علموني كيف أعمل السوب الاصفر ؟؟؟؟؟؟؟؟؟؟؟

[تسنيم]

السلام عليكم
رمضان مبارك على الجميع وتقبل الله الطاعات
بلا زحمه اللي تعرف طريقة عمل السوب الاصفر الذي يقدموه بالمطاعم كيف تكون ........ هو سائل ثخين لونه اصفر أيش مكوناته ؟؟؟؟؟؟؟؟؟؟؟؟؟؟؟؟؟؟
اكون ممنونه

[تسنيم]

وين الطباخات الماهرات

وين ام بساسه

يله وروني شطارتكم

[zena2009]

عزيزتي تسنيم السوب الاصفر ندخل على الطريقة مباشرا ---بصل حجم صغير و2بطاطا حجم وسط وجزر واحدة بعد ما قطعتيهن مككعبات صغيرة تحمسيهن على قليل من الزيت حمس خفيف مو ثكلين بالحمس بعدين تحطين نصف كوب عدس وماء يكون مقدار نصف القدر وتحطين ملعقة صغيرة كركم وملعقتين كمون وملح من تحسين العدس استوى تبردين القدر ضرورة يبرد بعدها ضربيه بالخلاط مدة نصف دقيقة ورجعيه بالجدر حتى يحمة مرةالخ ومن تخلطيه بالخلاط اذا عندج كرفس او نعناع او اي شي من المخضر بس حطي قليل مو هواية ----جربيه وادعيلي لان نفس مطلبج بالضبط واي سؤال اني بالخدمة

[تسنيم]

اشكرج عزيزتي على مجهودك وممنونه منك جزاك الله خير

بس مع الاسف مو النوع الذي ابحث عنه

لان الذي اقصده يحتوي دجاج وطحين ومابيه خضروات لانه مامبينه لا بالشكل ولا بالطعم

يااااااااااااااااااااااالا وينكم جاوبوني

[عاشقة العيون]

اللي اعرفة وشايفته بالمطاعم
مكوناته مايونيز وزبده وبطاطا مسلوقه ومهروسه وحامض وملح وفلفل اسود يوضع بالخلاط حتى يصير مثل الصلصله الثخينة
يقدم ويه الدجاج
يمكن هو اللي تقصديه

بس انت من ظكتي شحسيتي طعمه وضحي لنا علمود نكدر نساعدج

[kiwi]

اني اسوي سوب يشبهة
احمس بصلة صغيرة مقطعة ناعم بشوي زيت وبعدها اضيف ملعقتين اكل طحين واقلبهم شوية
اكون مجهزة مرقة دجاج اضيفها على الطحين والبصل واخلطهم زين الى ان يذوب كل الطحين مع مي الدجاج
ويبقى على النار لمده 10 دقايق وتكدرين تخلين بيه معدنوس او كرفس مفروم ناعم وقطع دجاج
اتمنى تكون هاي هي الوصفة الي تدورين عليها

[Queen.Ur.Heart]

هو بالضبط الي قالت عليه الاخت كيوي

هو طحين وسوب دجاج على الاكثر يطبخوا على اجنحة الدجاج
طحين يقلي وينضاف السائل والمنكهات



وينقل لاستشرات مطبخية

[gadeer]

راح اسوية جنه طيب

[حبي]

اني هم خخخخخخخخخخخخخخخخخخخ

[تسنيم]

مشكورة جدا عزيزاتي على تجاوبكم ومساعدتكم
جزاكم الله خير
اي بالضبط هي وصفة كيوي اللي ابحث عنها
وهاي فرصه حتى نجرب وصفات البنات اللي ذكروها
شكرا وتقبلوا مني كل الود وياقة ورد

[kiwi]

هلو بنات
بشروا منوا جرب الوصفة

[سارةحاسبات]

اني بصراحة عجبتني وصفة الاخت زينة لان مبينة كلش طيبة وثخينة بمكوناتهة واتخيلهة حتصير كلش طيبة وتشبه طعم سوب المطعم بس مراح اخلي جزر لان مااحبه

[تسنيم]

جربتها عزيزتي شكرا لك