المساعد الشخصي الرقمي

مشاهدة النسخة كاملة : دكتور ساعديني

kahramana
17-10-2009, 01:08 AM
اني عمري33 وصارلي 3سنوات الدوره ماتجيني اذا ما اشرب حبوب هرمون وحبوب الهرمو ن اتسبب لي حبوب مزعجه بالجسم ومن ماتجيني اصير اعصاب واصلا صار عندي اكتئاب والدكتور يوصفلي جبوب مهدئه اتعبني اكثر وتخليني ابغير عالم مثل المسطوره شنو الحل الله يخليكي مافي دوى طبيعي اعشاب او شاي او اي شي غير الحبوب الكيمياويه انتظر جوابك
قيثارة الحياة
24-10-2009, 08:54 PM
حبيبتي مذكرتيلنا كم طفل عندج وتريدين اطفال بعد لو لا

اذا تريدين اطفال جيكي المبايض لان مرات يكون اكو تكيس عالمبايض ياخر نزول الدوره

هاي حالة كانت صديقتي تعاني منهه وان شاء الله الدكتوره تساعدج اذا عندج تكيس او لا
kahramana
24-10-2009, 10:14 PM
عمري القيثاره اني مااريد بعد اطفال بس اني من افحص مايطلع عندي شي بس اتصور من حبوب الاكتئاب الي كان يوصفلي اياها الدكتور اثرت على الهرمونات مالتي وشكرا الك حبي على الاهتمام والله هاي الدوره من ماتنزل اصير اعصاب منها
http://iraqiyat.net/up/uploads/images/iraqiyat-57723c4e7a.gif
قيثارة الحياة
25-10-2009, 05:19 PM
هلو حبيبتي شوفي مادام متريدين اطفال ومسويه سونر ماعندج تكيس
لتخافين ابدا اكو هوايه اعشاب ممكن تنزل الدورة بس لتتخيلين راح تنزل
شهريا ممكن كل 40 يوم او حتى شهرين لان اكو طبيعة جسم متجيهم الدوره بانتظام
اكو بنات بالعشرينات وتجيهم الدوره كل 7 اشهر او كل 3 او 5 يعني اني اختي الكبيره
كانت هيجي وعمتي ايظا هذه وراثة وعمتى اول حملهه توم ماشاء الله
وانتي لتفكرين بيهه علمود حالتج النفسية ترتاح لان كلما قلقتي كلما اتأزمت الامور وتتاخر الدورة اكثر
اني اسفة لان تدخلت وكتبتلج لان شفت اسبوع وتنتظرين الرد كلت افيدج بمعلوماتي الشخصية عن
اختي الكبيرة اللي كانت نفس حالتج واتمنالج العافية والسعادة
kahramana
25-10-2009, 05:54 PM
حياتي بالعكس حلوه عندك روح المساعده بس ماكتيلي شنو اسمها الاعشاب http://iraqiyat.net/up/uploads/images/iraqiyat-10ddc9ef79.gif
قيثارة الحياة
26-10-2009, 02:06 AM
عزيزتي الاعشاب اللي اعرفهه تاثر على التبويض ونزول الدوره الميرميه والحلبة وحبوب الطلع وزيت الحبة السوداء
كمية قليلة ام كوب لانهه زيت وزيت السمسم هذولة كلهه اختي ما اخذتهه بس مو مع بعض كل وحده
فتره معينه وتشوفين ياهو الانسب الج وتدللي
قيثارة الحياة
26-10-2009, 02:10 AM
السمسم ونبات الحنجل لعلاج اعراض انقطاع الدورة الشهرية •° !

نصح طبيب أمراض النساء الفرنسى (سيلفان - ميموم) النساء اللاتى يعانين من اعراض انقطاع الدورة الشهرية ويصل عددهن فى فرنسا الى 400 ألف سيدة ويرفضن العلاج بالهرمون البديل باللجوء الى استخدام السمسم ونبات الحنجل لتخفيف اعراض السخونة واضطراب النوم وزيادة الوزن والصداع وسرعة الغضب والتهيج غير العادى للجسم.

