شاركوني بطرق السلق

[ورد الجوري]

راح ابدي من البداية


اني اسلق اللحم والدجاج بدون جلد وبدون شحم وبدون ملح واضيفلة ورقة غار +بصلة مقطع نصفين او بدونه احيانا \\\



لكن

هذا الماء الي اسلق بي اللحم مااستعملة يعني بعد مااوخر الزفرة اغير الماء مباشرتا


او ممكن يبقة ينسلق اللحم او الدجاج بس مااستعملة

الا في حالات نادة جدا

واكثرة للدجاج


تستعملون هاي الطريقة مثلي لو اني فقط استعملة التغيير مو كبير بالطعم لان امي تطبخ بطريقة استعمال الماء يعني مو تغييرة


شاركوني هل اني صح لو غلط

[um maryam]

هله بام جعوبي
بصراحة مااكدر اكول طريقتج صح لو غلط
بس اني استغربت من طريقتج بدون ملح وبعدين تذبين المي
راح اكولج طريقتي اني اسلق اللحم والدجاج عادي بس احطله مي وشويه ملح وطبعا اذب الزفره وابقية لحد ميخلص المي يعني ينشف ويستوي اللحم والدجاج واذا استوه قبل ميخلص المي عادي ابقية واخليه عليه بقية المكونات وبس :3D_Smilies185:

[ايمان الاسلام]

طريقتج نفس طريقة امي ام يعقوب
امي تسلق الدجاج او اللحم وتذب الماي لان هنا اللحم زفر بس
يوم جنه بلعراق لا تسلقه وما تذب الماي ومع المكونات الي كلتيها تضيف الثوم مع البصل بسلق الدجاج
اللحم لا ماكو ثوم ولا بصل بس هيل ودارسين وقرنفل وشويه بهارات مع الملح بس تشيل الها بسبب الضغط
بدون ملح

[البعيدة]

والله اني اطبخ بنفس طريقة ام مريم بس مااحط الملح لان:0145: الملح ياخر انظاج اللحم

[hannin2008]

يا حبيبتي كلنة نذب الماي مالت السلق خاصة واحنة نخليلة ورق غار وبصل مقطع يعني نفس طريقتك
بس اني اعتقد انة هاذا اللحم الي بالخارج زفر مو مثل لحمنة بالعراق ما ادري ليش
اعتقد لان يتاخر بالمجمدات

[البعيدة]

حبيت اوضح شي بسيط للاخت حنين وهو انه الخرفان ليست هي نفس النوعيه التي بالدول العربيه فهذا يسمونه ابو ذويل اي له ذيل وليس ليه وايظا طبيعه مايتناوله الحيوان يختلف وبعدين فدوة اروح لج هو شنو الللي يشبه الي بالعراق حتى الخرفان مختلفه يالله ظلت على هاي

[ورد الجوري]

ام مريم
اني مرات اخلي مي قليل بس مينشف لكن اني اكول اللحم والدجاج هنا بي شحم ودهن هوواية لازم تغيير الماء لان مثل مكالت الاخت البعيدة هنا الخرفان ابو ذيل يصير بي دهن كولش هواية لذلك ابدل المي


اما عن الملح كل نواع اللحوم والدجاج بيه نسبة من الملح فميحتاج ابد ملح

لكن ساعة الي اخلي اللحم بالمرق مثلا اخلي المرق يغلي وبعد الغليان يلة اضيف الملح او الحامض


هاي طريقتي :3D_Smilies198:


r0r0 aLwarDa
مشكورة عيوني وضحتلج ليش مااخلي ملح

ايمان الاسلام
نورتيني طريقة امج الله يحفظة تشبة طريقتي :3D_Smilies198:

البعيده
حبيبتي الطرق متعددة واني ردت اعرف شلون تطبخون نورتوني واضفتولي معلومات جديدة مشكورة عيوني
نورتي فعلا حجيج الخراف هنا ابو ذيل يصير لحمه دهين وزفر مشكورة

hannin2008
اي والله ماكو اطيب من لحم العراق بس الله كريم وطريقتج مثل طريقتي

[ام عائشة]

السلام عليكم
اني طريقتي مثل طريقة البعيدة اسلق اللحم او الدجاج واوخر الزفرة وبعدين اقلل النار حتى لاينشف المي ومن يستوي اخلي الملح لان الملح ياخر نضوج اللحم
واكو معلومة محد يعرفها واني مجربتها اذا اللحم عندج مايستوي خلي خاشوكة ستيل ويا السلك (اللحم) وراح تساعد على استواء اللحم بسرعة واتمنى تستفادون من هاي المعلومة واللة اني على طول استخدمها

[um maryam]

ان شاء الله تكون استفدتي من تجارب البنات

[ورد الجوري]

ام عائشة مشكورة على هل المعلومة جديدة اني اعرف ومرات استعملة اخلي خل كولش قليل للحم ادااحسة قوي



نورتين عيوني




ام مرمي والله استفاديت وعرفت طرق السلق وتجابر البنات

[ماء الفرات]

هلا ام يعقوب طريقتى احط اللحم او دجاج على النار مع الملح بدون ماء وبعد ما يخلص الماء الى بيها احمص البصل وياها زين واضيف اليهم ماء فد استكان تقريبا ووراهابشوية اضيف مكونات بهاى الطريقة اللحم تكون كلش طيبة

[ورد الجوري]

مشكورة ام محمد (ماء الفرات )اعتقد انت تحمسي يعني هم طيب واستخدمه بس مو كثير

مشكورة عيوني

[ام امين]

اني بالنسبة للسلق
اسلقه واوخر الزفرة بس اخليه الا ان ينشف وحتى لتروح قيمته الغذائية
هذا بالنسبة للدجاج
اما اللحم فاني استخدم طنجرة الضغط فالوضع يختلف بعد مااوخر الزفرة اغطيه واحطه لمدة معينه والماء اكبه مااستفاد منه لان اللحم هنا يختلف عن لحم العراق

[ورد الجوري]

ام امين اني مرات اسوي هيج بس كولش قليل

بس مي اللحم يعني مدااستفاد منه ابد مثل مكلتي

واني استخدم جدر الضغط بس مو دائما بس من مستعجلة او اللحم اريد شبه مهروس او باكلات معينة

مشكورة عيوني نورتيني