دكتوره وبنات حبيباتي اريد مساعدتكم

[مروشه]

السلام عليكم ورحمه الله وبركاته
عفيه دكتوره والبنات اريد مساعدتكم اني حامل وراح اخلص الشهر الثاني وهذا ثاني حمل الي طبعا بحملي الاول صار عندي وحام وشعور بالتقئ بس مو مثل هذا الحمل وحامي هسه كلش قوي بحيث شنو اكل واشرب تكرمون ارجع ومدا اكدر وصارلي اسبوعين على هاي الحاله اني بالنمسا رحت للمستشفى سوولي تحليل ادرار يكولولي كلشي مابيج طبيعي بس اشربي مي حتى لو متاكلين بس المشكله حتى المي والسوائل ارجعها وخايفه يصير بيه شي طبعا هذا الحمل كلش تعبني واحس بس يريد يغمى عليه واريد اتقئ عفيه هذا طبيعي منو مرت بهاي الحاله اريد اطمنوني لان حتى نفسيتي تعبت واني اشكركم هوايه وطولت عليكم

[zainab_2010]

حياتي مروه الف الف مبروك وان شاء الله تكومين بسلامة

حبي ولو اني مامجربه بس شايفتها بكومه ناس عادي لاتخافين ان شاء الله ماكو شئ بس اول شهرين بعدين تصيرين زينه

ان شاء الله

ديري بالج على نفسج واكلي فواكه واذا تحبين التمر همات زين

واذا تردين ولد لا تشربين حليب هواي واكلي لحم احمر خخخخخ صرت دكتوره شفتي هههههههه

لا بس والله اني امي ولدت قبل 3 سنوات واني اروح وياه مترجمه واعرف كل التفاصيل

ومره ثانيه الف مبروك

[مروشه]

تسلميلي عمري زنوبه ويوم لالج ان شاء الله طبعا والله كلش طمنتيني جنت كلش خايفه بس الله كريم انتظر الفتره هاي تخلص ان شاءالله ومشكوره حبي

[الفراشة العراقية]

ربي ي شافيج ويسهل امرج
ينقل الى قسم عراقيات الاستشارية
علمود تجاوبج دكتورة

[سنوبيا]

اني هيج بحملي اي اكل او اشرب ورا دقايق ارجع وجنت احسب جم مرة بليوم ارجع ههههه 9 مرات بحيث كلت ماكو داعي اكول واتعب نفسي بس جنت اكول خبز وطماطة اخلي فوكا ملح مجنت اكول لالحم ولا دجاج ولااي شي بس مرات برغل وطمام وخبز عادي جدا مابيج اي شي

[د.فراشة الليل]

السلام عليكم
حبيبتي مروه مبروك الحمل وان شاء الله يتم على خير
انت تكولين هذا ثاني حمل ممكن يكون الوحام هذا شي عادي اذا جنس الجنين مختلف يعني الوحام عند بعض النساء يختلف بالولد عن البنت
واذا كان الحمل تؤام ممكن يكون الوحام قوي ايضا
على كل حال جربي علاج اسمهnavidoxine يفيد قبل الاكل بنصف ساعه
وجربي عصير الليمون وحاولي اكلات خفيفه كل ساعتين يعني لا تلتزمين بالوجبات الرئيسيه
وكرزات مالحه حتى لا يهبط الضغط
واي استفسار اني حاضره

[مروشه]

دكتوره اشكرج هوايه واشكر مرورج على سؤالي بصراحه هوايه طمنتيني وان شاء الله امشي على صائحج والله يعطيج الف عافيه
الفراشه العراقيه حبيبتي مشكوره وربي يوفقج
حيبتي سنوبيا يسلملي مرورج عمري وان شاء الله أخذ بنصائحكم

[وردة جوريه]

مساء الخير حبيبتي حبيت انقل تجربتي لان اني كانت عندي نفس مشكلتج بالحمل الثاني ما خليت دكتورة مرحت عليه وما خليت دوة ما اخذته وللعلم حملي الاول كان ولد الحمد والشكر لله وحملي كان سهل جدا بس الولادة حقيقة كانت صعبة تعرفين بكر بس الحمل الثاني كان الحمل جدا صعب ومثلج اش اكل اتقيا بس كنت اشرب ماي حتى لا يصير بيه جفاف وابشرج ولادتي كانت سهله الحمد لله وجبت بنوته حلوه /ياربي اتكون ولادتج سهله كولوا امين

[مروشه]

تسلملي حبيبتي نهله الله يحفظلج اولادج ان شاء الله وتفرحين بيهم والله يسمع منج وتخلص هاي الفتره بخير وسلامه ومشكوره مرة ثانيه حبي

[أم نور]

حبيبتي مروة الف مبرووووك الحمل الاول وان شاء الله الثاني

لا تخافين عيني هذا الوحام طبيعي

كل مرأة يختلف وحامها عن الثانية


يعني اكو وحامهم قليل او كثير


انتي اطمني ولا اتخافين شهر او اقل ويروح الوحام


تحياتي لك

[ضوء النجوم]

حبيبتي اول شي حابة اهنيج على الحمل الف مبروك وان شاء الله يتم على خير
وثاني شي اكولج هذا شي طبيعي ولا تخافين لان الوحام يختلف من طفل لاخر ومن جنس لاخر يعني اذا كان ولد ولابنت وهي مرحلة وتتعديها بعون الله بس ال3 اشهر الالى يكون الوحاح شوي متعب بس تالي ان شاء الله يخف عليج شوية شوية
وان شاء الله تكومين بالسلامة يارب

[مروشه]

حبيباتي ام نور وضوء القمر اشكركم هوايه واشكر مروركم وان شاء الله الله يسمع منكم وتمضي المده بخير وسلامه وشكرا الكم مره ثانيه