ساعدوني راح اللوث البيئه

[kahramana]

بنات الله يحليكم قصدي الله يخليكم والله مدا اشوف من الانفلاونزا اريد وصفه سريعه للنشله وللكحه ولوجع الاذن والبلاعيم واريدها طبيعيه يعني ادري اكو دكتور وادويه ما اريد لان مابيه حيل اروح للدكتور لان اذا رحت لازم انتظر ساعه واني صايره طلي ولحد يخاف ويكولي انفلونزا العصافير لو انفلونزا البطيخ لان البارحه كنت اسوا وشربت اسبرين وجايات هواي بس الي عندها وصفه تكتبها حتى نستفاد منها دائما الله يخليكم ترى راح اللوث البيئة اذا ماتلحكولي بوصفه

[بديل القمر]

اقلج مو عيب داخله للعياده وتقولين ماريد طبيب خخخخخخخخ
شلوون هيج كهرمانه
حبيبه
اول جانووو ياخذون الاعشااااااب والله ويطيبون
هسسسسسه اذا ما اخذتين الاسبرين ويا المضادات الحيويه ودواا الكحه
ابد ماكوو فايده سئليني عنهاااا اني اتعيجزز روحت الطبيب اخذلي طب اعششششاب تخف بس ماتروح تضل اتراااوح بالباب
اطردهاا وترجع
مايشلعاهاا الا الطبيب
انتي اختصري الامر وروحي للطبيب انتضاار ساعه افضل من الايام تروح وانتي تعبانه

والله يشافيج

[kahramana]

ههههههههههه بدوله والله صدكتي دزيت حبوب من الصيدليه اسمها acc بالمي تتذوب وجايات وبنبون مال بلاعيم ويالا شويه احسن بس حالتي حاله وشعري طالع مظاهرات لان صارله 3 ايام ما امشط الي يشوفني ماينام بالليل

[حاملة جروحي بروحي]

ههههههههه
انصحج غلاي بالبابونج<<<<<خبيره ^_^

البابونج شغلتة مقشع ما ادري يفيد ما ادري لا
بس والله اني الحمد لله من آخذة اذا مو نفس اليوم فالثاني يوم اني صايرة زينة (الحمد لله)

[ليـــــال]

شريحتين زنجبيل تفوريه بالماي بعدين ترفعينه من النار و تحطين فوكهم ملعقه عسل وتعصرين ليمونه مرتين باليوم صبح وليل

طبعا هاي للفلاونزا لان انه حامل واضوج اخذ ادويه وصار بيه وسويت هاي الوصفه وحاولي تاخذين بندول ورة كل وجبه اكل 2 يعني 6 باليوم مو اكثر

وان شاء الله تصيرين زينه

[kahramana]

http://iraqiyat.net/up/uploads/images/iraqiyat-93c272dc90.gifعاشت ايدك ليال على الوصفه انشاء الله اجربها حبي مشكوره

[ايمان الاسلام]

فعلا شاي الزنجبيل تفورينا يخبل للنشله انا ما سوى صدر احسن الا الله ثم الزنجبيل وعصير الليمون
وبعدين هم سوي سلطه روب وخياروثوم

[مسك]

حبي عليك بالزنجبيل والليمون والعسل
وعندج الف عافية
ولج اخاف من الريجيم راحة المناعة منج
خخخخخخخخخخخخخخخخخخخخخخخخخ
اذا هيج عليكي بالبقلاوة والشكولاتة

[ليـــــال]

تدللين كهرمانه

لا امونه ميصير اللي عنده كحه ونشله يشرب لبن تزيد المرض

عدكم العافيه

[kahramana]

تسلميلي ايمان على الوصفه حبي

http://iraqiyat.net/up/uploads/images/iraqiyat-eabc2aa208.gif

[kahramana]

حبيبتي مسوكه منوره بصفحه تلوث البيئه
ما اتصورر من الريجييم بس عدوى رحت خطار بالعطله وجبتها من عدهم وجيت
لان اني دا اكل كلشي ووزني دينزل عللا البطئ وهو الاحسن طبعا بس عفت الشكر وقللت الخبز



http://iraqiyat.net/up/uploads/images/iraqiyat-6d0a519ef1.gif

[kahramana]

عمري انتي ليال الحمدلله صرت زينه مثل القرد
http://iraqiyat.net/up/uploads/images/iraqiyat-c380adbceb.gif

[S U S U]

هههههههههه حلوة هاي مال ماريد طبيب خخخخخخخخخخ ماشاء الله البنات ما قصروا و اني بالنسبة اللي كلشي ولا تكوليلي شراب مال بلاعيم عندي ابلع حبوب ولا اشرب شراب ييبووو عووووع هههههههه بس اني اخذ حباية augmentin لو coldrex للبلاعيم كلش زينة و ماعندج غير العافية حبيبتي

[kahramana]

الله يعافيج
هوه غير اصير مره وكد كلمتي اني كنت متوفيه بالفراش ومابيه اروح للحمام لوما بنتي راحت للصيدليه وجابتلي دوه جان هسه اني مرحومه
عبالك صارت بيه انفلاونزا الكفار هههههه