الله يجعلها في ميزان حسناتج يادكتورة ساعديني

[الألق]

السلام عليكم ورحمة الله وبركاتة
دكتورتنا الفاضلة
اني مزوجة من 3سنين وبدون اطفال رااجعت الكثير من الاطباء والحمدلله يطلع كلشي اوكي بس مرات التبويض مو منتظم يعني من 15 ال19 حجم البيضة اخر مرة رحت بيها قبل 6اشهر وبعد ماراجعت لان طلع السبب ضعف وقلة الحيوانات المنوية عند زوجي وصارلي شهرين الدورة تتاخر 6ايام وتنزل بوجع رهيب وحيل دة اتاذى مع العلم زوجي دة يعالج بس سؤالي هل من المفروض اضل متواصلة مع الاطباء اجيك حالتي وهاي الحالة الي دة اصير عندي صار شهرين شنو تفسيرها اسفة عالاطالة بس اني بغربة وارجو المساعدة

[ايمان الاسلام]

اختي الحبيبه الدكتوره ماخذه اجازه بسب ضروفها وهيه مشغوله لان عدها دوم ومستشفى

وياربي يشفيك يارب ويرزقك الذريه الصالحه

[الألق]

شكرا عزيزتي ايمان الاسلام
الله يصبرني ان شاءالله لان صايرة كلما يقترب موعد الدورة اعيش بكابوس الله كريم

[بديل القمر]

حبيبتي الالق اعرف اني مو طبيبه بس الالم ليش تسكتين عليه
شوفي طبيبه تتابعج افضل
زين جربتي تفورين جاي دارسين وتشربينه بنف يوم نزولهااا

والله يرزقج من الذريه الي ترضيج وتقر عينج بيهاااا
زين جربتي الاستغفار بايمان بالقلب والعقل المستمر
جربي حبيبتي مو خسرانه شي

[الألق]

شكرا حبيبتي بديل القمر عالدعاء والله يسمع منج يارب
واني الحمدلله مستمرة عالاستغفار وقراءة سورة البقرة والله كريم
والله لايحرمني من دعائكم يارب

[د.فراشة الليل]

حبيبتي الالق اني ماأحل مكان دكتورتنا بس اني هم طبيبه ومداومه نسائيه أكثر من سنتين وممكن أساعدج.
أولا الألم مع نزول الدوره ولو مضوجج بس هو علامه زينه على ان التبويض عندج كلش زين .وحتى تتحملين الالم او يخف استعملي وقت الدوره بونستان كبسول أو بروفين أو أنتي سبازمين حب.
ثانيا:حتى لو كان السبب من زوجج أعملي كل التحاليل اللي تخصج مو بس السونار وحجم البيضه حتى تتأكدين انو ماكو اي سبب منج وبعدها انتظري حتى يتحسن زوجج
تحياتي الج واني مستعده لاي استفسار

[الألق]

اقتباس:
المشاركة الأصلية كتبت بواسطة فراشة الليل http://www.iraqiyat.net/vb/alhjerdesign.com/buttons/viewpost.gif (http://www.iraqiyat.net/vb/showthread.php?p=523447#post523447)
حبيبتي الالق اني ماأحل مكان دكتورتنا بس اني هم طبيبه ومداومه نسائيه أكثر من سنتين وممكن أساعدج.
أولا الألم مع نزول الدوره ولو مضوجج بس هو علامه زينه على ان التبويض عندج كلش زين .وحتى تتحملين الالم او يخف استعملي وقت الدوره بونستان كبسول أو بروفين أو أنتي سبازمين حب.
ثانيا:حتى لو كان السبب من زوجج أعملي كل التحاليل اللي تخصج مو بس السونار وحجم البيضه حتى تتأكدين انو ماكو اي سبب منج وبعدها انتظري حتى يتحسن زوجج
تحياتي الج واني مستعده لاي استفسار



شكرا جزيلا عزيزتي فراشة الليل لان طمنتيني الصدك جنت كلش خايفة وان شاءالله ناوية هالشهر اسوي اشعة ملونة للانابيب لان اني ممسويتها قبل لان اني سامعة البيها التهابات هواية اصير عدها التصاقات والصدك اني الاتهاباتي حيل هواية اعالجها شهر وترجع الشهر الورا بس ممكن سؤال شون اصير هاي الاشعة حتى اكون على علم بالموضوع
بارك الله بيج

[د.فراشة الليل]

حبيبتي الالق الاشعه الملونه ضروريهوتعمل خلال العشرة ايام الاولى من الدوره(بعد متنظفين)
تكون مثل الفحص النسائي العادي يعني يخلون اداة الفحص واللي نسميها(حلك البطه)بعدها تدخل اداة ثانيه لعنق الرحم ويندفع سائل بسرنجه واثناء الدفع تؤخذ الاشعه
وتعاد مرتين اوثلاثه حسب رأي الطبيبه وخلص
يعني مابيها شي يخوف بس اكيد راح يصير الم بسيط
اوصيج ان تضربين ابرة فولتارين قبل الاشعه بثلاثة ارباع الساعه حتى تكونين مرتخيه اثناء الفحص ويقل الالم
وحضري وحده احتياط لبع الاشعه اذا حسيتي بالالم اضربيها
مع تحياتي