ساعدوني ارجوكم ؟

[نغم بغداد]

بسم الله الرحمن الرحيم
ارجوا الي يعرف حل لحالتي يساعدني اني تاخرت يالة حملت بعبودي وبموعد الولادة مصارت عندي اي ولادة حتى التوسع الي كان عندي ثخن واضطريت الى العملية القيصرية وياريتني مسويتهة الى هسة اعاني منهة طبعا الشيخ عبودي مقبل يرضع من صدري ليش مااعرف وشكد حاولت ويا ومقبل رضع لمدة شهر وبطل بعد معارك اني ويا وبالاخير هوة انتصر . المهم ورة الاربعين ظليت انزف لمدة شهر ونص الى ان رحت لدكتورة ونطتني علاج ينشف الحليب من صدري لان كالت هذا لان الشيخ مرضع منج تبقين تنزفين صحيح انكطع النزف بس المشكلة الالم الي احس بي داخل بطني والهم الخ الي انظاف ويا انه الدورة قبل الحمل كانت اذا طول عندي ظل سبعة ايام هسة اظل عندي عشرة ايام اريد حل شسوي حتى ارجع طبيعية مثل ارجوكم ساعدوني

[gadeer]

والله يااختي شكلج الله ينطيج الصحة يارب
واتصور انو هيه فترة من الوقت وكلشي يرجع لحاله لان اختي هم سوت عملية فتح بطن والحمد لله كلشي طبيعي عدها هسه والله يحفظلج الصغير يارب

[بنت النجف 1]

عندج العافيه اختي
والله يااختي اني مسويه اثنين عملية والحمد الله وشكر كلش طبعيي وكلشي ماعندي

اتمنه افيدج بشي
الله ينطيج الصحه والعافيه ويخليلج شخ عبودي

[لمار 84]

والله يا حبيبتي هذا غلط الدكتوره اللي سوت العمليه الج ما نظفت الرحم زين وبقيتي اتنزفين وراح تبقين هيج لحد تقريبا عشر اشهر يلا الرحم ينظف وشغلة الحليب ما اله دخل بالنزيف هاي يمكن سوالف دكاتره مال يلعبون بالهرمونات انتظري كم شهر وراح ترجع الامور لان اني همين اول عمليه هيج ورحت لدكتور وقال الي اكو عمليات ما ينظفون وصحيح العمليه الثانيه سويتها ثاني يوم انكطع عندي الدم لان سويتها عند دكتور شاطروانشاء الشفاء العاجل وربي يخلي الج الزغيرون

[نغم بغداد]

شكرا حبيبيتي غدير وام عبدالله وشكرا لاختي ام لجين والله كلامج صحيح للاسف الطب هسة متاجرة بلحوم البشر والحمدالله على كل حال بس ادعولي بطن الخ تكون الولادة طبيعية

[بنت الرمادي]

نغومه اسم الله عليج داده مابيج غير العافيه
ياربي تحبلين وتجيبين طبيعي يارب يالله باعي
اني حماتي هم جابت قيصري والبنيه متقبل تاخذ صدرهة
وعاشت على الممه وعادي ربي يشافيج نغومه:11_2_104[1]:

[المهندسة الكيمياوية]

الله يشافيج حبيبتي نغم واتمنيت انه اكدر اساعدج بس مكدرت لان ماعندي خبرة اني بعدني حامل بأول طفل
بس ادعيلج ان شاء الله اصيرين حامل واجيبين طبيعي امين رب العالمين
تحياتي الج

[د.سمرقند]

السلام عليكم اختي العزيزة
بالنسبة للنزف اللي صار بالبداية اكثر الاحتمال انه تبقى جزء من المشيمة داخل الرحم وهذا اللي سبب استمرار النزف وطبعا الرضاعة الطبيعية تساعد بصورة كبيرة على تقلص الرحم ورجوعه الى حجمه الطبيعي وبذلك يتوقف النزف وفعلا هاي الحبوب تساعد على توقف النزف اما بالنسبة الى مسالة استمرار الدورة لمدة عشرة ايام هذا شي مو كلش خطير وبما انه انتي لا ترضعين رضاعة طبيعية تستطيعين ان تاخذي حبوب منع الحمل لمدة 3 اشهر مثلا حتى تنتطم الدورة او هناك حبوب تاخذ لتنظيم الهرمونات وهي ليست حبوب منع الحمل تستطيعين مراجعة اي طبيبة اخصائية نسائية وهي سوف تصف لك العلاج الصحيح والشافي انشاء الله
د.سمرقند

[د.سمرقند]

عزيزتي
وبالنسبة الى مسالة الولادة القيصرية والولادة الطبيعية هي لا تفرق كثيرا المهم هو سلامة الام والطفل اولا واخيرا اي لا تفكرين في الولادة المقبلة قبل وقتها كل شي في وقته وحتى لو كانت الولادة الثانية سواء لك او اي واحدة مثل حالتك قيصرية لا توجد مشكلة اطلاقا المهم هو السلامة
د.سمرقند