ندااااااااااااااء عاااااااااااجل للحوامل ارجو دخول الحوامل والدكتورة رجاءا

[غادة الكاميليا]

السلام عليكم

عندي سؤال عن لقاحات الحامل منو تعرف شي تفيدني

يعني ضرورية او لاء؟؟؟؟

سالت هنا دكتورتي كالت انتي على راحتج اذا تريدين تروحين لاي مستوصف وتاخذين لقاح

اشو اني ضجت يعني بلا توجيه بلا موعد محدد او على الاقل اخذ اللقاح عند الدكتورة حتى اطمئن

شنو معلوماتكم افيدوني يرحمكم الله رجاءا

لان سمعت اللقاح بشهر الخامس من الحمل يعني اني بعدلي 10 ايام وادخل بالخامس

ماادري بدايته لو وسطه لونهايته واذا ماخذت لقاح هذا يشكل خطر على الجنين؟؟؟

[أنــتـــــےـ عمـــــےـري]

وعليكم السلام والرحمه والاكرام

حبيبتي غاده المستوصف روحي اني اتذكر بالعراق مالها علاقه الدكتوره رحت للمستوصف ينطون دفتر وبي مواعيد التلقيحات همه يحددوها انتي روحي سئلي وشوفي شيكولون

واعتقد هيه بس جرعه كزاز مرتين ينطوج ورها منشطات مرتين

هاي من جنت بالعراق لقحتهن بابني الاول

بس هسه لا هنا مينطون تلقيح بعد ماعرف يمج

انتي روحي وجيكي وسئلي حبيبتي

[فداتو روحي]

هلاو حبيبتي غدوووش

بالنسبه للقاحات عند اي مستوصف او مستشفى حكومي تلقحين لقاح الكزاز الجرعه الاولى بشهرج الخامس اما ببدايته او بنصه او بنهايته لان يعتمد على حركة الطفل اني بوكتها حسيت بحركة يونس بنهاية الخامس ورحت لقحت وطبعا الجرعه الثانيه ورا شهر تاخذيها والجرعه الثالثه ورا متجيبين بسلامه بتلث اشهر تاخذيها والرابعه ورا سنه من الانجاب تاخذيها والفائده من ابرة الكزاز تفاديا للتلوث الي يصير بالمستشفى اثناء الولاده وطبعا اذا المستشفى نظيفه والادوات الي يستخدموها نظيفه ومعقمه فماكو داعي للابره بس اني بوكتها اخذها كلت الحذر واجب ... وطبعا متحسين بيها وما بيها اي مضاعفات .... وبالنسبه للسجل مال طفل ميفتحوه هسه من يجي الطفل يسوون سجل كامل عن لقاحات النونو
تكومين بالسلامه حبيبتي وان شاء الله اكون فدتج بمعلوماتي

[المهندسة الكيمياوية]

السلام عليكم ورحمة الله وبركاته

كل عام وانتو بألف خير وياربي تكومون بالسلامة وتفرحون بالنونو مالتكم

حبيبتي غادة اهل العراق يختلفون عنة لان لقاحاتهم هواية 3 خلال فترة الحمل وواحد ورة الولادة بس بقية الدول العربية لا بس لقاحين مال كزاز وهاهية ... والاوقات مالتهم بكيفج من شهر الخامس للثامن شوكت ميعجبج اخذي اول لقاح وحسبي وراها بشهر اخذي الثاني ... وتلكين اللقاحات بأي مركز صحي ...
اني بوكتهة الدكتورة كالت ميحتاج لان اني ضامنة المستشفى والتعقيم والادوات الي راح استخدمهة فمتحتاجين تلقيح .....لان هذا اللقاح يخص التعقيم .

