malak268
22-05-2008, 10:07 PM
السلام عليكم ورحمة الله وبركاته
ا محلا العراق سهولة وجباله .....وهلاهل ماجداته وضحكة أطفاله
وحكمة كل شيوخه وقوة إرجاله.....وتاريخه المجيد وسطوة إسنينه
يا محلا العراق البيه تربينة
يا محلا العراق ومحلا أيامه.....من جاع وتعرّى وتعبت أعظامه
ويمر بيه العطش بس ماحنى الهامة.....ودسنّة إعلة الحصار وبيه تلاوينة
يا محلا العراق البيه تربينة
يا محلا العراق وطيبة أنهاره.....ينابيع الشمال وطينة أهواره
من دربندخان لهور العمارة.....ملح صار الزمان وبيه تحلّينة
يا محلا العراق البيه تربينة
(تأنينة الشهادة وعز عشگنة الموت) .....منبيع العراق ولو على التابوت
سواتر من جثث بس لا عدونة يفوت.....ومن ظاگ الوكت بسمه تنخينه
يا محلا العراق البيه تربينة
يا محلا العراق الأبد ما بيه عيب.....الذنب ذنب السياسة (ذيب ياكل ذيب)
دعوفوه العراق وخل جروحه تطيب.....وخل ترجع الضحكة لوجه أهالينة
يا محلا العراق البيه تربينة
مو ذنب العراق تهجرت ناسه.....الذنب كل الذنب ذبوه عالساسة
مثل أرضة بوطنّة وتُنخر بساسة.....وباعونة الدول وتشمتوا بينة
يا محلا العراق البيه تربينة
يا محلا العراق وغصبن إعلة الكل.....بلدنة يظل عزيز وبيت أبونة يظل
يالعفت البلد لابد سنة وتمل.....يتبره النخل فد يوم من طينة ؟؟؟
تحياتي
ملاك
ا محلا العراق سهولة وجباله .....وهلاهل ماجداته وضحكة أطفاله
وحكمة كل شيوخه وقوة إرجاله.....وتاريخه المجيد وسطوة إسنينه
يا محلا العراق البيه تربينة
يا محلا العراق ومحلا أيامه.....من جاع وتعرّى وتعبت أعظامه
ويمر بيه العطش بس ماحنى الهامة.....ودسنّة إعلة الحصار وبيه تلاوينة
يا محلا العراق البيه تربينة
يا محلا العراق وطيبة أنهاره.....ينابيع الشمال وطينة أهواره
من دربندخان لهور العمارة.....ملح صار الزمان وبيه تحلّينة
يا محلا العراق البيه تربينة
(تأنينة الشهادة وعز عشگنة الموت) .....منبيع العراق ولو على التابوت
سواتر من جثث بس لا عدونة يفوت.....ومن ظاگ الوكت بسمه تنخينه
يا محلا العراق البيه تربينة
يا محلا العراق الأبد ما بيه عيب.....الذنب ذنب السياسة (ذيب ياكل ذيب)
دعوفوه العراق وخل جروحه تطيب.....وخل ترجع الضحكة لوجه أهالينة
يا محلا العراق البيه تربينة
مو ذنب العراق تهجرت ناسه.....الذنب كل الذنب ذبوه عالساسة
مثل أرضة بوطنّة وتُنخر بساسة.....وباعونة الدول وتشمتوا بينة
يا محلا العراق البيه تربينة
يا محلا العراق وغصبن إعلة الكل.....بلدنة يظل عزيز وبيت أبونة يظل
يالعفت البلد لابد سنة وتمل.....يتبره النخل فد يوم من طينة ؟؟؟
تحياتي
ملاك