وأوضح الطبيب الفرنسى ان نبات الحنجل يحمى الجهاز الخاص بالاوعية الدموية والقلب ويحل مشكلة جفاف المهبل .اما السمسم فيلعب دور الحماية من الاصابة بسرطان الثدى وازالة المعادن من العظام .


وكشفت الدراسة التى اجريت على هذه النباتات الطبعية انه بعد ست اسابيع من تناولها اصبحت المرأة اقل معاناة من هذه الاعراض .


كما نصح الطبيب الفرنسى المرأة بضرورة الحركة الكثيرة خاصة بعد الخمسين والمشى والسباحة مما يساعد الجسم على افراز مادة الاندورفين التى تجعل المرأة اكثر سعادة
kahramana
26-10-2009, 04:53 PM
فديت الوصفات الطبيعيه حبي قيثاره بس اني بالمانيا وما اعرف من الي ذكرتيه بس السمسم يعني مثلا اوصي بيهم من العراق لو متوفره هنا وتقبلي تحياتي وشكري الخالص الك عمري
قيثارة الحياة
27-10-2009, 02:28 AM
تسلميلي حبيبتي ياريت لو انتي يمي بمصر لان اهنا الكل يشرب اعشاب كلهه موجودة اهنا
طيب الميرميه شاي يستخدموه اهلل الاردن ممكن تسوين عليه بحث تلكين الاسم العالمي للعشبة
بالانكليزي عسى ولعلى تلكيهه يمكم لان تنزل الدوره ومفيدة جدا وزيت السمسم اكيد موجوده يمكم بس دوري عليه لان اكو ناس تستخدمه بالطبخ وياربي الف صحة وعافية
حمامه
27-10-2009, 12:12 PM
عزيزتي المرمريه جربيه موجوده بكثره بالاسواق العربيه
اكيد اكو يمكم
هنا بالسويد موجوده خاصه عند الفلسطينين
كهرمانه عزيزتي شنو اسم حبوب الاكتئاب الي تاخذيه اذا تفيد انطيني اسمه
لآن احس بنفسي راح انفجر
قيثارة الحياة
27-10-2009, 10:42 PM
عزيزتي شموع ليش تاخذين حبوب اكتئاب حقيقي الغربة بالسويد مو سهلة بس ياعيني
حاولي تلتهين باي شي يعجبج وبالليل اشربي لبن مطروك بهديء الاعصاب
واشربي شاي بابونك لان اكيد موجود بكل مكان اسمه الكاموميل وحطي وياهه عسل
واذا عندج ينسون سوي الج شاي كلش مفيد ويهديء الاعصاب عن تجربة
ولتخلين نفسج تحت رحمة الحبوب المهدئة لان تتعودين عليهه ربي يهدي كلل المتغربين
لراحة البال والهدوء النفسي يارب
حمامه
28-10-2009, 03:32 AM
يابعد كلبي قيثاره والله كلامج حلو
وينزل مي بارد على الكلب
ماادري شبيه احس روحي تريد تطلع من الكأبه
اجرب الي كلتي عليه وان شاء الله خير
تشكرات حبيبتي
قيثارة الحياة
29-10-2009, 02:00 AM
حبيبتي احنه خوات ربي يبرد قلبج ان شاء الله
جربي الاشياء اللي كتلج عليهه وهسه تشوفين شلون ترتاحين
واقري قران سوره البقرة وبعون الله ترتاحين
kahramana
02-11-2009, 09:56 AM
شكرا اللك كثير قيثاره حبيبتي وشموع ديري بالك اتجربين ولا حبايه ولا حبايه ترى تدمرين
S U S U
11-11-2009, 03:10 AM
حبيبتي انشاء الله الدكتورة اترد عليج من تتواجد و الف سلامة حبيبتي و البنات ماشاء الله ما قصروا بالرد عليج ربي ينطيهم الصحة و العافية
kahramana
11-11-2009, 10:16 PM
الله يسلمك حبيبه نسمه رعد هسه رحت للدكتوره واخذت منها حبوب مال هرمون وكاعد اشرب شسوي ماكو غير حل