المساعد الشخصي الرقمي

مشاهدة النسخة كاملة : سؤالي للدكتورة سمر قند

نداوى
09-07-2009, 05:11 PM
عزيزتي الدكتورة سلام عليكم

حبيبتي زين موجودة
اني باجر بخير عندي موعد وية الطبيبة اريد اسوي منع نهائي عمري 41 سنة
بس اريد اعرف السلبيات الي ممكن تصيرلي من اجراء هكذا عملي
لأن هسة مخلية لولب هرموني وكلش متعب اعصابي فترة الدورة خاصة اذا تأخرت حتى تعب جسدي يصيرلي
ياريت تجاوبيني والج الف شكر
د.سمرقند
09-07-2009, 07:10 PM
السلام عليكم
عزيزتي نداوي شلونج وشلون صحتج انشاء الله بخير
طبعا انتي قصدج تريدين تسوين عقد انابيب هذا القرار من تتخذه الطبيبة المعالجة تعتمد على عدة اشياء اولا كم طفل عندج هاي اهم الاسباب اللي يعتمد عليها هيجي قرار وهاي العملية هي شي نهائي يعني وراها ما ممكن يصير عندج اطفال <طبعا الا اذا العملية غير ناجحة>الا تسوين عملية فتح الانابيب وهاي طبعاعملية اصعب
اما بالنسبة للمانع تكدرين تجربين غير طريقة اما الحبوب او التحاميل القاتلة للحيامن وهاي كلها طرق غير نهائية وطبعا هسة اكو حبوب منع الحمل متطورة ومضارها الجانبية قليلة جدا مقارنة بالحبوب القديمة
اما مخاطر العملية فهي مثل مخاطر اي عملية ثانية مثل مخاطر البنج ومخاطر الالتهاب بعد العملية
د.سمرقند
حورية_الحور
09-07-2009, 08:13 PM
دكتورة عندي سؤال على ذكر مانع الحمل
هية هاي التحاميل ما بيهة مضار جانبية و عادي تنلقي باي صيدلية

تعذريني نداوي بس اني هم شايلة هم منع الحمل خخخخ
نداوى
10-07-2009, 02:29 PM
شكرا عمري دكتورة
اني عندي ولدين وبنت والحمد لله على مااعطانا ... لهذا خلاص اكول يعني بعد شأنتظر وتدرين بعد الاربعين الجنين يكون مهدد صحيا واصلا اني ماالي خلق على الاطفال ..
هسة الموضوع راح ااجله لأن الى هسة مااحد شجعني عليه . وبعد اللولب الهرموني بيه فترة بس اني كنت اعتقد انه اللولب سبب شد الاعصاب الي انا بيه ...


.........

عزيزتي حورية ماكو فرق وان شاء الله الاخت سمر قند تنتبه لردج
د.سمرقند
10-07-2009, 07:09 PM
السلام عليكم
اخواتي العزيزات هاي التحاميل متوفرة بالعراق وموجودة اكيد بالحارثية بس تكولون للصيدلي او للطبيبة تحاميل المانع وهية معروفة اما بالنسبة للاخت نداوي صح انتي عمرج بالاربعين بس عندج بس 3 اطفال وهذا يعتبر عدد قليل وماكو طبيبة بالعراق راح تسويلج عقد والمفروض اللي تسوي عقد عدها فد 6 اطفال فما فوق او عدها 4 بس عدها حالة صحية تمنعها من الحمل مثل امراض القب اوما شابه يعني الحمل خطر على صحتها اما انتي عزيزتي فاطفالج قليلين وعمرج بعدة صغير
د.سمرقند