخياطه متعه لكن انا عندي هوايات كثيره من ضمنها الخياطه ولكن الهوايه الاصليه هي الحياكه
وكذلك انا اطرز والاعمال اليدويه احبها كذلك
والعمر والصحه بعد لاتسمح بالجلوس امام ماكنة الخياطه طويلا
وشكرا لردك اللطيف



الله يعطيك الصحة والعافية خالتي الحبيبة انتي الخير والبركة

[رنوة]

اختي مكارم العمر الطويل والصحة والعافية ان شالله
ياهلا بالصيدلانية نورتينة وشكرا لمرورج الحلو

[رنوة]

مشكورة حبيبة تغريد البلابل وفعلا نورتي ويا 100 هلا بجيتج
اكيد الاحتراف ابدا مو شي سهل يريدلة ذكاء وطولة بال وخصوصا الملابس الرجالي نادرا منلكة خياطة تدبرة ماشاء الله عليج ويارب الموفقية

[الانصارية]

اني الخياطه احدى هواياتي وتعلمتها من الوالده بس بصراحه باقي الاشغال اليدويه تستهويني اكثر
وماكو شيء صعب ابداااا

[رنوة]

هلا بشموسة ربي يخليلج الوالدة وفعلا ماكو شي صعب بسسس على الانسان الي يتصف بقوة الارادة

[ام كرم]

[صباح الخير على احلى منتدى اني اتعلمت الخياطة من جنت اصغيرة بطلب من امي دخلت دورة للخياطة بلموصل استفاديت منها بس ابصراحة خياطتي ما تطلع حلوة مثل الخياطات

[تغريد البلابل]

منورة اشتياق
الممارسة اهم شي اني دائما اشوف الخياط الحاضر المرتب اشلون امسويه واطبقه

[ام كرم]

[ولله المنتدى منور باصحاب

[رنوة]

هلاااااو حبايبي

[فضه]

موضوع جميل طبعا الوالدة جانت اتخيط واقلدهه من جنت صغيره اخيط ملابس لباربي بس بعدين تركتهه السبب الرجعني هوه شبعت قهر :123654:كلما اروح للسوك ماالكه ملابس عله قياسي كلهه على قياس الباربيات وشكو فصال تعبان للسمان فبديت اشتري قماش واخيط :mnbv:

[رنوة]

لكفتتتتتتتتتتتجججججججججج
يعني انتي دبدوبة هع
روحي لقسم الدايت وسويييييييييييييييييي ريجييييييييييييييييييييييييم

[تغريد البلابل]

للرفع
مع التقدير لصاحبة الموضوع

[اشرقت الاء]

بسم الله الرحمن الرحيم هلو حبيباتي خياطات عراقيات اني عضوة جديد ة وياكم وان شاالله اكون مفيدة بلمناسبة اني اول مرة اكعد ورة مكينة اخياط جان عمري 12سنة :trt:وكانت امي حامل باختي الصغيرة (طبعا كانت صغيرة هسة صارت مرة) وجنت افصل اثياب للصغيرة والثوب الي يطلع حلو طبعا اراوي لامي والي يخرب بدون شك ينشمر ومحد ايشوفة (حيالة مو )هههههه عادي اتعلمت الخياط من الوالدة بس اكثر اتعلمت من خالتي لان جانت خياطة ماهرة ( احنة انسميهة ازجيةعدنا بلعراق مو بالله) الله ينطيهة الصحة http://www.bntmofeid.com/up2/upfiles/DmZ17019.gif (http://www.bntmofeid.com/up2/upfiles/DmZ17019.gif)

[ـأأمـ ثومهـ]

الله يخليلج الوالده يارب وهلا بيج ويانه منورتنا وان شاءالله نستفاد منج وتستفادين منا

[رنوة]

كل الهلا بيج حياتي الاء وان شالله ربي يخليلج الوالدة وخالتج

[اشرقت الاء]

حبيباتي ام ثومة ورنوة الله ايخليكم ويحفضكم يارب http://www.bntmofeid.com/up2/upfiles/fgw66134.gif (http://www.bntmofeid.com/up2/) http://www.bntmofeid.com/up2/upfiles/nKk66134.gif (http://www.bntmofeid.com/up2/)

[فضه]

هله ومرحب بيج الاء منوره المنتدى :8977856:

[anna assinaat]

انا ايضا احب اتعلم الخياطه علي ايديكم انشاء الله ساعدوني رجاءا وشكرا للجميع

[رنوة]

كل الهلا بيج حبيبتي وان شالله اكو مشروع دورة خياطة هنا بالمنتدى ان شالله تفيدج وتفيد الجميع

[اشرقت الاء]

:ghghty: تسلمي اختي فضة والله النور نوركم :ghghty:

[قافلة العشاق]

:heart(5):موضوع حلوالصراحة اني اتمنى انزل مواضيع او صور لشغلي بس مااعرف :vdcgdg: صراحه ومثل الاغلبية الفضل الاول لست الحبايب ومع مرور الوقت الواحد يطور نفسه بنفسه واكيد المتابعةوالتجربة تفيد :heart(5):

[رنوة]

اهلا وسهلا بيج حبيبتي نورتي عراقيات واذا على تنزيل الصور كلش سهل ارفعيهم على مركز تحميل وانسخي كود المنتديات والصقيه بالصفحة مال الموضوع مالتج

[مروووج1980]

تسلم ايدج ع الموضوع اني تعلمت خياطة من عمتي من كنت صغيرة وكنت اخيط للعروشة مالتي امي جانت ما تقبل اخيط تكول تعوفين الدرسة وبعدين من وصلت الثالث متوسط فتحوا دورات ع البترون جنت اكول البترون صعب بس هو كلش سهل وتعلمت من عمتي اخيط دشداشة بطريقة كلش سهلة هاي اخيط بية نادر والحمد الله وصلت الي مراحلة جيدة في الخياطة يعني اني دوم اخيط لنفسي اي شي اشوفة ويعجبني واني امووووووووووت ع الخياطة واشغال يدوية هسة اني مصر ادواتي كاملة للخياطة امي ما تحب الخياطة ولا اخواتي طلعت بس اني بيهم احبة واتمني استقر مكان وافتح مشغل امنتي هاي وشكرا مرة ثانية ع الموضوع

[عراقية الدم]

اللهم صل على محمد وال محمد

انة عكس البنات امي ما تخيط لكن اختي الجبيرة جانت اتخيط ملابسهة الوحدهة لان جانت اداوم بمعهد المعلمات وجان ايام حصار اتفتك الملابس القديمة واتخيطها وانة من عدهة حبيت الخياطة وكل وحدة اشوفها اتخيط او تعرف اسالها عن الاشياء الي ما اعرفها وهيج اتعلمت بعد طلعان الروح وحد الان احب اتعلم يعني انة اقدر مستواي متوسط واتمنة اخيط على الباترون حتى اضبط البنسة والموديلات الجديدة لكن هذا يرادلة درس عملي واتمنة اخيط بدلة عروس ((((او هاي اشكد طموحة)))))))))

[رنوة]

مروج حبيبتي ان شالله تحققين كل احلامج وتستقرين
ووووشوفينا ابداعاتج حبي
ومليون هلا بيج بيناتنا

[رنوة]

عراقية الدم اهلا بيج حياتي والله يخليلج اختج وان شالله تتعلمين عالباترون هو سهل بس شوية يرادلة وقت وان شالله تتعلمين كلشي وتصيرين بروفشنل وهم شوفينا ابداعاتج ننتظر منج حياتي

[مروووج1980]

رنوة ممنونة منك يالغالية