ياريت احد موجود يساعدني

[ام امين]

هلا بنات منو تعرف طريقة عمل التاجينا
اني اعرفها بس اريد اتاكد زوجي مشتهيها وكتله راح اسويهاالك هي والدته علمتني من اني بعمان عليها بس نسيتها :0148:ههههههههه وكتله لا اتذكرها تجي تلكاني مسويتهاالك
ممممممم اتذكر هي عبارة عن بصل ولحم مفروم ولوبيه وتمن ونومي بصرة وبهارات بس بيها بزاليا لو لا ?وشلون تصير ياريت احد موجود يساعدني :065:

[لوبي]

اي عمري غالي والطلب رخيص

التاجينا بدون بازاليا عيوني وكل الي كلتي شرحا صحيح وعاشت ايدج مقدما لان متاكده راح يطلع يخبل

بهارات سبع اشكال ونومي بصرا مطحونه وكاري تحمسين البصل واللحم الي ثارمته بيدج واللوبيه وتخلين البهارات والنومي بصرا طبكي التمن وخلي الخلطه ويا التمن يتهدرون سويه

[نسمة بابل]

هلو ام امين شلونج عيوني

راح انطيج طريقتي بالتاجينة اذا عجبتج

المواد

تمن وبصل ولحم مثروم بس مو ناعم لالا مثل التكة صغار يصير اطيب وشعرية وكشمش وجزر وبزاليا اختياري

وطبعا البهارات والنومي بصرة

واللوبيا اكو هم يسوون واني مرات هم اسوي لوبيا خضرة مو يابسة بس بدونه اطيب



طبعا اطبخين التمن على حدة

تحمسين البصل وتسلقين اللحم وبعدين تحمسيه وية البصل حتى يصير ريحته طيبة

وتالي اجمعي كل المواد سوية وحطيلهم التوابل

وبعدين خلطيهم وية التمن طبقات وعوفيهم يتهدرون

ورة نص ساعة حركيهم حتى تختلط المواد

بس انبهج على شي

لا تحطين كركم ولا زعفران

التاجينة متحب اللون الاصفر

وتدللين اذا شي مواضح اني حاضرة واتمنى تطلع طيبة وتعجبج

تقبلي مروري

[مسك]

والله سامعة بيها بس عمري ممسويتها
والحبايب ماشاء الله مقصرو
لوبي ونسومة الله يجازيهم خير

[ام امين]

تسلمون حبيبات قلبي :11_2_104[1]::11_2_104[1]:
لوبي اي كالي ابو اموني مابيها بزاليا بس اني مصرة ههههههههه اي هو هيج تسويها امه مو اني ضكتها ببيت امه اني ماما متسويها واليوم مشتهيها راح اكوم احضرها شكرا عيوني مرة اخرى


نسومة
ربي يكومج بالسلامة
لا اني مااحب الزعفران وهمزين كلتيلي على الكركم
بس اكيد اجربها لطريقتج واصورها واشوفج اياها عيوني

[ام امين]

تسلمين مسوكة يالله راح اسويها واصورها واكولج عليها