سجلي حضورج بالفطور اللي طبختي اليوم [الأرشيف]

عاشقة العيون

22-08-2009, 09:41 PM

هااااااي بنات رمضان كريم وكل عام وانتو بخير عساكم من عواده

ماكو داعي للشرح مبين المطلوب
واني منتظره رمضان علمود اسوي الموضوع واشوف شنو فطوركم وبله مستحه

ابدي
اني فطوري اليوم مقرمش دجاج
وخيار وروبه (جاجيك)
وتمر
وعصير ميزو تمر هندي

وانتو؟؟؟؟؟؟؟:0148:

طبعا اليوم خسرت كيلوين ومن فطرت رجع وزني اكثر مما جان هههههههه ماكله هوايه

وانتو ؟؟؟
شلونكم اليوم ويه الصيام؟؟؟
وشصار بيكم من احداث ؟؟؟
احجو مو بس تكتبون القطور وتنهزمون تره اززززززعل؟؟؟

يلله باااااااي:092::092::092:

عاشقة الجنة76

23-08-2009, 12:05 AM

مشكووووووورة وردة على الموضوع الجميل والله الحمد الله اليوم طبعا اني واطفالي الزغار الكل صايمين رغم حرارة الجو بس الحمد الله رب العالمين يعاون محسينة لاعطش ولاجوع حتى اطفالي متعبوني الحمد الله بس شوية اشتغلتو ونظفتو البيت فشعرت بالتعب بس لااكثر وفطوري كان كالاتي:

1.افخاد دجاج شوي مع بطاطا(تبسي)
2.دولمة لان الاولاد يحبوهة كثير
3.شوربة عدس

شربت تمر هند من تحت دياتي طبيعي 100%
شربت زبيب الموصل الشهييييير من محل طه ههههههههههه

ورمضان كريم وينعاد علينة وعليكموعلى امة سيدنا محمد صلى الله عليه وسلم بالخير والبركةوالايمان والي الشرف اكون اول وحدة ردت على الموضوع ويعني بهاي المناسبة المفروض فطورنة عليكم هههههههه مشكورة حبي على روعة الموضوع

عاشقة العيون

23-08-2009, 01:52 PM

شكرا جزيلا عاشقة على مرورج الله يتقبل صيامج باذن الله
وفرحتيني على مرورج لان اني احب السوالف ههههههههه
وانشاء الله الفطور الجاي عليه اجيبه بتكسي يوصله لباب بيتكم
للطلب اتصلو على الرقم
4441290
ههههههههههههه
عود كليلي اللي تشتهي عالفطور

أم محمد

24-08-2009, 12:19 AM

تسلمين عالموضوع .اني اليوم طبخت برياني وتشريب لحم ومرقة فاصوليا يابسة وشوربة عدس وسويت عصير عنب .طبعا اني الطبخ عندي سهل بس اشيل هم لغسل المواعين وطبعا احنا منتسحر بس عالفطور .
ها نسيت اكولج اني اليوم خبزت خبز عراقي بالاوفن
اليوم شبعتج سوالف بعد شتردين هههههههههههه

عاشقة العيون

24-08-2009, 09:27 AM

الف عافيه ام محمد وعاشت ايدج والله شهيتيني هههههه
واي غسل المواعين اللي يتعب بس شنسوي هاي حياتنا اليوميه

احنه البارحه فطورنا:
شوربة فطر
بطاطا مقليه
كبه عائليه
عصير تمر هندي من صنع ماما
لبن باااارد وطيب

بعد وين اهل السوالف
اشو قليلين

عاشقة العيون

25-08-2009, 01:20 PM

هاي وينكم شنو محد يطبخ فطور؟؟؟؟؟؟

Queen.Ur.Heart

25-08-2009, 03:00 PM

والله هو الموضوع حلو
بس مكانة غلط المفروض تنزلي بالخيمة الرمضانية

لان البنات هناك يتواجدون

يلا راح انقلة الج

واني البارحة سويت

محاشي بطاطة وشجر باللحم

وتمن اصفر وشوربة عدس بس اليوم لسة ممقررة

عاشقة العيون

25-08-2009, 04:52 PM

شكرا عالنقل عزيزتي

Queen.Ur.Heart

25-08-2009, 05:56 PM

تدللين
واني اليوم سويت شوربة دجاج
وشويت دجاج راح نبيض اليوم خخخخخخخخخ
وسلطة معكرونة

وعدنا اكل من البارحة همين والحلو بقلاوة وعصير لالنكي

عاشقة العيون

25-08-2009, 07:27 PM

اي والله راح نبيض من الدجاج اللحم غلة صار الكيلو 16
واليوم فطورنا :
تكه مشويه
زلاطه طيبه
اندومي
بطاطا اصابع مقليه
طماطه شوي
وعصير تمر هندي
والحلو:
ساهون ايراني مخصوص

