اسمع بجي بغداد ... (بقلمي المتواضع جدا)

[قناصة بغدادية]

بالليل سألتني أمي ليش يا بنيتي متنامين
كلتلها يايمة اسمع صوت
بجي بغداد و اسمع اصياحها
وكتلني يايمة بجيها وانياحها


يايمة ليش البجي ، واحنه التعلمنه
عله افراحها
وصارت امي تحط ايديها على جتفي ، وبحسرة جبيرة تطلع من افادها
يابنيتي بغداد جريحه
والمفروض احنا المرهم اليعقم جروحهة
بس وسفة يبنيتي قليل هم الي حاولوا يداوون جرحها
ناظرت لأمي بنظرات ساذجة
وسألتهة
ليش يايمة احنة شسوينالهة؟
قالتلي والدمع صار خدودهة
يابنيتي احنة نذبح الربيع
واذا ماشفنة الزهور نلومهة
يابنيتي احنة ننام الصبح ونعيش الليل
واذا ما شفنة الشمس نلومهة


يابنيتي بغداد جانت عروس تلعب على ****
تنتظر الفارس عالفرس الابيض يركبهة
تالي غط الفارس بنومه ونساهة
والخطافين انتهزوا الفرصة واختطفوهة
والفدية هي ارواحنة يابنيتي
طلبوا ثمن رخيص مقابل حريتهة
واحنا بارخص الاثمان ما فديناهة


قتلها يمة احجيلي عنهة
قالت
بغداد الود والرحمة طبعهة
وتزكي العطشان من منابعهة
وتراباتهة محناية بدم شهدائهة
بغداد وصفها احتار بيه كل شاعر
بغداد متحويهة كل مابالدنية من مشاعر
بغداد للحب عنوان
بغداد للورد الوان
اسفة يابنيتي
اعجز عن وصفهة


http://airss.net/forums/images/smilies/i.gif



ـــــــــ


هاي ثاني تجربة الي

[Queen.Ur.Heart]

حلوة ياقناصة

بس تعرفين اني افضل تقرين وتقرين
لان شكد متقرين تزيد قدرتج على الوزن والمفردات تتنوع اكثر
بس فعلا خطوة حلوة بس يرادلها أتقان

تحياتي ياعسل

[قناصة بغدادية]

اي ان شاء الله
اني دا اقرة
واسوي تجارب <<<< علساس كيمياء هههههه

شكرا لمرورج

[لولــــه]

سلمت يمنا ك
حلوه لان نابعه من واقع انت عشتي اكيد احساسج صادق بيه

استمري قناصه وان شالله نشجعج

[الصيدلانيه المسلمه]

مشكوررررررررررررة