الفتة وعلى طريقتي (مجربة)

[غادة الكاميليا]

المقادير::


خبز لبناني 2-3

باذنجان عدد 2

لبن والافضل يكون لبن اربيل (بس اللبن العادي هم طيب)

فص ثوم متوسط

لحمة مفرومة مقدار كوب

حمص مسلوق مقدار كوب


طريقة العمل........

نقطع فص الثوم الى قطع صغيرة جدا جدا (او بالعصارة) ونضيفها للبن لكي يتشبع اللبن بالثوم..

يقطع الخبز اللبناني الى مربعات ويقلى في زيت حار الى ان يحمر (مثل الفتوش)

ثم يوضع في صحن ارتفاعه تقريبا 4 سم وبعدها يقطع الباذنجان ويملح ويقلى ايضا في الزيت الحار الى ان يحمر ويضاف فوق الخبز..

بعدها نحمس اللحمة المفرومة مع فص ثوم وملح وفلفل اسود حسب الرغبة الى ان ينضج تماما ونضعه فوق الباذنجان..

وبعدها نضيف الحمص المسلوق ايضا فوق المواد السابقة..

ناتي الى اللبن ونضيفه فوق المواد كلها ........

ملاحظات مهمة

يجب ترك المواد المقلية تبرد قليلا قبل صب اللبن عليها ..
عدم خلط المواد وانما يجب ان توضع شي تلو الاخر..
تستطيعين تحضير كل المواد ووضعها على حدة وعند التقديم صبي اللبن عليها..
اي عند صب اللبن يجب تقديم الصحن مباشرة..

ويارب يعجبكم
الف عافية..

[um maryam]

عاشت ايدج واني كلش احب اللبن ويه البيدنجان
عاشت ايدج مره ثانيه وننتظر المزيد:3D_Smilies230:

[غادة الكاميليا]

ملاحظة مهمة ::: لازم اللبن يكون كمية كافية بحيث المواد تتشبع باللبن بس تغرقوووووووه :3D_Smilies185:

[Queen.Ur.Heart]

واااااااااو مبين طيبة ودسمة بعد

يعني الواحد يسويها ويتلذذ باكلها ومن يخلص يأنبة ظميرة اسم الله
على الظمير خخخخخخخخخخخ


والله نفسي اجربه بس الخبز المقلي شوية سالفته :033:

[hannin2008]

الف شكر غدودة وعاشت الايدي حبيبتي وان شاء الله نجربها

[بديل القمر]

اني اسويهاا بس بالمقلوب
يعني احط اول شي الحمص وبعدهااا الباذنجان وماحط لحم وبعدهاااا الخبز والروب وووووووووشقد تتطلع طيبه وراح اسويهاا عشااا
بس اني مسويه رجيم شلون يصير

تسلمين غدغور

[غادة الكاميليا]

ام مريم

رورو

انونة

حنونة

بدولة

الحمدلله عجبكم الصنف وتدرون هوة صنف دسم جدا بس احنا اتعودنا نسويه ونخليه وية المقبلات ...بس اني اشوفة وجبة كاملة...


انونة حبي تعرفين شنو مرة شفت على قناة فتافيت وحدة (شيف) دتسوي فتوش فالخبز خلته بالفرن ومن انشوة واتقرمش كلش طلعته وكسرته بايدها قطع صغيرة كالت حتة تكون السلطة خالية من الزيوت فانتي جربي وشوفي يجوز يطلع طيب ..اتوقعه طيب شتكولين :0148:


شكرا للمرور الحلو ياحلوين

[غادة الكاميليا]

بنت العراق حبيبتي اشكر مرورج...

اي صح اذا خلينا مع اللبن شوية راشي يطلع كلش طيب والصنوبر بعد يخبل...

بس بالبنسبة للبهارات والزيت الحار لاء اني ممجربة...

وهو الاكل اذواق ومرات انتي تتعلمين شي وتضيفيله على ذوقج يصير اطيب مو صح...

الف عافية للكل..

[بحر الشوق]

مبينه طيبه غدغود عاشت ايدك انجربها ونشوف

[مسك]

غادة حبي
عاشة الايادي
اني هم اسويها رهيبة بس اني احط وية اللحم المثروم بالحمس ثوم ومعجون تطلع جنان

ومرات اسويها بالدجاج

[Queen.Ur.Heart]

اشو طلعت مية وصفة

عميييييييي جيبولنا الاصلية ترا ازرع عبوة ناسفة بالموضوع وافجرة بيكم

شنو هاااااااااااي
اني حجربها بالسمك هع

خخخخخخخخخخخخخخخخخ


غدغوووود والله فكرة احمص الخبز بالفرن
بس المقلي اكيد اطيب مو بالله :033:

[غادة الكاميليا]

هههههههههههههههه انونة ضحكتيني حبيبتي الوصفة الي كتبتها طيبة كلش اني مية مرة مسويتها وكلمن اكلها حبها وسالني عليها ..