قمراااالزمان

26-08-2009, 12:56 AM

موضوع جدا حلووووووووووووووو وشيق

طبعا اني اليوم طبخت شوربة عدس ومشاوي كباب وتكة وكبة بطاطا مشويه وسلطات وقيسي وعصير زبيب

والحلا زلابيه وداطلي ومهلبيه بالرز

مسك

26-08-2009, 02:28 AM

موضوع رائع
اني اليوم سمك فيلي مقلي وية البطاطا لاولاد
والرجال دايت سويتلة سمك فيليه بصلصة الحامض والكزبرة
وتمن زعفران على البخار وخضار مسلوكة
وشوربة دجاج بالخضرة
وتشريب دجاج وسلطة وعصاير

H A M S A

26-08-2009, 02:46 AM

عاشت ايدج عالموضوع

اني اليوم طبخت دجاج مشوي ويه الخضار واسبكتي وشيخ محشي

وشورية عدس وكيكو

عاشقة العيون

26-08-2009, 01:38 PM

الف عافيه حبيباتي....
شنو هذا الطبخ دتبدعوووون
وطبعا هذا الموضوع يفيد للي متعرف شتسوي اليوم فطور
يللا بعد اريد اكلات

شجره الدر

26-08-2009, 06:18 PM

تسلم ايدك اختي موضوع جميل جدا
انا عملت اليوم شوربه بطاطا مع بروكولي
تتر قولاغي مع اللبن
برده بلاو وسلاطه
كل عام وانتم بخير

عاشقة العيون

26-08-2009, 06:26 PM

احنه اليوم فطورنا :
تمن باقلاء مع الشبنت
شوربة عدس
سلاطه
تشريب
لبن

عاشقة الجنة76

26-08-2009, 10:45 PM

اليوم فطورنا كانكالاتي:

1.شاورما مع طماطة شوي من تحت دياتي

2.تمن عنبر يخبل مع تبسي بيتنجان وكفتة

3.سمبوسك وكبة تمن مع الطرشي طبعا

4.سلاطة بعصير الليمون وزيت الزيتون احبهة كثييييير والعصاير شربت زبيب الاولاد يحبو كثير وعصير كوكتيل برتقال وجزر

وهاي هية خلص وكل عام وانتو بخير ههههههههه

عاشقة العيون

28-08-2009, 10:36 AM

الف عافية عاشقة
احنه اليوم بعدنه ممقريين شنو الفطور

عاشقة العيون

28-08-2009, 02:21 PM

اليوم فطورنا:
دولمه بورق العنب وورق السلق هسه دنشتغل بيها تخبل مالحه وحامضه ومنكهه ...
كبه عائليه موصليه
شوربة عدس
تبسي دجاج مع البطاطا والخضروات
لبن وتمر
وبس

عاشقة العيون

28-08-2009, 02:22 PM

يللا وين العضوات الباقيات؟؟:0148:

عاشقة العيون

30-08-2009, 02:30 PM

شنو محد ديطبخ فطور؟؟؟

عاشقة العيون

30-08-2009, 09:17 PM

شنو بس احنه نطبخ ماكو احد غيرنا ؟؟؟
المهم اني زعلانه منكم لان ممعبرين موضوعي

اليوم فطورنا:
تبسي بيذنجان مع الطماطم والفلفل والبصل والثوم والبطاطا
لبن
كمنا نسوي فطور خفيف لان تعبت معدتنا كامت متهضم

H A M S A

30-08-2009, 09:51 PM

اليوم فطورنه جان مشاوي كباب وتكة لحم ودجاج

وبورك وشوربة عدس وزلاطه ولبن وهاي هيه ههههههههههه

حبي

30-08-2009, 10:03 PM

كباب عراقي وتحابشيه

عاشقة العيون

31-08-2009, 12:07 PM

عافيات حبيباتي

يللا وين الباقيات

لمار 84

31-08-2009, 02:16 PM

اليوم فطورنا فاصوليا وتمن ابيض ودجاجه شوي وشوربة عدس وبرك بالجبنه واللحمه وسلطه موسميه ومحلبي

Miss Perfume

31-08-2009, 02:23 PM

اليوم فطورنة شوربة نودلز بالدجاج ومعكرونة بالخضار وستيك دجاج وسلطة بعدني مامقررة شنو
واكييييييييييييييييد ببسي ههههههه

