اذا تتعاجزون طبخي الدجاج بهالطريقه وبدون تعب بالصور يالله طبوا

[زوزه]

http://store0.up-00.com/Mar10/wXW45661.jpg

:jjhg::bh:اول شي دجاجه حلوه جبيره تحضروها من هاي الدجاجات اياهم

هسه تخلوها بجدر لو تيفال بعد احلى تطلع بيها
هسه نبدي نخلي المواد فوك الدجاجه
1-خاشوكه جاي كركم كامله
2-خاشوكتين زيت
3-خاشوكه زيت زيتون مو شرط اذا ماكو بس حتى تطلع لمعه بيها شلون المطاعم
4-ملعقه شاي خردل هذا اصفر يشبه صاص يبيعوه عادي بسوبر ماركت لو اي دكان
5-خاشوكتين خل واذا بدوي الدجاجه امورها عدله
6-بصلايه جبيره قسموها نصين نص ببطن الدجاجه والثانيه عادي خليها فوكاها
7-فلفلايه خضره حاره خلوها بطنها
8-رشه ملح
9-كلاصين مي كبار فوك المواد تخلوها
10-هسه خلوا الدجاجه تفور لحد مينشف ميها يصير قوامها ثخين خلوا شويه زيت فوكاها وشمروها هي وجدرها الي فورتوها بيه بالفرن لحد متتحمص اكلوها وشوفوا طعمها شلون يخبل وعلى ايدنا نغلق المطاااااعم
11- ملاحظه لاتتعجبين من التعداد تره موادها بسيطه والخردل اذا ملكيتوه خلوا يابه بس كركم مو مشكله لاتصعبون الاموراكلكم عادي اذا خليتوا بصل اخضر هم يمص الزفره مال الدجاجه ويخلي نكهه رهيبه:mb:

[شيماء]

شكلهاااا روووووووعه

تسلمين حبيبتي على هالطريقه

[سنوبيا]

يبو جوعانة ولكيت هل دجاج كدامي بس ناوشيني الصدر شكلة روعة عاشت ايدج

[لافندر]

عاشت ايدج امبينه والله تحفه

[نور الصباح]

عاشت ايدج

رووووووووعة

بس سؤال شلون تحمرت هيج اذا هي بس سلق هاي 1

2 يعني نغطيها ونتركها على نار هادئة حتى تستوي زين مووووو

[Lo0oLo]

اني هم نفس سؤال نور الصباح شلون تحمرت عبالك داخله فرن

بس عاشت ايدج شكلها يشهي

[زوزه]

تسلمون حبايب على الردود الحلوة اي تخلوها بالفرن وره ميها مينشف وتحمصوها زين وبالعافيه عيوني نفس الجدر ذبوه بالفرن احسن حتى شكلها لايتغير:mb:

[غربة الروح]

عاشت ايدج عمري
بس المي نخلي هوايه لو على كد الدجاجه من نسلكها؟

[Miss Perfume]

عاشت ايدج حبي اني هم مرات اسوي هيجي من اكون مستعجلة
يستاهل احلة تقييم
بس شنو سالفة التشمر خخخخخخ الظاهر انتي ضايجة من الطبخ

[زوزه]

اي عيني نور نغطيها من نسلكها بس من نشويها بالفرن بدون غطه حنى تستوي وتتحمص وبالعافيه حب

[زوزه]

اي والله عطر بس تشمر فله طبخ يرادله خلك والله بس حلو

[زوزه]

لا عيوني غربه ماي هواي تنمرد خلي مقدار كلاصين حتى شويه تحافظ ست دجاجه على شكلها وتطلع مرتبه

[suher]

يمي يمي
عاشت الايادي
طيبه طيبههههههههههههههههههههه

[سالي]

عاشت ايدج شكلهة حلو بس شنو حاطة وياهة كرفس هاذ لو شنو

[أم زهراء]

تسلمين حبي مبين من شكلها هواي طيبه

[ٍٍالأميره الناعمهٍٍٍ]

مبينة لذيذةوراح اجربهاوالي بالجعب البصل الاخضرموووووووووووووووووووووووووووووو

[gadeer]

رووووووووووووووووووعة
مو بس الطريقة لا والتعليق همين عشتي حبيبتي

[زوزه]

لا حب مو كرفس كرفس لاتحطون يغير الطعم

[زوزه]

اي عيوني بصل اخضر بالعافيه والف هنا

[زوزه]

يسلم مروركم الغالي وتدللون

[um maryam]

مشكوووووور والله يعطيك الف عافيه

[تغريد البلابل]

عاشت ايدج اني هم اسويه والمي قليل بس اخليه على نار هادىء وما اخليه بالفرن
تسلمين

[ام نورهانتي]

فدوووة عيوني عاشت ايدج والله اليوم سويت الدجاجة وردتها تتحمر متحمرت مااعرف جنت هيج اسوي بس هسة اسوي طريقتج لان مبينىة تخبل
بس بلا زحمة ناوشيني الجناح لان كلش احبه

[دانا 10]

http://file13.9q9q.net/local/thumbnail/61756691/600x600.gif (http://fashion.azyya.com/)

[ليـــــال]

عاشت الايادي زوزة شمريلي فد فخذ بدربج

[doctor]

ايييييييييييييي هاي الطريقة كلش تفيديني لاني كلش اتعاجز
راح اسويها اليوم وانشوف:bt:
بس ما ادري اذا تفور تطلع مثل الرغوة فوق نشيلها لو لا:el:

[‏وردة حبيبي]

عاشت الايادي

[مسك]

الله عاشة ايدج
اني مسويتها طعمها خرافي

[مها العيون]

عاشت الايادي لو هيج الدجاج لو ميراد

[زوزه]

لا حب تغريد خليه بالفرن وشوفي شلون يصير نورتي دلب

[زوزه]

لا اذا تخلين المواد بيها راح تمص الرغوة اصلا مرات ميها يطلع طيب تكدرين تستعمليه للشوربه وي النودلز (اندومي)

[زوزه]

حب ولا بهمج سوي هالطريقه جناح يمكن مبقى لالا ضميتلج نص جناح خخخخخخخخخ الف عافيه عيوني وانشالله تجربين الطريقه

[زوزه]

بالعافيه حب هسه اشمرلج فخذ

[زوزه]

حبايب نورتوا الصفحه وانشالله ادزلكم امدادات مال احلى الطبخات والاكلات والشرابت على موسم الصيف سااغزوا منتدى العراق النسائي بالاكلات خخخخخ