ارجوكم ساعدوني

[نور الهدى2]

اخواتي السلام عليكم اريد منكن المساعده مشكلتي هي انه عندي التابات دائمه بالرحم عاجت نفسي عدة مرات لكن كل مرة تعود الالتهابات بعد اسبوع او اقل فماذا افعل هل لديكم العلاج ارجوكم ساعدوني:227::227::227:

[أم علاوي الحلو]

حبيبتي شوفي دكتورة زينة تنطيج علاج فعاااال

زين انتي من تاخذين العلاج تاخذي بانتظام ومثل ماكال الدكتور لو ابكيفج

اذا ابكيفج معناتة هذا سبب رجوع الالتهاب

[نور الهدى2]

شكرا حبي ام علاوي لكن صدكي تعبت من مراجعة الد كتورات مشكورة حب

[أنــتـــــےـ عمـــــےـري]

حبيبتي وعليكم السلام


شوفي اني الي اعرفه راح اقدمه الج عسا يفيدج عمري الي اعرفه انه مي حار وملح تغسلين بي لان هذا تعقيم حتى للي هستوها جايبه تغسل هيج اضافه للغسول الي مرات يوصفه الدكتور بس الاكثر مي حار وملح



واكو يغسلون ببيكاربونات الصوديوم ومي حار

اعرف بنيه جانت هم عدها التهابات وميصير عدها حمل غسلت ببكربونات الصوديوم ومي حار سبحانك ربي وراها حبلت

اتمنالج الشفاء العاجل عمري وان شاء الله البنات يفيدوج اكثر

[doctor]

مثل ما كالت انتي عمري البيكاربونات كلش تفيد
ولازم تلتزمين بالعلاج واوقاته مثل ما كالت ام علاوي
وخلي زوجج يحلل يمكن هو هم عنده التهاب وينقل العدوى الج
لازم تتعالجون ثنينكم نفس الوقت

[نور الهدى2]

مشكووووووووووووووورين حبايب لنصيحتكم ولمروركم الكريم انت عمري ودكتورتنا :hnbv:

[ضوء النجوم]

اول شي احب اكلج انه الالتهابات شي عادي كلش وميخوف واللي اعرفة انه تلتزمين بالدوا بصورة صحيحة ومثل ماكالوا البنات استعملي ماي حار وملح لان اني هم سامعة بهيج شي وان شاءالله الدكتورة تدخل وتفيدج اكثر
تمنياتي لكي بالشفاء حبيبتي

[نور الهدى2]

مشكوووووووووووووورة حبي ضوء النجوم عالنصيحه ودامشي مثل ماكلتوا على المي حار وملح وفعلا دا احس جاب نتيجه حلوووووووة تسلمولي حبايب :568798:

[د.فراشة الليل]

حبيبتي نور الهدى
الالتهابات المتكرره لابد لها سبب
ممكن عدم التزامك بالدواء او كون الرجل يحمل نفس الالتهابات
او قلة المناعه بصوره عامه
على كل حال خلي زوجج يسوي تحليل ادرار ومني حتى يتاكد ماكو جراحه او اي التهابات مزمنه
وانت التزمي بعلاجج ودائما استخدمي بيكاربونات الصوديوم كتشطيف
وصابونة العذاري هم بيها نتائج حلوه
ولاتخافين ماكو شي ان شاء الله