عاشقة العيون

31-08-2009, 08:31 PM

هلووووو شلونكم
احنه اليوم فطورنا كص لحم مع الصلصله وشرائح الليمون
وبابا غنوج بالخلاط صار مثل الكريمه يخبل
سلاطه
شوربة فطر
لبن وتمر

والحمدلله والشكر

عاشقة العيون

01-09-2009, 03:36 PM

يللا وين الباقيات؟؟؟
هالمرة من صدق زعلتوني
لان ممعبرين موضوعي ابدا
تردون على باقي المواضيع وتشمرون موضوعي للاخير

عاشقة العيون

01-09-2009, 07:07 PM

اليوم الفطور طيب ومشهي ومكانكم خالي وهو:
تمن بريااااااااني
مع التشريب واللحم
سلاطه
لبن وتمر

والحمدلله والشكر

نور الصباح

01-09-2009, 07:11 PM

هلووووووووو

اليوم سويت شوربة هيليون اول مرة اجربهااااااا
وفطائر مال سبانغ وصوصج ودجاج وخضار

وعصير بطيخ

ودمتم سالمين

والف عافيات فطوركم حبايب

هاي حتى متزعلين خخخخخخخخخ

ام علاوي الوكح

01-09-2009, 08:02 PM

اليوم طبخت شوربة عدس
وسويت عروك وعصاير ومقبلات جاهزة والحلى
كنافة وزردة من جيرنة وطلعت مطيبة
ولبن وركي وصمون حارررررررررر
ودمتوا سالميننننننننن

حبي

01-09-2009, 08:26 PM

والله اني حايره بعدني ما ارعف النوبه غدى هم بعدني ممسويه لرجلي ولرنوش ئوي حيره

عاشقة العيون

02-09-2009, 04:22 PM

الف عافيه...
احنة اليوم فطورنا سمج وبعد ما ادري

عاشقة العيون

02-09-2009, 07:21 PM

اليوم الفطور :
سمج مشوي بالفرن
مع سلطة السمج المتكونه من بصل مكعبات وطماطم وبهارات
بصل مع السماق
لبن

والحمدلله والشكر

عاشقة العيون

03-09-2009, 07:27 PM

اليوم الفطور:
مرقة فاصوليا يابسه
تمن ابيض
سلاطه

عاشقة العيون

07-09-2009, 06:29 PM

اليوم الفطور دجاجه مشويه اشتريناها جاهزة
ويه بطاطا قلي وجاجيك(خيار ولبن)
وشراب فيمتو

عاشقة العيون

10-09-2009, 02:34 PM

اليوم الفطور تكه لحم ويه سلطة بيذنجان
وشوربة فطر ولبن وتمر وانتو؟؟؟؟

نبع الاحساس

13-09-2009, 10:54 PM

اليوم احنة فطرنا لازانيا وهية اكلة تشبة المععكرونيا بالبشمل ومن تحت ايدية طبعا
وسويت وياها لحم بعجين همين من تحت ايدية طبعا
ولبن وخيار وشنينة وزبيب وتمر هند وعصير ليمون وهاهية
ووبالنسبة للحلا رجلي جاب كنافة وعمتي سوت عوامات

عاشقة العيون

13-09-2009, 11:08 PM

الف عافيه وشكرا على مرورج

احنه اليوم فطورنا:
كص دجاج مع صلصه
شوربة عدس
سمبوسه باللحم المثروم والمعدنوس
فنكر بطاطا
سلاطه
لبن وتمر
والحمدلله والشكر

يللا وين ردودكم راح يخلص رمضان

لولــــه

14-09-2009, 03:10 PM

هليوم سويت فطور شوربة حامض شلغم بالكبه
و تمن كشري
و بيتزا
و طبعا زلاطه

و عاشت ايدكم على الموضوع الحلو

عاشقة العيون

14-09-2009, 04:00 PM

الف عافيه حبيبتي
اتمنى الموضوع عجبج وتشاركينا دائما بي

عاشقة العيون

15-09-2009, 08:09 PM

اليوم الفطور:
سمج حرش بالكاري
سلاطه
بصل وسماك
لبن وتمر
والحمدلله والشكر

وانتو؟؟ راح يخلص رمضان ومحد كايل شنو فطوره

عاشقة العيون

17-09-2009, 06:46 PM

اليوم الفطور:
كبه لبنيه على الطريقة السوريه
سلاطه

الحنان5

17-09-2009, 10:23 PM

اليوم الفطور
طبعها اهل الزبير معروفين يحبون القرع
تشريب قرع
شوربه عدس سبرنك رول
كبه رز
لقيمات
عصير فيمتو وشربت ليمون
وتمر ولبن
وبس
تدرون اخر رمضان الوحد مل من المطبخ
انطلع من الفريزر ونقلي اسهل