[الفراشة العراقية]

ينقل الى قسم المناسب

[بديل القمر]

نداء عاجل طيحتيني من طوووووولي عابتلج
وج والله فتت على الموضوع قلت لا بس بيهااا شي
يطلع البره خليهم يبزونج وخلصي بعد شنووووووووو قابل خايفه من جقت الابره
ونتي وراج ولاده

[غادة الكاميليا]

ام رغيد

تينا

زوزو ام عبودي

تسلمون حبايب شكرا للنصيحة

بدولة ليش هو اني خايفة من اللقاح؟؟ لا خخخخخخخ على كولتج هي جكة وتروح بس اشو مثل ماكالت زوزو الدكتورة تكول اني ضامنة نظافة المستشفى عليش التلقيح

وزوجي يكلي لا اخذي لقاح احسن فاني كلت اسال واشوف

خلص حتوكل على الله واروح اخذ جرعة مال شهر الخامس فد اسبوع

ثم تعالي هنا شنو وراج ولادة مو كلتوا الولادة سهلة هع هع

[بديل القمر]

لا سهله سهله لاتخافين هياا بس شوي اخ وايخ واووووووخ خو انتي مو خوافه
شطووووووره وتردين تصيرين ام
خلاص
لعد عطسسسسسه ان شاء الله وانتي جايبته فديته شووووووو ماسميتووووووووه

[غادة الكاميليا]

الله يسهل علية وعلى كل الحوامل

بدولة كلتله لزوجي من اروح اولد كللها للدكتورة تحسب كل 5 سنتمتر بجسمي وجكة بنج خخخخخخخخخخخ

اضمن

كتله ترة اني فضيحة خو ماستحي هنا يخصصون جناح للنساء فقط ممنوع دخول اي رجل ويكون القسم تحتاني والغرف فوك حتى محد يسمع يعني احجي على راحتي خخخخخخخخخخخخخخخخ

[د.فراشة الليل]

حبيبتي غدوش البنات مقصروا بالجواب وماشاء الله معلوماتهم حلوه وصحيحه
هو اهم شي تحسين بحركة الطفل وبعدين ترحين تلقحين واذا ضامنه نظافة المستشفى وادوات الولاده ماكو خوف حتى لو ما اخذتيها
وللامان اخذي لقاح الكزاز ووره شهر اخذي اللقاح الثاني
وبعد الولاده مو كلش ضروري اذا تاكدتي من نظافة المستشفى وادوات الولاده كانت معقمه زين والسر مال الطفل ما التهب
وتحياتي وان شاء الله تكومين بالسلامه

[مروشه]

حبيبتي مبروك عليج الحمل وان شاء الله تكومين بالسلامه واتمامة الخلقه للبيبي .اني بالنسبه الي مرتين لقحت مال كزاز كلتلي الدكتوره مالتي وحده بشهر الرابع و وحده بشهر السادس هاي بالطفل الاول بس وره الولاده ملقحت وهسه بالحمل الثاني لقحت مره وحده بشهر السادس وهي ابرة اللقاح متخص الطفل هاي الج تفاديا للتلوث اسم الله اذا ادوات المستشفى مو معقمه زين وان شاء الله تكومين بالسلامه حبي واني هم اسالج الدعاء ان اكوم بالسلامه بولادتي

[غادة الكاميليا]

شكرا دكتورة على جوابج بارك الله بيج ان شاءالله الاسبوع القادم اروح اخذ اللقاح


مروة تسلمين قلبي لكلامج وان شاءالله نفرح بسلامتج وسلامة النونو وتولدين ولادة سهلة وتجين تسولفيلنا
الف سلامة قلبي

[manal63]

الف سلامة غادة وتكومين انت والبيبي بالف سلامة

شوفي اللقاحات هي بس الكزاز بس شهريا لازم تجيكين الدم والادرار والضغط مهم
دائما تقيسي
والكزاز مثل ما كالت مهندستنا الكيميائية اول مرة بس وحتى مو ضروري اذا متاكدة من المستشفيات
تعرفين اهل قبل النسوان يحبون المرة تولد بالبيت
وان شاء الله ماكو شي وتكومين بالف سلامة

[غادة الكاميليا]

تسلمين قلبي منال

بارك الله بيج اني هم حاخذ لقاح الكزاز فقط

[سنوبيا]

اني هنا لاتلقيح ولاشي ابددد

الله يتتم حملج على خير ويسهل امورج

[غادة الكاميليا]

تسلمين سنوبيا همة هنا هم كالو ماحاجة للقاح لان متاكدين من التعقيم بس انس وسواسية وزوجي كلي مدام مايضر اخذيه احسن

الحمدلله قبل يومين رحت واخذت جرعة اللقاح حتى مابقى بقلق

تسلمون حبايب شكرا لكل نصيحة.