سؤال للدكتوره

[ام منه]

السلام عليكم
دكتوره اني حطيت لولب عالاربعين لما جبت بنتي وبقى اللولب تقريبا سنتين وشويه
وهسه شلته صارلي 3 اشهر من شايلته ولما شلته الدكتوره كالتلي ماعندج التهاب
بس لهسه ما صار عندي حمل واني صارلي 3 اشهر شايلته
واني عندي الدوره كل 28 يوم او 29
اريد اسال يعني اللولب اياثر على الحمل لان هواي كالولي ان من الصعب ان احمل لان حطيت لولب بعد اول طفل هل صحيح هذا الحجي
والسؤال الثاني
اذا اني الدوره مالتي كل 28 يوم شوكت اتصير ايام الاباضه يعني الايام الي تصير بيها حمل
ياريت اتفيديني
جزاج الله الف خير حبيبتي ياريت ما تتاخرين عليه بالرد

[د.سمرقند]

السلام عليكم اختي العزيزة
هل تعرفين اختي العزيزة ما هو عمل اللولب او كيف يعمل اللولب كمانع للحمل ؟؟
اللولب يعمل كمانع حمل لانه يقوم بتهييج الرحم اي ان الرحم لا يكون في وضعه الطبيعي في وجود اللولب ,هذا التهيج لايمنع حدوث الحمل ولكن يمنع انغراس او التصاق البيضة المخصبة في جدار الرحم اي ان الحمل ممكن ان يحدث مع وجود اللولب ولكن يسقط بدليل ان بعض النساء اللاتي يضعن اللولب يحدث لديهن حمل وممكن ان يستمر مع وجود اللولب ونشاهد اللولب في هذه الحالة في غير مكانه الصحيح ويبقى داخل الرحم الى حين الولادة ,وطبعا كل جسم يختلف في تفاعلاته واستجابته للولب ,لذلك بعد رفع اللولب ممكن ان يحدث الحمل مباشرة في حال رجوع الرحم الى وضعه الطبيعي ,او ممكن ان يتاخر الى حين استقرار وضع الرحم ورجوعه الى وضعه الطبيعي وهذه المدة غير معلومة وتختلف من جسم الى اخر واذا تحبين ان تتاكدي من الوضع يجب عمل سونار للتاكد من الوضع وكذلك هذا السونار يفيد لمعرفة اذا كان هناك اباضة اولا اواذا كان هناك بيضة ناضجة صالحة للتلقيح .
يوم الاباضة وليس ايام الاباضة يوم الباضة هو 14 يوم قبل الدورة المقبلة لذلك اذا كانت الدورة منتظمة ففي اليوم ال13من الدورة الحالية <اي تحسبين من اول يوم تاتي فيه الدورة لمدة 13 يوم> اذا عملنا سونار للمبايض نجد ان هناك بيضة ناضجة جاهزة للانطلاق من المبيض ومن ثم التلقيح لذلك يكون الجماع في ال3 ايام التالية لضمان حدوث التلقيح .
اما اذا لا تريدين عمل سونار فالايام المناسبة للتلقيح هي العشرة الوسطية من الدورة <من اليوم 11 الى اليوم ال20 > والافضل مراجعة الطبيبة المختصة لاجراء الفحص الكامل
د.سمرقند

[ام منه]

شكرا حبيبتي على الشرح
اني لما شلت اللولب فحصتني الدكتوره وكالتلي هسه اذا اتروحين اتنامين ويه رجلج يمكن تحبلين كالتلي كلشي زين عندج
وبالنسبه للاباضه
احسب ايام الدوره هم لو احسب من اول يوم تخلص الدوره
وشكرا حبيبتي وجزاج الله الف خير

[د.سمرقند]

السلام عليكم اختي العزيزة
هناك فرق بين يوم الاباضة وايام التلقيح يوم الاباضة يكون قبل 14 يوم من الدورة المقبلة وليس الدورة الحالية يعني مثلا اذا اتتك الدورة يوم1 تموز وكانت الدورة تاتي كل 31 يوم يعني الدورة المقبلة ايضا يكون موعدها يوم 1 من الشهر المقبل اي 1 اب فالاباضة تكون يوم 17 تموز اي 14 يوم قبل موعد الدوة المقبلة.
اماايام التلقيح تكون في العشرة الوسطية وتحسبين من اول يوم تاتي فيه الدورة الى يوم 11 تبدا ايام التلقيح الى يوم 20 ,واذا تريدين ان تاخذي سونار لمعرفة حجم البيضة ايضا تحسبين من اول يوم تاتي فيه الدورة وتاخذين سونار يوم 13 من الدورة .
د.سمرقند

[د.سمرقند]

السلام عليكم اختي العزيزة
هناك فرق بين يوم الاباضة وايام التلقيح يوم الاباضة يكون قبل 14 يوم من الدورة المقبلة وليس الدورة الحالية يعني مثلا اذا اتتك الدورة يوم1 تموز وكانت الدورة تاتي كل 31 يوم يعني الدورة المقبلة ايضا يكون موعدها يوم 1 من الشهر المقبل اي 1 اب فالاباضة تكون يوم 17 تموز اي 14 يوم قبل موعد الدوة المقبلة.
اماايام التلقيح تكون في العشرة الوسطية وتحسبين من اول يوم تاتي فيه الدورة الى يوم 11 تبدا ايام التلقيح الى يوم 20 ,واذا تريدين ان تاخذي سونار لمعرفة حجم البيضة ايضا تحسبين من اول يوم تاتي فيه الدورة وتاخذين سونار يوم 13 من الدورة .
د.سمرقند

[ام منه]

شكرا حبيبتي الدكتوره سمرقند على الشرح الوافي
وعندي سؤال اخير ولو ضوجتج بس اني لان عمري صغير ما اعرف بهاي الشغلات اول مره اسال
بس اريد اسال على ايام الي تكون بيها ولد والايام الي تكون بيها بنت
بالنسبه لوضعي اني تيجي الدوره كل 28 يوم
اني اعرف انو كلشي بايد رب العالمين بس هواي ناس كالولي اكو هيج شي يعني يكون حساب للولد وللبنت
وشكرا حبيبتي

[د.سمرقند]

السلام عليكم العزيزة
الأيام اللي يصير بيها ولد هي تقريبا 14 ,15 ,16,او اذا تحبين اعملي سيرج على الجدول الصيني للحمل وهذا الجدول يختلف يعتمد على العمر
رمضان كريم
د.سمرقند