وتبارك تكول تخلي دجاج بدل اللحم هم صحيح ...
واكو فتة ثانية مال مصريين شفتها مرة وهم مبينة كلش طيبة نفس طريقتي بس بدل اللحم دجاج ((الدجاج مسلوق وبعدها تفلسيه وتحمسيه بشوية زيت وفص ثوم صغير )) خوش عيني وبقعر الصحن يخلون فد كمية قليلة تمن ابيض ((تقريبا 3 مغارف)) مطبوخ ومهدر وكامل وبعدها الباذنجان والدجاج والخبز المحمص والحمص وخلطة اللبن بالثوم ..هم مبينة خلطة طيبة وكلللللللللللللللش دسمة..


هسة تكول كتبتلي وصفة لخ هع هع هع هع حياتي انونة هوة الاكل ذوق الي يعجبج واسهلج سويه واشو احنا ماعدنا شي مرة سوي هاي ومرة سوي ذيج وشوفي الاطيب .....

وبالنسبة للخبز اكيد المقلي اطيب لانه بيه زيت ويسمن مو لو مومو .........

والف عافية للكل
واشكر كل الي دخلو للموضوع..

[Queen.Ur.Heart]

اوكفيلي
انتظريني دا اجيب الحزام الناسف عاااااااااااااااااااااا


طلعتلي مصرية بعد

ما اريد اكل فتة بطلت
ما اريد لاتتوسلين ابد

اببببببببببببببببببببببببببببد

ما اسويها




بس اذا تسويها انتي وتدزيها على الانبكس اقبل اكلها :033:

قابل أردج؟؟؟
لا مستحييييييييل عاني كريمة أخت حليمة أخت فطيمة تعرفيهم مو؟؟؟

أذا معرفتيهم كوليلي
حتى احجيلج قصتهم مثل الفته بعدت ابطال

:3D_Smilies185:

[غادة الكاميليا]

هههههههههههه صارت لخة موووووووووو هههههههه

حياتي سوي الوصفة الي كتبتها اول مرة ومعليج كلش طيبة واذا متحبين الثوم هم عوفيه لتخلين وية اللبن .. خلي بس وية اللحم من تحمسيه .......

وبالنسبة لكريمة وحليمة وفطيمة ذولة حبايبي شلون انساهم تعرفين لحد الان من اقلب بالستلايت واشوف فوازير شريهان اكعد اتفرج مثل الجهال اموووووت على شريهان واموووووووووت على قصص الف ليلة وليلة..والفوازير تذكرني برمضان من جنا زغار الله اوووووووووووووووخ اشكد حلو رمضان ببغداد..

[Queen.Ur.Heart]

أييييييييييييييي
اني من جنت طفلة احب شريهان
الله شكد حلو :3D_Smilies226:

اي الهوسة والبيت وبابا الله يرحمة وخواتي
الله
قلبتي عليه الاول والتالي

:062::3D_Smilies195:

[شمس العراق]

طريقة مبينة طيبة

واحاول انزللكم طريقتي خخخخخخخخخخخخ عن بعيد قصدي عن قريب خخخخخخخ

عاشت ايدج قلبي غدغووود وصحتين وهنااااا حبي

[لانا]

امبينه طيبه عاشت ايدك

[غادة الكاميليا]

شموسة حبي يلة ننتظر طريقتج ...

لانا نورتي الموضوع..

[نداوى]

http://www.arb-msn.com/up/uploads/d3483b7077.gif

[ايمان الاسلام]

عاشت ايدج غاده تسلمين حبيبتي احنه نسويها بدون لحم انشاء الله نجربها
بلحم

[غادة الكاميليا]

ندوش

امونة

نورتو الموضوع

[وردة بغداد]

كلش طيبة عاشت ايدج
مشكورررررررررررررررررررررررررة:3D_Smilies230:

[غادة الكاميليا]

اشكر مرورج وردة بغداد نورتيني...

وان شاءالله تسوين الفتة ويعجبج طعمها........

[الصيدلانيه المسلمه]

تسلمييييييييييييييييييييييييييييييييييييييين
مشكورررررة

[غادة الكاميليا]

لؤلؤة منورة حبيبتي