هل يجوز السفر في الشهر الثامن

[هديلة]

عندي سؤال اوجهه الى دكتورة فراشة الليل او اي وحدة تكدر تفيدني بهذا الموضوع وهو انه مفكرة اروح للشمال سفرة سياحية لمدة اربعة ايام مع العائلة وراح تصادف السفرة بداية شهري الثامن وكلش عاجبني اروح وبنفس الوقت خايفة كلشش هواية على حملي اخاف اتاذى بالطريق او اتعب هناك من التفرفر شنو رايكم ممكن السفر ياذيني لولا ؟ علما انه الدكتورة كالتلي اذا تريدين روحي لسوريا لان وضعج كلش زين بس بعدني خايفة على الطفل اواخاف ياكلني الندم بعدين اتمنى اسمع ارائكم بهذا الموضوع اروح لو لا ؟

[nasooma]

اني مثل حالتج جنت بالشهر الثامن وصارت عندي سفره
بس سئلت الطبيبة مالتي كالت ماكو ضرر
وكتبتلي فاليوم علمود لا احس بالالام من الطريق
واني وصيت السايق يخفف سرعته علمود الحمل
والحمد لله عدت على خير
اذا حابة تسافرين اتشيري طبيبتج علمود تكتبلج مسكنات للطريق
وان شاء الله تفيدج د فراشه هم بهالموضوع
يارب اكون افدتج

[هديلة]

عاشت ايدج نسومة والله فادتني نصيحتج هواية اني دكتورتي كالتلي تكدرين تسافرين بس اني خايفة جنت حابة اسمع وحدة مثل حالتي ومسافرة والحمد لله لكيتج انتي تسلمين عمري ومنتظرة من دكتورة فراشة الليل تجاوبني ايضا حتى اطمئن اكثر

[د.فراشة الليل]

حبيبتي هديله جاوبتج بس مشاركتي انمسحت ويه الهوسه
على كل حال
حبيبتي اذا كانت امورج مستقره ووضع الطفل زين(تأكدي بالسونار قبل لاتسافرين)
فما كوشي يمنع السفر
بس الحركه تكون قليله وتديرين بالج على نفسج
هذا الرأي الطبي
اما نصيحتي كاخت ان الحذر واجب خاصه وانتي حصلتي الطفل بصعوبه
وانتي بكيفج بعد