مركة سبزى

[الحمدلله]

مرحبا احله عراقيات شلونكم وشخباركم عساكم دايما بخير
اليوم عندى مرك سبيناغ كلكم تعرفوهه وتحبوهه يمكن
المقادير
طبعا مثل ما تدرون هاى المركه اله مجموعة خضره خاصه
بس بما انه احنه بالغربه مو كلشى متوفر فانى استخدم الاسبيناغ المجمد و مرات اضيفله خضره يابسه علمود الريحه والطعم

طولت عليكم :34567:

نرجع للمقادير

سبيناغ

فاصوليه حمره

لحم

بصل

نومى بصره عدله

ملح

الطريقه

نحمس البصل لين يصير لونه ذهبى
نضيفله اللحم ونخلى عله نار هادئه لين يستوى زين
نحمس السبيناغ ولمن شفنه مايه نشف نضيفله زيت ونظل نحمس لين لونه تقريبا يصير اطوخ
من يستوى اللحم نضيف السبيناغ و النومى بصره العدله 2 كافى
طبعا الفاصوليه مسلوقه من المركه جهزت وذبت دهن بالاخير نضيفهه
ونقدمه ويه التمن
والف عاااااااااااااااااااااااااااااااافيه

[نور الصباح]

عاشت ايدج اختي روووووعة

الالة الي هي الخضرة الاضافية هي حلبة وشبنت وكزبرة يطلع يم يم

الف عاااااااااافية الغدة والسفرة روووووووعة

[بديل القمر]

ماشاء الله
امبين طيبه
بس مو شبزي
سبيناخ
لان الشبزي
لزوووم
الشبت والحلبه والكزبره والكراث
وخلي الريحه تعيط
هسه اني هم
مصوره الطريقه بس الصور مانزلتهن على الحاسبه

ومثل ماقلتي
الي بالغربه
ما تتوفر يمهم الخضرررره المطلوبه
بس والله عاشت ايدج لا تخليها بنفسج سوووووووي بالخضره الموجوده اهم شي نفسسسسج بالطبخ

[ششونة]

عاااااااااشت ايدج
عمري

[الحمدلله]

عاشت ايدكم بنات عله المرور الطيب واشكر خواتى نورالصباح و بديل القمر و بالعااااااااااااااااافيه

[عقد الياسمين]

عاشت ايدك عمري مبينه طيبه كلش
يسلمووووووووووووو

[مسك]

عاشة الايادي ننتظر المزيد من اطباقج الطيبة ياطيبة

[ديلاجاد]

مبين طبق طيب اشكرج عزيزتي وعاشت ايدج

[الحمدلله]

اشكركم بنات جزيل الشكر عله مروركم الطيب

[فاطمه]

عاشت ايدج حبيبتي والله يساعدج على الغربه بس من تجين للعراق اشتري المقادير الباقيه وسوي

[الحمدلله]

حبيبتى والله فاطمه اشكرك نورتينى بمرورك

[زهور عراقية]

عاشت ايدج عله الاكله

ننتظر المزيد منج

[الحمدلله]

مشكوره حبيبتى زهور و الله يخليك

[زمرد]

عاشت ايدك اني هم بالغربة ومن اسويها اخلي حمص وشبنت وبصل بس الحلبة ما اعرف منين اجيبها بس بالفاصوليا اطيب شهيتينا

[Miss Perfume]

يمي يمي عاشت الايادي حبي

[الحمدلله]

بالعافيه حبيباتى
اى بالحمص هم تطلع طيبه وانى اشتريت الحلبه من المحلات العربيه وشكرا

[ايمان الاسلام]

عاشت ايدج مبينه كلش طيبه وياريت تكبرين الصور علمود نشوف عدل ههههههههه تعرفين الكبر شين

[الحمدلله]

تسلمين حبيبتى ايمان بودي اكبر الصور بس مدااكدر رجاء ساعدونى