ارجو مساعدتي

[om khalid]

السلام عليكم ورحمة الله وبركاته

شلونكم ان شاء الله زينين اني مشتركة من فترة بس ما عندي وقت اشارك :3333333(170):
بس ان شاء الله رح اشارك على وقت الفراغ بس هسه عندي سؤالين للدكتورة :394:


اول سؤال عندي طفل عمره ثمانية شهور وياكل زين ويشرب حليب صناعي بس المشكلة لحد هسه ما طلعله ولا سن طبيعي انه ما يطلعله اسنان بهالعمر ؟؟؟

والسؤال الثاني هوا يزحف بس يزحف بالعكس همين طبيعي ؟؟؟

شكرا الكم وتعبتكم وياي هاي من اول ما اجيت هيج اسال الله يساعدكم عليه :044:

على اساس اني خجلانة :3333333(74):

[مكارم]

كل الهلا بك غاليتي
ان شاء الله تدخل دكتورتنا الغاليه
وتجاوبك على اسئلتك
ومره اخرى نرحب بك

[هباوووي]

ان شاء الله كلشي طبيعي وتجي الدكتوره تجاوبج

[om khalid]

شكرا لمروركم الكريم بس الدكتورة لهسه ما جاوبتني .....

[sasa2009]

حبيبتي اني سامعة الي يزحف من وكت يتاخر بالاسنان يعني عادي لا تخافين وان شاء الله تجي الدكتورة اتطمنج اكثر
الله يبرد قلبج حبيبتي

[om khalid]

شكرا حبيبتي ساسا على المعلومة نورتينا بمرورج العطر ...

[بديل القمر]

اني اجاوبج وتخيليني دكتوره خخخخخخخ
لا والله بس خبره ولله الحمد الحياة

الطفل من يزحف على ورا على قدام مابيها شي هوااااااا بدا يحرك نفسه بس مايعرف وين الاتجاه الصحيح
للاما او الخلف
فعادي وثمن اشهور جدااا صغير لا تستعجلين عليه ان اعرف وحده اطفالها كلهم مايزحفون ابد من الجلوس للمشي

.................................

اما الاسنان
فعادي


يعني من يمشي قبل السنه فالاسنان بعد السنه يالله يطلعن
ام اذا سنن فالمشي راح يتاخر

لان عمليه المشي او التسنين متعباااااااااات للطفل
وخاصه الاسنان
ادعي من ربج يكبر شوووووووي لانهن تخرب حتى شكله يضعف ويصير مزاجه برتقالي

ربي يحفضه الج ولا تستعجلين
توه صغير على المشي وعلى السنون
والحبواااااااان هم متعبه الج كسااااااااااع رايح لمكان وتخافين عليه وهوسسسسسه ربي مايضيعلج تعب
وتشوفينه رجال يخليه الج يارب

[om khalid]

شكرا هواي الج حبيبتي بردتي قلبي تسلمين على الدعوة الحلوى والله يخليلج كل اللي تحبيهم ...

[نور الصباح]

عيني عادي مو مشكلة اني بناتي اثنينهم مزحفو بس هما وكاعدين يدفعون نفسهم ورأسا مشو

والتأخير هم عادي بالاسنان بعدة مو كلش جبير

والله يتمملة على خير وتفرحين بي يمشي ويسنن
وان شاء الله الدكتورة تفيدج علميااااااااااا

[عيون حلوه]

شنو رأيكم اذا اكلكم اني 8 اشهر ومشيت
خخخخخخخ
جان الي يجينة ويشوفني عبالة جني
ههههههههههه
حبي ان شاء الله كولشي طبيعي وتشوفيه عريس

[د.فراشة الليل]

حبيبتي اسفه عالتاخير بالرد بس صار كم يوم مداخله للمنتدى
هذا شي طبيعي لاتخافين بالنسبه للزحف عادة الاطفال يبدون للخلف وشويه شويه يالله يبدي الزحف للامام
اما الاسنان فممكن تتاخر لحد السنه ,صحيح التسنين يبدأ من عمر الستة اشهر لكن ممكن يتأخر وهذا طبيعي ,بس تكدرين تساعدي بأعطاء قطرات
اسمههa,d وهي فيتامينات تنطي 2_3 قطرات يوميا وتعرضي للشمس خاصه رجليه(بس موعلى راسه شمس قويه)تساعده على التسنين والمشي,
وانطيه صفار البيض والموز وعصير البرتقال
ولاتخافين مابي شي ابنج والله يحفظه الج

[om khalid]

شكرا حبيباتي نور وعيون نورتوا الصفحة بمروركم العطر ان شاء الله دوم سالمين ويخليلكم احباب قلبكم....
مشكورة هواي دكتورة طمنتيني عليه جنت شايلتله هم عبالي مو نفس الاطفال الباقيين ههههههههههه
اني من ولادته انطيه فيتامين دي لانه شمس ماكو هنا ان شاء الله رح اجرب نصائج مشكورة دكتورة تعبتج وياي ...