سؤال عن شوربة سبع اشكال

[تغريد البلابل]

السلام عليكم عراقيات

عندي طلب منكم غاليات
اريد من طباخاتنا الماهرات وما شاء الله عليكم الكل ماهرات وفنانات بالطبخ
اريد من الي تعرف مقادير حتى لو تقريبية وطريقة العمل لشوربة سبع اشكال هاي الي بيه بقوليات ونخلي بيه سلق واحنه هم انسميه شوربة زين العابدين (عليه السلام)
لان اني كلش احبه ورجلي وجهال هم بس مدا اضبطه زين
فاريد همتكم وياي حبايب الي مسويته او تعرف الطريقة تكتبلنياه واكون شاكره الكم

[Lo0oLo]

حبيبتي امي جانت تطبخها هوايه باجر اسالها وانزلج الوصفه تتدللين
اني هم كلش احبها واريد اسويها

[تغريد البلابل]

هلة بزوجة الغالي مشكورة حبي الله يبارك بيج ويخليلج الوالدة ومنتظرتج على احر من الجمر

[مسك]

والله حبيبتي ما اعرف اسويها
لان اني مرة دزولي منها محبيتها فما اعرفلها
اتمنة يفيدوج البقية ورح انقل الموضوع لقسم استشارات مطبخية

[تغريد البلابل]

شكرا مسكو حبي اني هم مره دزوه محبيته لان مجانت طيبه بس السنه الماضية اكلته جماعة مسويه كلش طيبه لان مو الكل يضبطه لعد ليش ردت منكم الطبخة مضبوطة اتمنى من الي تعرفه تكتبلنياه والف شكر

[نسمة بابل]

السلام عليكم ورحمة الله وبركاته

حبيبتي اتمنى راح افيدج بيهة لان قبل كم يوم سويتة


البقوليات

حمص وفاصوليا وماش عدل مو مجروش وباقلاء يابسة ولوبيا يابسة

للثخن تحطين تمن ومن كولشي تحطين بقدرقبضة ايدج بدون قياس


وعدس متستخدمين نهائيا ميصير


اطبخين كل واحد بوحده حتى تسيطرين عليه مينمرد وبعدين تجمعيهم واطبخين التمن وياهم


وبعدين تثرمين سلق وكراث وتحمسيهم بالدهن وتضيفيهم عليهم وتخليهم على النار فترة الى ان تثخن وكل شوية تقلبيهة ومع اضافة توابل وخاصة الفلفل الاسود والملح

اتمنى اكون وفيت وبالعافية مقدما

[تغريد البلابل]

شكرا حبيبتي نسومة ان شاء الله اسويه حسب ارشاداتك
تسلمين والف شكرا