مانوع المعطر الي تستعملية (الديودرنت)

[ورد الجوري]

هلو طبعا الموضوع جدا مهم للكل
حبيت اطرحه هنا شنو احسن معطر تستعملي للجسم
بي ريحة حلوة +معقم +مابي مضار صحية +ميخليج تعرقين هواية +ميسود الهدوم (يعني يخلي بقع بالملابس )
هنا لتستغربون لان بصراحة اكو معطرات تسود

مثل روكسانة

راح احجيلكم عن تجربتي

اول شي من جنت بالعراق جنت استعمل ليدي سبيد ستك الاردني حلو وبي ريح حلوة وسعره مناسب
بعدين اجتي فترة كاموا يجيبولنا الاصلي من امريكا
وشكله روعة يطلع مثل الدوش وفيكات

وبعدين كمت استعمل دوفف الالماني هم حلو ومناسب

طبعا اني استعمل الي يجي يشبه الصابونه مو المعطر مثل السبري او السائل

هنا جربت فيجي حلو وروعة وموجود بالصيدليات هو فرنسي ويعني روعة بس جريت الصابونة مابي ريحة يعني طبي بحت
وجربت السائل شفته روعة

وهسه بديت اجرب غير نوع بس بصراحة غالي ومو شي يعني مو على كد فلوسه
اسمه بيو ثيرم او تيرم
دااستعمل السائل

بس حبيت اسئل منومجرب معطر لانكوم الي بدون ريحة
او معطر من استي لودر الصابونه اوالسائل
يعني تجاربكم للمعطرات

اني بصراحة اريد اغير لان بقيت تقريبا سنتين استعمل فيجي بس كلت لازم اغير حتى جسمي ميتعود


فشنو الانواع الي مرتاحين عليه

ها بالمناسبة

مم الانكليزي مااحبة بكل انواعه وجربته مفادني
وكتلكم روكسانة جان كارثة

يعني تجاربكم وياية خلي نشوف احسن نوعية وسعره مقبول :3D_Smilies198:

[ورد الجوري]

هاي وينكم شنو بس اني استعمل معطر لو شنو القصة تعالوا سولفو تجاربكم لو بس اني عندي هدوم تلفت من المعطر :0148:

[DaNdOnA]

هلو حبيبتي ام يعقوب مشكورة على هالموضوع كلش حلو

واني استعمل ليدي سبيد ستك

كلش زين الصابونة والسبري

بس اكثر شي السبري لان ميوسخ الهدوم بس هم بيه نسبة من الباودر

يعني من البس ملابس لونها طوخ اخلي السبري

ومن البس الفاتح احط الصابونة

مشكورة عمري ما قصرتي

عساج ع القوة

[um Dania]

[SIهلو حبيبتي ام يعقوب خوش موضوع لان اني كلش احب العطور
روكسن اني استخدم التري من اسافر لتركيا بلصبف اشتري منا كلش زين جنت قبل استخدم روكسان بلعراق بس دوك كارثة حاليا صار شهر تقريبا استخدم معطر مال محل بودي شوب تعرفي يجوز موجود يمكم بس كلش زينة روعة ريحتة هادئة واهم شي ما يسوي حساسية هو بشكل السبري اسمة المسك الابيضZE="3"][/SIZE]وشكرا حبيبتي:sfsfsf:

[jasmina]

انى استعمل lele هذا ريحته كلش طيبه وخفيف واستعمل السائل لان الصابون مااحبها
واستعمل chance من chanel هذا كلش عجبنى ريحته هادئة وتبقى وقت طويل وانى مااحب اجلب بالمعطر لازم اغيره كل فتره
بس ريكسون استعملته مرة ومعجبنى ابد
بس انى ممواجهة مشكلة البقع او الاسوداد الىتسببها المعطرات

[ايمان الاسلام]

انااستخدم من بودي شوب بخاخ بعطر الورد كلش حلوه ريحه
ما استخدم سبري ابداخاف منه

[ورد الجوري]

DaNdOnA
مشكورة حبيبيتي اني هم جنت استعمل سبيد ستك والله هو زين
بس نصيحة لتستعملين السبري بكثرة خلي بس بالمناسبات مااعرف قبل كم سنه كالو السبري مضر (اقصد كل انواعه ,المعظر +سبري الشعر وهل سوالف )

عراقية من بلد اخر
شوفي اي منتج امريكي تقريبا متلكي هنا
وتلكين بس الشغلات الي جدا مشهورة البدي شوب مشهور بس بصراحة اني ممنتبه على المعطر مالتهم هسه اشوف
وروكسانة يعني محبيته ابد
وتعرفين جسم عن جسم يختلف اني من النوع الي اعرق كثير حتى بالشتا وبجوهم هذا البارد والمثلج يعني لازم اخذ نوعية جيدة

ياسمين80
مشكورة عيوني بس تعرفين يعني الصابونة تبقى اكثر :3D_Smilies198: والعطر اقوى بس طبعا كل واحد وذوقة

