الى الدكتورة سؤال وارجو الاجابة

[ضوء النجوم]

دكتورة عمر ابني سنة ونص واكلة كلش كلش قليل وهو يشرب الحليب بالممة واحاول اكطعة عن الممة بس مدا يعوفها اكول بلكت من يترك الممة ياكل زين شنو الاسوي واخلي يترك الممة
تحياتي للدكتورة

[د.فراشة الليل]

السلام عليكم
حبيبتي صدك هاي مشكله
بس حاولي تقللين فترات الرضاعه
وبصراحه اني احاول اكرهه بالممه مثل اخلي صبغ على حلمة الممه بحيث يضوج من شكلهه
او فد طعم غريب ميحبه حتى يتركهه
وحاولي تنطي الحليب بكوب ملون وبي اشياء تتحرك حتى يعجبه وهو تلقائيا حيطلب الحليب بالكوب ويترك الممه
تقبلي حبي وان شاء الله اكون فدتج

[ضوء النجوم]

اشكرج دكتورة وراح احاول مثل ماكلتي وبقدر الامكان بس هو الي موتني ابني كلشي يشرب بالكوب مثل اللبن والعصير والماء وغيرة يشربة بالكوب ماعدا الحليب مايشربة بالكوب ماعرف شوالسبب الا بالممة يالله يشربة
تحياتي

[K a w t h a r]

حبيبتي والله هاي مشكلة وان شاءالله يتحسن اكله
وانتي حاولي انطيه اكل

[ضوء النجوم]

شكرا دمعة لمرورك نحاول والله كريم

[أنــتـــــےـ عمـــــےـري]

حبيبتي اني هم جان ابني لازك بالممه

انتي حاولي تقللين وحاولي تجوعي راح ينجبر ياكل واذا حسيتي انه متعلق بيها خلي
شتريدين منه وشوي شوي كطعيها فتره ورجعي عليها حتى لا يمتنع عن الاكل نهائيا

وهو وراها حتشوفي يعوفها من كيفه

اني جنت اخلي كصبتين بكلاص الحليب واقشمره اكله يلا اني اشرب وانته

هو يشوفني عباله داشرب اني كلاوات هيجي فهو يتسابق ويخلص الحليب وميدري بروحه ههههه

[ضوء النجوم]

تسلمين عالنصائح الحلوووووووووة ويارب تنفع معانا

[AYSHA ALI]

السلام عليكم
حبيت ارد واحجبلج تجربتي بنتي عمرها هسة 19 شهر وقبل 3 اشهر كانت مدمرتني ما تاكل الا كلش قليل وصار وزنها تحت الطبيعي وديتها للدكتورة المختصة كالتلي اولا لاتغصبين عليها بالاكل والحليب اكيد ما تكتطعيه لان مهم للطفال بهيج عمر بس احنا نحاول انقللة يعني معدل مميتين باليوم كلة عاد انتي بكيفج تقسميه على دفعات تنطيه بممية صغيرة اولا كلاص خاص مال الاطفال نجي عل الاكل كالت مادام تاكل كمية قليلة احنا نحاول نركز اكبر كمية من السعرات الحرارية مثلا ضيفي الزبدة على الاكل الي تقدميه للطفل او زيت الزيتون الخبر كلش زين الموز اذا تحب تكال بايديها خليها تالك الي تريدا حاولي تضيفين شوية من حليب كامل الدسم للحليب هم يساعد قللي العصاير او الكولا وهاي الامور تسد المعدة سويلة معكرونة او اكو هاي اصابع الدجاج المقرمشة تنباع بالاسواق هم الاطفال يخربون عليها والحمدلله اني بتني مشيت على هذا النظام والحمدللة رجع وزنها للطبيعي وصارت تاكل احسن واكيد مع الاستمرا بالحليب اتمنى تفيدج هاي المعلومات وانشالله يتحسن