اشوفهم هل مرة عاد هل مرة من اروح للسوك اتفرج على جميع انواع المعطرات



ايمان الاسلام
هاي شنو دتسون دعاية لبدي شوب :3D_Smilies185: (اشاقة ترة )
تعرفين اني هم مااستعمل البخاخ ابد يمكن مرات معدودة

وراح اور على بدي شوب هو موجود بس مو بكل المكانات ومرات حتى مموجود مع الكوزمتك

مشكورني نورتوي موضوعي

[r0r0 aLwarDa]

استخدم جوتشي ... ريحته جنان صح غالي بس فلوسه بيه

[ورد الجوري]

r0r0 aLwarDa
مشكورة عيوني والله الغالي فلوسة بي بس احيانا مو كل غالي يفيد

[دلولي]

هلو رورو وهلو بنات طبعا اني كلما مكياج والسكرابيخلص معطر اغير لان امل بس جنت استعمل مثل كل البنات هنا بالعراق ليدي سبيد ستيك مفادني والله هو صح يبقه ميخلي ريحه ولا شي وينشف بس ولون الطواخات مشكله جبيره بعدين استعملت معطر هو اسمه كالديون كلش طيبه ريحته وبيه عطر هم من باريس طهسه حاليا دا استعمل نيفيا الجديد .هو مو كلش جديد المهم مال حبات اللؤلؤ مادري موجود يمكم الاصلي الالماني اكيد موجود هو هذا سؤال بس هو على العموم المعطرات والكريمات والسكرابس وكريمات البشره والمذيات دا الاقي صعوبه اميز بين الماركه والتقليد حته اللي جنت الي ثقه بيهم محلات ماركه وميغشون غشوني اخر مره راح اتخبل واريد اطرح هذا الموضوع طبعا بنات عفيه اللي بالعراق تكولي منين تشتري اشياء ماركه مع العلم اني بيتي بالجادريه يعني مو تكولولي مكان بالكرخ بعيد حبابات وشكرا عالموضوع الحلو بيباي

[شمس العراق]

حبي ام يعقوب وباقي البنااات

اني كنت استعمل دوف الله شاهد مرة لو مرتين خليت منة

بس تدرين معطرات الجسم مو زينة على الجسم وخاصة منطقة الابط
حساسة تكوون وتصير سودة مع مرور الوقت
تعرفين اني شنو استخدم
(Aeo-Kristall) من (Mineral Stick )

اعرف بيج انتي بألمانية هذا يبيعوه بال شليكر الروز مان الدي ام
او الصيدليات

تعرفون هذا شنو ؟؟؟؟

اكتشفوا الالماااااان بالجديد صارلة سننين
هذا شــب !!!!
اي والله احسن شي الشب لتحت الابط واسألوا هواية من الناااس
لتستغربون بس والله ماكو احسن من الشب لتحت الابط
وهذا يصير على شكل صابونة والعلبة سعرها كلش رخيص وتدوم سنة كاملة
وحتى اني عندي وحدة استخدمها وزوجي هم عندة وحدة يستخدمها
ماكو ريحة طبعا وبالاظافة اني اعطر نفسي بعد ما اخلي الشب بعطري المفضل
وخلصانة من السواد ومن اتلاف الملابس واهم شي الريحة
هذا شي طبيعي ومن دون مواد كيماوية ومن الله
وانصحكم بيه

[ورد الجوري]

دلولي الله يعينج اختي وتلكيت الاشياء الاصلية


شمس العراق عيوني راح اكتب اسمه حتى ماانسى واشوفه ولو اني من محبين المعطرات لان بيه ريحة , وفعلا هاي الملابس يعني فترة ويتغير لونه جربت اشكال والوان وبعدين احس موصلت للشي المطلوب

هسه ااجرب
من


yves rocher

والله كريم

[سنوبيا]

اني استعملت اشكال وانواع بس ماكو احسن من الشب الشب العادي الى يبعو

بلعراق

[دنو]

اني استخدم ليدي سبيد ستك الامريكي الاصلي مكتوب عليه تين سبرت يعني للمراهقات طبعا احنا مو مراهقات بس لانه هذا اطيب معطر ريحته منعشه اتجنن ورجلي ايموت عليه خصوصا ابو الفراولة ممممممممممم ايجنن مرات اريد اكله خخخخخخخخخ

[ورد الجوري]

سنوبيا اني سامعة وحسب مااعرف الشب يسد ممسام الجلد صح يقلل العرق بو موصحي ابد


دنو مشكورة اني هم جنت احبه بس تغيير الجو والعادات بالاكل والنفسية كولشي يتغير

مشكورين

[S U S U]

اني بالنسبة اللي استعمل النيفيا السائل اموت عليه و ابد متروح ريحتة و ميوصخ الملابس و هماتين مرتاحة عليه

http://www.knc.com.pl/sklep/galerie/a/antyperspirant-nivea-deo_18.jpg